باش ئەلچى يىلدىز يىغىندا سۈرىيە زېمىنىنىڭ تېررورلۇقتىن تازىلىنىشىنىڭ مۇھىملىقىنى تەكىتلەپ، سۈرىيەدە پ ك ك / ي پ گ، دائىش قاتارلىق تېررورلۇق تەشكىلاتلىرىنىڭ ئورنى يوقلۇقىنى بىلدۈردى. ئۇ: «(بۆلگۈنچى تېررورلۇق تەشكىلاتى) پ ك ك / ي پ گ سۈرىيە زېمىنىنى ئىشغال قىلىشنى داۋاملاشتۇرۇۋاتقان ئەھۋالدا، سۈرىيەنىڭ تىنچلىققا ئېرىشىشى ۋە گۈللىنىشى مۇمكىن ئەمەس. پ ك ك / ي پ گ نىڭ تەبىئىي گاز ۋە نېفىت مەنبەلىرى ئۈستىدىكى كونتروللۇقى ئاخىرلىشىشى، بۇ مەنبەلەر سۈرىيەلىك ھەقدارلارغا قايتۇرۇلۇشى كېرەك» دېدى.
باش ئەلچى يىلدىز تىنچ ۋە سىياسىي جەھەتتىن بىرلىككە كەلگەن سۈرىيە ئورگانلىرىنى قۇرۇشنىڭ ئالدىنقى شەرتىنىڭ تېررورنى يوقىتىش ئىكەنلىكىنى بىلدۈرۈپ، خەلقئارالىق جەمئىيەتنى سۈرىيەگە قارىتىلغان جازا تەدبىرلىرىنى ئەمەلدىن قالدۇرۇشقا چاقىردى.
مەزكۇر يىغىندا سۆز قىلغان ب د ت مۇئاۋىن باش كاتىپى، قوشۇمچە جىددىي ياردەم ئىشلىرى كوردىناتورى توم فلېتچېر، تۈركىيە چېگراسى ئارقىلىق سۈرىيەگە يەتكۈزۈلگەن ياردەملەرنىڭ مىقدارىنىڭ كۆپەيگەنلىكىنى بىلدۈردى.
