ئالتۇن: پەلەستىندىكى زۇلۇمنى دۇنياغا ئاڭلىتىشتا زور نەتىجىگە ئېرىشتۇق
تۈركىيە جۇمھۇرىيىتى جۇمھۇر رەئىسلىك مەھكىمىسى ئۇچۇر – ئالاقە ئىشلىرى ئىدارىسى باشلىقى فاخرەتتىن ئالتۇن پايتەخت ئەنقەرەدە ئۆتكۈزۈلگەن 2-نۆۋەتلىك ئۇچۇر-ئالاقە كېڭىشى تەييارلىق يىغىنىدا سۆز قىلدى.
تۈركىيە جۇمھۇرىيىتى جۇمھۇر رەئىسلىك مەھكىمىسى ئۇچۇر-ئالاقە ئىدارىسى باشلىقى فاخرەتتىن ئالتۇن، تۈركىيە رادىيو-تېلېۋىزىيە ئىدارىسى (ت ر ت)، ئانادولۇ ئاگېنتلىقى ۋە خۇسۇسىيلار ئىگىلىكىدىكى تاراتقۇ ئورگانلىرىنىڭ ئىسرائىلىيەنىڭ غەززەدىكى زۇلۇمىنى دۇنياغا ئاڭلىتىش ئۈچۈن ئېلىپ بارغان كۈرىشىدە زور نەتىجىلەرگە ئېرىشكەنلىكىنى بىلدۈردى.
تۈركىيە جۇمھۇرىيىتى جۇمھۇر رەئىسلىك مەھكىمىسى ئۇچۇر – ئالاقە ئىشلىرى ئىدارىسى باشلىقى فاخرەتتىن ئالتۇن پايتەخت ئەنقەرەدە ئۆتكۈزۈلگەن 2-نۆۋەتلىك ئۇچۇر-ئالاقە كېڭىشى تەييارلىق يىغىنىدا سۆز قىلدى.
دۇنياۋى كىرىزىسلەرنىڭ كۆپەيگەنلىكىنى تىلغا ئالغان ئالتۇن، تۈركىيەنىڭ جۇمھۇر رەئىس رەجەب تاييىپ ئەردوغاننىڭ رەھبەرلىكىدە «ھەممە ئۈچۈن ئادالەت» شوئارى بىلەن خەلقئارالىق سەھنىدە بەرپاچى رولنى ئۈستىگە ئالغانلىقىنى تەكىتلىدى.
ئۇ، تۈركىيەنىڭ ئۈستىگە ئالغان بەرپاچى رولى ۋە رايون دۆلەتلىرىنىڭ مۇقىملىق ئورنىتىش تىرىشچانلىقلىرىغا قوشقان تۆھپىسىنىڭ خەلقئارالىق جەمئىيەتنىڭمۇ يۇقىرى باھاسىغا ئېرىشكەنلىكىنى بىلدۈردى.
ئىسرائىلىيەنىڭ غەززەدىكى ئىشغالىيىتىنى، پەلەستىنلىك پۇقرالارغا قاراتقان قەتلىئاملىرىنى توختىتىشىنى قولغا كەلتۈرۈش ئۈچۈن تىرىشچانلىق كۆرسىتىپ، دۇنيا جامائەتچىلىكىنى نۇرغۇن قېتىم ھەرىكەتكە ئۆتۈشكە چاقىرغانلىقلىرىنى تەكىتلىگەن ئالتۇن: «بۇ جەرياندا بارلىق ئۇچۇر-ئالاقە ئورۇنلىرىمىز —ت ر ت، ئانادولۇ ئاگېنتلىقى ۋە خۇسۇسىيلار ئىگىلىكىدىكى تاراتقۇ ئورگانلىرىمىز ئىسرائىلىيەنىڭ غەززەدە ئېلىپ بارغان زۇلۇمىنى پۈتۈن دۇنياغا كۆرسىتىش ئۈچۈن كاتتا كۈرەشلەر قىلىپ، زور نەتىجە قازاندى» دېگەنلەرنى سۆزلىرىگە ئىلاۋە قىلدى.