جۇمھۇر رەئىس رەجەپ تاييىپ ئەردوغان ئامېرىكا قوشما ئىشتاتلىرى ۋە ئىسرائىلىيەنىڭ ئىرانغا قارىتىلغان ئۇرۇشىنىڭ پۈتكۈل رايونغا كېڭىيىپ كېتىشتىن بۇرۇن توختىتىلىشى كېرەكلىكىنى، دىپلوماتىيەگە پۇرسەت بېرىلسە، بۇنىڭ مۇمكىن بولىدىغانلىقىنى تەكىتلىدى.
چارشەنبە كۈنى پارتىيەسىنىڭ گۇرۇپپا يىغىنىدا سۆز قىلغان ئەردوغان، تۈركىيەنىڭ «قايتىدىن سۆھبەت ئۈستىلىگە ۋە مۇزاكىرىگە قايتىش، دىپلوماتىيەنى قايتىدىن ئىشقا كىرىشتۈرۈش ئۈچۈن تىرىشچانلىقىنى سەۋرچانلىق بىلەن داۋاملاشتۇرۇۋاتقانلىقىنى» ئېيتتى.
ئەردوغان يەنە ۋەزىيەتنىڭ سەزگۈرلىكىنى كۆزدە تۇتۇپ، تۈركىيەنىڭ سوغۇققانلىق بىلەن ھەرىكەت قىلىۋاتقانلىقىنى ۋە ئەتراپىدىكى توقۇنۇشلاردىن ساقلىنىش ئۈچۈن زۆرۈر تەدبىرلەرنى قوللىنىۋاتقانلىقىنى سۆزلىرىگە ئىلاۋە قىلدى.
جۇمھۇر رەئىس ئەردوغان تۈركىيەنىڭ رايونلۇق كىرىزىسلارغا سۈكۈت قىلىپ تۇرمايدىغانلىقىنى، زۆرۈر تېپىلغاندا دوستلىرى ۋە قېرىنداشلىرىدىن يۈز ئۆرۈمەيدىغانلىقىنى تەكىتلىدى.
