ياپونىيەنىڭ جەنۇبىدىكى كۇماموتو ئۆلكىسى ساھىللىرىدا 7.1 بال يەر تەۋرىدى.
ياپونىيە مېتېئورولوگىيە ئىدارىسىنىڭ بىلدۈرۈشىچە، كۇماموتو ئۆلكىسىنىڭ مەركىزىگە جايلاشقان ئۇكى ۋە ھىكاۋا رايونلىرىدا شۇ جاي ۋاقتى سائەت 16:27 دە يەر تەۋرىگەن.
7.1 باللىق مەزكۇر يەر تەۋرەش 10 كىلومېتىر چوڭقۇرلۇقتا يۈز بەرگەن.
تەۋسىيە
دۆلەتلىك تېلېۋىزىيە قانىلى NHK نىڭ خەۋىرىگە قارىغاندا، يەر تەۋرەشتىن كېيىن ئادەم ئۆلۈش ياكى يارىلىنىش ئەھۋالى مەلۇم قىلىنمىغان.
ياپونىيە مېتېئورولوگىيە ئىدارىسى يەر تەۋرەشنىڭ كۇماموتونىڭ ياتسۇشىرو، ئۇتو ۋە ماشىكى رايونلىرىغىمۇ كۈچلۈك تەسىر كۆرسەتكەنلىكىنى بىلدۈردى.
دۆلەتلىك تېلېۋىزىيە قانىلى NHK، يەر تەۋرەشتىن كېيىن كۇماموتوغا تۇتاش ياتسۇشىرو دېڭىزى ساھىللىرىدا دېڭىز تاشقىنى يۈز بېرىشى مۇمكىنلىكىنى خەۋەر قىلدى.
