زېلېنسكىي ئىجتىمائىي تاراتقۇ ھېساباتىدا ئېلان قىلغان يازما باياناتىدا، روسىيە ئارمىيەسىگە ياردەم بېرىۋاتقان ئورۇنلار ھەم پاراخوتلارغا قارىتا ھۇجۇملارنى داۋاملاشتۇرۇۋاتقانلىقىنى ئېيتتى.
قارا دېڭىز ۋە ئازوۋ دېڭىزىدىكى نىشانلارغا زەربە بېرىلگەنلىكىنى ئەسكەرتكەن زېلېنسكىي: «ئېمبارگو ئاستىدا بولغان ۋە 100 مىڭ توننىدىن ئارتۇق يۈك سىغىمىغا ئىگە روسىيەنىڭ كونتېينېر پاراخوتى 'ئىيانىنايا' مۇ زەربىگە ئۇچرىدى. مۇداپىئە قىسىملىرىمىزنىڭ دەل تەككۈزۈش جەڭگىۋارلىقى نەتىجىسىدە پاراخوت چۆكۈپ كەتتى» دېدى.
زېلېنسكىي يەنە روسىيە فېدېراتسىيەسىگە قاراشلىق باشقۇردىستان جۇمھۇرىيىتىدىكى 3 نېفىت ئايرىش زاۋۇتىنىڭمۇ ئۇكرائىنا بىخەتەرلىك قىسىملىرى تەرىپىدىن نىشانغا ئېلىنغانلىقىنى تەكىتلىدى ۋە: «بۇ ئورۇنلارنىڭ (ئۇكرائىنا چېگراسىدىن) ئارىلىقى تەخمىنەن 1600 كىلومېتىر كېلىدۇ» دېگەن ئۇچۇرنى ھەمبەھىرلىدى.
ئۇنىڭدىن باشقا زېلېنسكىي ئۆزلىرى ئېلىپ بارغان بۇ ھۇجۇملارغا ئائىت بىر قىسىم كۆرۈنۈشلەرنىمۇ بىرلىكتە ئېلان قىلدى.
