ئامېرىكا تاشقى ئىشلار مىنىستىرلىقى ياپونىيەگە 3 مىليارد 640 مىليون دوللار قىممىتىدىكى ئايروپىلانغا قارشى باشقۇرۇلىدىغان بومبا ۋە باشقا ھەربىي ئۈسكۈنىلەرنى سېتىپ بېرىشنى تەستىقلىدى.

تاشقى ئىشلار مىنىستىرلىقىنىڭ باياناتىدا، ياپونىيەگە «AIM-120D-3» ۋە «AIM-120C-8» تىپلىق ئوتتۇرا مۇساپىلىك ھاۋادىن ھاۋاغا قويۇپ بېرىلىدىغان باشقۇرۇلىدىغان بومبىلارنىڭ سېتىپ بېرىلىدىغانلىقى قەيت قىلىندى.

بۇ قېتىمقى قورال سودىسى ياپونىيەنىڭ ھاۋا مۇداپىئە ئىقتىدارىنى كۈچەيتىش بىلەن بىرگە، ئۇ يەردىكى ئامېرىكا ھەربىي بازىلىرىنىڭ بىخەتەرلىكىنىمۇ كاپالەتكە ئىگە قىلىشنى مەقسەت قىلىدىكەن.