رايون ۋالىيسى دۈشەنبە كۈنى ئېلان قىلغان باياناتىدا، ئۇكرائىناغا تەۋە بىر ئۇچقۇچىسىز ئايروپىلان ھۇجۇمى نەتىجىسىدە، رۇسىيەنىڭ چېگرا رايونى بېلگورودتا ئىككى پۇقرانىڭ ھاياتىدىن ئايرىلغانلىقى بىلدۈرۈلدى.
ۋالىي ۋياچېسلاۋ گلادكوۋ تېلېگرامما ئارقىلىق، كېچىدە ئېلىپ بېرىلغان ھۇجۇمنىڭ ئۇكرائىنا چېگراسىنىڭ شىمالىدىكى ستارې ئوسكول شەھەرىدىكى بىر تۇرالغۇغا تەگكەنلىكىنى، ئوت كەتكەنلىكىنى ۋە بىنانىڭ بىر قىسمىنىڭ ئۆرىلىپ چۈشكەنلىكىنى ئورتاقلاشتى. ئۇ يەنە: «نەق مەيداندا ئىشلەۋاتقان قۇتقۇزۇش ئەترەتلىرى ئىككى كىشىنىڭ جەسىتىنى تاپتى» دېگەنلەرنى قەيت قىلدى.
تەخمىنەن تۆت يىلدىن بېرى داۋاملىشىۋاتقان ئۇرۇشتا، موسكۋانىڭ ھەر كۈنى دېگۈدەك ئېلىپ بېرىۋاتقان بومباردىمانلىرىغا جاۋابەن، ئۇكرائىنا ئېنېرگىيە ساھەسىنى ھۇجۇم نىشانى قىلىش ئۈچۈن رۇسىيە تۇپراقلىرىغا ئۇچقۇچىسىز ئايروپىلانلارنى ئەۋەتمەكتە.
رۇسىيە ئۇكرائىنانىڭ توك ۋە ئىسسىنىش ئۇل ئەسلىھەلىرىنى ھۇجۇم نىشانى قىلىپ، ھاۋا تېمپېراتۇرىسى -20 سېلسىيە گىرادۇسقىچە تۆۋەنلىگەن بىر پەيتتە، ئاھالىلەرنى قاراقغۇلۇققا ۋە سوغۇققا مەھكۇم قىلدى.
يەكشەنبە كۈنى ئۇكرائىنا ئوتتۇرا قىسمىنىڭ شەرقىدىكى دنىپروپېتروۋسك رايونىدا كان ئىشچىلىرىنى توشۇيدىغان بىر ئاپتوبۇسقا قارىتىلغان رۇسىيە ئۇچقۇچىسىز ئايروپىلانى ھۇجۇمىدا ئاز دېگەندە 12 كىشى ھاياتىدىن ئايرىلدى.
