زېلېنسكىي ئىجتىمائىي تاراتقۇ ھېسابىدىكى باياناتىدا، ترامپ بىلەن تېلېفوندا كۆرۈشكەنلىكىنى بىلدۈردى.
ئامېرىكا مۇستەقىللىقىنىڭ 250 – يىلى بايرىمىنى تەبرىكلىگەنلىكىنى ئەسكەرتكەن زېلېنسكىي: «تېلېفوندا ئىنتايىن گۈزەل بىر سۆھبەت ئېلىپ باردۇق» دېدى.
زېلېنسكىي دۆلىتىگە قىلغان ياردەملىرى سەۋەبىدىن ئامېرىكاغا رەھمەت ئېيتقانلىقىنى يەتكۈزۈپ: «ئامېرىكانىڭ مۇستەقىللىقىمىزنى قوغدىشىمىزدا بىزنى قوللىشىغا ئىنتايىن زور دەرىجىدە ئەھمىيەت بېرىمىز» دېدى.
زېلېنسكىي سۆھبەتتە، رۇسىيە-ئۇكرائىنا ئۇرۇشىدىكى ئاخىرقى ئەھۋاللارنىمۇ مۇزاكىرە قىلغانلىقىنى بىلدۈرۈپ، يەنە مۇنداق دېدى:
«بۇ ئۇرۇشنى ئاخىرلاشتۇرۇش ئۈچۈن رېئال بىر ئىستىقبال مەۋجۇت ۋە ئامېرىكانىڭ قەتئىيلىكى بەلگىلىگۈچى بىر ئەھمىيەتكە ئىگە بولىدۇ. سۆھبىتىمىزنى ئەنقەرەدىكى ناتو باشلىقلار يىغىنى جەريانىدا يۈزمۇيۈز داۋاملاشتۇرۇش مەسىلىسىدە كېلىشتۇق.»
