كورېيە ساقچى ئىدارىسى «كورېيەنى قايتا قۇرۇش پارتىيەسى» ناملىق ئۆكتىچى پارتىيە ۋە 59 پائالىيەتچىنىڭ ئەرزىگە قاراپ چىقىپ، يۇننى «ھەربىي ھالەت ئېلان قىلىپ ۋەتەنگە ساتقۇنلۇق قىلغان» دېگەن جىنايەت بىلەن تەكشۈرۈشكە كىرىشكەنلىكىنى ئېلان قىلدى.

ئەرزنامىلەردە يۇندىن باشقا، ھەربىي ھالەت بىكار قىلىنغاندىن كېيىن خىزمىتىدىن ئىستېپا بەرگەن سابىق مۇداپىئە مىنىستىرى كىم يوڭخيۇن، ھەربىي ھالەت قوماندانى قىلىپ تەيىنلەنگەن ئارمىيە باش ئىشىتابى باشلىقى گېنېرال پارك ئانسۇ ۋە ئىچكى ئىشلار مىنىستىرى لى ساڭ-مىنمۇ «ۋەتەنگە ساتقۇنلۇق قىلىش ۋە باشقا جىنايەتلەر» بىلەن ئەيىبلەندى.

يەنە بىر تەرەپتىن، ھاكىمىيەت  بېشىدىكى خەلق كۈچى پارتىيەسى (PPP) رەھبىرى خان دوڭ-خۇن ئۆكتىچىلەرنىڭ يۇننى ۋەزىپىسىدىن قالدۇرۇش تەكلىپىنىڭ ماقۇللىنىشىنى توسۇش ئۈچۈن كۈچەيدىغانلىقىنى بىلدۈردى. ئەتە مۇزاكىرە قىلىنىدىغان بۇ تەكلىپنىڭ دۆلەت مەجلىسىدىن ئۆتۈشى ئۈچۈن ئۈچتىن ئىككى كۆپ سانلىقنىڭ قوللاپ بېلەت تاشلىشى ئاۋاز تەلەپ قىلىنىدۇ.

دۆلەت پىرېزىدېنتى يۇن سۇك يول ئۆكتىچىلەرنىڭ «دۆلەتكە قارشى پائالىيەتلەرگە قاتناشقانلىقى» سەۋەبىدىن 3-دېكابىردا ھەربىي ھالەت ئېلان قىلغان بولۇپ، ھەربىي ھالەتنى ئىجرا قىلىشقا ۋەزىپىلەندۈرۈلگەن ھەربىيلەر دۆلەت مەجلىسىگە كىرگەنىدى.

پارلامېنت جىددىي يىغىن چاقىرىپ، ھەربىي ھالەتنى بىكار قىلىش تەكلىپىنى ماقۇللىغان، دۆلەت مەجلىسى رەئىسلىك ئىشخانىسى ھەربىي ھالەتنىڭ «ئىناۋەتسىز» ھالغا كەلگەنلىكىنى جاكارلىغانىدى. بۇنىڭ بىلەن يۇن قارارىدىن چېكىنىپ، مىنىستىرلار كابىنېتىنى يىغىنى ئېچىپ، كابىنېتنىڭ ماقۇللىشىدىن كېيىن ھەربىي ھالەتنىڭ ئاخىرلاشقانلىقىنى ئېلان قىلغانىدى.