جەنۇبىي كورېيەنىڭ ئۆزەك ئېكسپورتى ئاپرېل ئېيىدا زور دەرىجىدە ئاشقان بولۇپ، سودا سانلىق مەلۇماتلىرى بۇنى نامايان قىلدى، بىراق ئامېرىكا تاموژنا بېجى توغرىسىدىكى سودا كەسكىنلىكى داۋاملاشماقتا.

ئاسىيادىكى تۆتىنچى چوڭ ئىقتىسادىي كۈچ بولغان جەنۇبىي كورېيە ۋاشىنگتوننىڭ ئاساسلىق سودا شېرىكلىرىدىن بىرى بولۇپ، ئۆزەك ۋە ئاپتوموبىل سانائىتىنىڭ مەركىزى بولۇپ كەلمەكتە.

جەنۇبىي كورېيە تاموژنا مۇلازىمىتى تەرىپىدىن پەيشەنبە كۈنى ئېلان قىلغان مەلۇماتلارغا ئاساسلانغاندا، بۇ دۆلەتنىڭ ئاپرېل ئېيىدىكى ئېكسپورتى جەمئىي 58.2 مىليارد دوللارغا يېتىپ، ئۆتكەن يىلنىڭ ئوخشاش مەزگىلىگە سېلىشتۇرغاندا %3.7 ئاشقان.

سودا مىنىستىرلىقى تەرىپىدىن ئېلان قىلىنغان باشقا سانلىق مەلۇماتلارغا كۆرە، جەنۇبىي كورېيەنىڭ ئەڭ چوڭ ئېكسپورت مەھسۇلاتى بولغان ئۆزەكلەرنىڭ ئېكسپورت نىسبىتى %17.2 ئاشقان، بۇ تۆت ئايدىن بۇيانقى ئەڭ چوڭ ئۆسۈش، شۇنداقلا ئاپرېل ئېيى ئۈچۈنمۇ ھازىرغىچە يارىتىلغان ئەڭ يۇقىرى قىممەت ھېسابلىنىدۇ.

يانفون، سىمسىز ئالاقە ئۈسكۈنىلىرى ۋە بىئوفارماتسېۋتىكا مەھسۇلاتلىرى ئېكىسپورتىمۇ %26.5 ۋە %21.8 يۇقىرى ئۆرلىگەن.

سېئول ۋە ۋاشىنگتون 8-ئىيۇلدا ئامېرىكا پىرېزىدېنتى ترامپنىڭ تاموزنا بېجىنى توڭلىتىش بەلگىلىمىسنىڭ مۇددىتى توشۇشتىن ئىلگىرى، يېڭى باجلارنى بىكار قىلىشنى نىشان قىلغان «سودا لايىھەسى» ھازىرلاش ئۈچۈن خىزمەت قىلماقتا.

ۋاشىنگتون مارت ئېيىنىڭ باشلىرىدا پولات ئىمپورتىغا %25 ۋە ئاپتوموبىل ئىمپورتىغا %25 باجنى يولغا قويغان ئىدى.

بۇنىڭدىن سىرت، ئاپرېل ئېيىنىڭ باشلىرىدا %10 لىك ئومۇمىي باج كۈچكە ئىگە بولدى ۋە جەنۇبىي كورېيە قاتارلىق چوڭ دۆلەتلەرنى نىشان قىلغان يۇقىرى «ئۆزئارا» باجلار 90 كۈنلۈك توڭلىتىلغان ئىدى.  

بۇ سودا سانلىق مەلۇماتلىرى دۇنيادىكى ئىككىنچى چوڭ ئۆزەك ئىشلەپچىقارغۇچى جەنۇبىي كورېيە SK hynix شىركىتىنىڭ سۈنئىي ئەقىلگە بولغان ئالەمشۇمۇل تەلەپنىڭ زور كۆلەمدە ئېشىشى سەۋەبىدىن، رېكورت دەرىجىدە پايدا كۆرگەنلىكىنى جاكارلىشىدىن بىر ھەپتە كېيىن ئېلان قىلىندى.

بۇ شىركەتنىڭ جەنۇبىي كورېيەدىكى رەقىبى، ئالەمشۇمۇل ئۆزەك ۋە يانفون ئىشلەپچىقىرىش گىگانتى بولغان Samsung Electronics  چارشەنبە كۈنى يانفون سېتىش نىسبىتىنىڭ بىرىنچى پەسىلدىكى ساپ پايدىسى %21.7 ئېشىپ، مۆلچەردىن يۇقىرى بولغانلىقىنى ئېلان قىلدى.

ھۆسىن تۈزەش مەھسۇلاتلىرى ۋە گىرىم بۇيۇملىرى ئېكىسپورتى %20.8 ئاشتى، يېزا-ئىگىلىك ۋە يېمەك-ئىچمەك مەھسۇلاتلىرىنىڭ ئېكسپورتىمۇ %8.6 يۇقىرى ئۆرلىدى.

ياۋروپا ئىتتىپاقىغا بولغان ئېكسپورت %18.4 ئېشىپ، ئايلىق 6.7 مىليارد دوللا بىلەن رېكورت ياراتتى. خىتايغا بولغان ئېكسپورتمۇ %3.9 ئاشتى.

ئەمما، جەنۇبىي كورېيەنىڭ ئامېرىكاغا بولغان ئېكسپورتى %6.8 تۆۋەنلىگەن بولۇپ، ئاپتوموبىللارنىڭ ئومۇمىي ئېكسپورتىمۇ %3.8 تۆۋەنلەپ كەتتى.

سودا مىنىستىرى ئاخن دۇك-گىئۇن، بۇ سانلىق مەلۇماتلار، بولۇپمۇ ئامېرىكاغا بولغان ئېكسپورتنىڭ تۆۋەنلىشىگە قارىماي، خىتاي ۋە ياۋروپا ئىتتىپاقى قاتارلىق ئاساسلىق بازارلارغا بولغان ئېكسپورتنىڭ ئېشىشى، «سىرتقى مۇقىمسىزلىقلارغا قارىماي كورېيە ئېكسپورتلىرىنىڭ رىقابەتچانلىقى مۇستەھكەم تۇرۇۋاتقانلىقىنىڭ دەلىلىدۇر» دېدى.

ئاپرېل ئېيىدا ئىمپورت %2.7 تۆۋەنلەپ، 4.8 مىليارد دوللارغا يەتتى.  بۇ ئالدىنقى ئايدىكى 4.98 مىليارد دوللاردىن تۆۋەن.