ۋېنېزۇئېلانىڭ مۇۋەققەت پىرېزىدېنتى دېلسى رودرىگۇئېز يەكشەنبە كۈنى بايانات ئېلان قىلىپ، ئامېرىكا كۈچلىرىنىڭ تۇيۇقسىز ھۇجۇمى بىلەن نىكولاس مادۇرۇ ۋە رەپىقىسى تۇتۇپ كېتىلگەندىن كېيىن، ئامېرىكا ھۆكۈمىتىنى ۋېنېسۇئېلا بىلەن ھەمكارلىشىشقا تەكلىپ قىلدى.
رودرىگۇئېز ئىنستىگرامدا ئېلان قىلغان باياناتىدا، ئىگىلىك ھوقۇق باراۋەرلىكى ۋە ئىچكى ئىشلارغا ئارىلاشماسلىق پىرىنسىپى ئاساسىدا تەڭپۇڭ مۇناسىۋەت ئورنىتىشنى ئالدىنقى ئورۇنغا قويىدىغانلىقىنى بىلدۈردى. ئۇ پىرېزىدېنت ترامپقا خىتاب قىلىپ: «ھۆرمەتلىك پىرېزىدېنت خەلقلىرىمىز ۋە رايونىمىز ئۇرۇشقا ئەمەس، تىنچلىق ۋە دىيالوگقا لايىقتۇر» دەپ يازدى.
ترامپ بولسا رودرىگۇئېزنىڭ «ھەمكارلىشىۋاتقانلىقىنى» تىلغا ئېلىپ، ئەگەر ئۇنداق قىلمىسا مادۇرۇدىنمۇ بەتتەر ئەھۋالغا قالىدىغانلىقىنى ئېيتىپ ئاگاھلاندۇردى. ترامپ يەنە، ئامېرىكانىڭ ۋېنېزۇئېلانىڭ نېفىت بايلىقىغا ۋە دۆلەتنى قايتا قۇرۇش جەريانىغا تولۇق ئارىلىشىش ھوقۇقىغا ئېھتىياجلىق ئىكەنلىكىنى تەكىتلىدى.
