پاكىستان دائىرىلىرى ئانادولۇ ئاگېنتلىقىغا بەرگەن باياناتىدا، جۈمە كۈنى يولۇچى توشۇيدىغان بىر ئاپتوبۇسنىڭ پاكىستاندا بىر جىلغىغا چۈشۈپ كېتىشى نەتىجىسىدە، كەم دېگەندە 40 كىشىنىڭ ھاياتىدىن ئايرىلغانلىقىنى ئۇقتۇردى.
ۋەقە ئاپتوبۇس بەلۇجىستان ئۆلكىسىدىن ئۆتكەندىن كېيىنلا، دۆلەتنىڭ شەرقىي شىمالىغا جايلاشقان خەيبەر-پاختونخۋا ئۆلكىسىدە يۈز بەرگەن. ئاپتوبۇس بەلۇجىستاننىڭ شېرانى ناھىيەسىگە قاراشلىق دانا سار رايونىدىن يولغا چىققان ئىدى.
بەلۇجىستان ھۆكۈمىتىنىڭ باياناتچىسى شاھىد رىند ئانادولۇ ئاگېنتلىقىغا سەككىز كىشىنىڭ يارىلانغانلىقىنى ۋە دوختۇرخانىدا داۋالىنىۋاتقانلىقىنى ئېيتتى. ۋەقەدىن كېيىنلا ئىزدەش - قۇتقۇزۇش ھەرىكىتى باشلاندى.
بەلۇجىستان ئۆلكىسىنىڭ باش مىنىستىرى سارفراز بۇگتى ئىزدەش - قۇتقۇزۇش ئەترەتلىرىنى ۋەقە يۈز بەرگەن جايغا ئەۋەتكەنلىكىنى بىلدۈردى.
