ئىزدەش - قۇتقۇزۇش ئەترەتلىرى ھاياتىدىن ئايرىلغانلارنىڭ كىملىكىنى ئېنىقلاپ چىقىشقا تىرىشماقتا. يارىلانغان يولۇچىلار يېقىن ئەتراپتىكى دوختۇرخانىلارغا ئورۇنلاشتۇرۇلماقتا.
پوكخارا شەھىرىدىن نېپالنىڭ پايتەختى كاتماندۇغا قاراپ يولغا چىققان بىر يولۇچىلار ئاپتوبۇسىنىڭ دادىڭ ناھىيەسىدە تىشۇلى دەرياسىغا چۈشۈپ كېتىشى نەتىجىسىدە، كەم دېگەندە 17 كىشى ھاياتىدىن ئايرىلدى، 24 كىشى يارىلاندى.
نېپال دۆلەت خەۋپسىزلىك كۈچلىرىنىڭ بىلدۈرۈشىچە، ھادىسە يەكشەنبە كۈنى خەلقئارا ئۆلچەملىك ۋاقىت يەنى گىرىنۋىچ ۋاقتى 19:45 تە يۈز بەرگەن.
ساقچى تەرەپنىڭ باياناتچىسى بىشنۇ پراساد باتتانىڭ ئەسكەرتىشىچە، دۆلەت خەۋپسىزلىك كۈچلىرى بىلەن كۆپ ساندىكى خادىملار قۇتقۇزۇش خىزمىتىنى داۋاملاشتۇرماقتا ئىكەن.
ئىزدەش - قۇتقۇزۇش ئەترەتلىرى ھاياتىدىن ئايرىلغانلارنىڭ كىملىكىنى ئېنىقلاپ چىقىشقا تىرىشماقتا، يارىلانغان يولۇچىلار يېقىن ئەتراپتىكى دوختۇرخانىلارغا ئورۇنلاشتۇرۇلماقتا ئىكەن.
ھادىسەنىڭ سەۋەبى تېخىچە ئېنىقلاپ چىقىلالمىدى.
ئىگىلىنىشىچە، تاغلىق رايونغا جايلاشقان بىر دۆلەت بولغان نېپالدا ئۇل ئەسلىھەلەرنىڭ يېتەرسىزلىكى، كونىراپ كەتكەن ئاپتوموبىللار ۋە مۇرەككەپ يەر شەكلى شارائىتى سەۋەبىدىن دائىم دېگۈدەك قاتناش ھادىسىلىرى كۆرۈلىدىكەن.
