قوبۇل قىلىش سىناقلىرىدىن مۇۋەپپەقىيەتلىك ئۆتكەن دەسلەپكى ئۈچ «قىزىلئەلما»نىڭ بىخەتەرلىك كۈچلىرىگە تاپشۇرۇپ بېرىلىشى ئامېرىكادىن ياۋروپاغىچە نۇرغۇن دۆلەتنىڭ تاراتقۇلىرىدا ئورۇن ئالدى.
ئامېرىكانىڭ مۇداپىئە ساھەسىدىكى تاراتقۇلىرى «قىزىلئەلما»غا ئالاھىدە دىققەت قىلدى.
ئاۋىياتسىيە ساھەسىدىكى Aviation Week بۇ خەۋەرنى «تۈركىيە ئارمىيەسى بايقارنىڭ ‹قىزىلئەلما› ئايروپىلانىنى تاپشۇرۇۋالدى» دېگەن ماۋزۇ بىلەن ئېلان قىلدى. خەۋەردە بايقارنىڭ دۇنيا ئاۋىياتسىيە تارىخىدا تۇنجى قېتىملىق بىر نەتىجە ياراتقانلىقى ھەققىدىكى باياناتىغىمۇ ئورۇن بېرىلدى.
ئامېرىكادىكى Al-Monitor بولسا «قىزىلئەلما»نىڭ ئارمىيەگە تاپشۇرۇلۇشىنى ئۇنىڭ تۈركىيە ھاۋا كۈچىگە قوشىدىغان يېڭى ئىقتىدارلىرى بىلەن بىرلەشتۈرۈپ تەھلىل قىلدى.
«ئەنئەنىۋى ئاۋىياتسىيەگە رىقابەت»
«قىزىلئەلما»نىڭ تۈركىيە ئارمىيەسى قوراللىرى قاتارىغا سەپلىنىشى گىرېتسىيە تاراتقۇلىرىنىڭمۇ كۈنتەرتىپىدىن ئورۇن ئالدى.
مۇداپىئە ساھەسىدىكى OnAlert «قىزىلئەلما»نىڭ 600 قېتىم سىناق ۋە مەشىق ئۇچۇشى ئېلىپ بارغانلىقىنى يازدى.
ΠΤΗΣΗ ژۇرنىلى بولسا، «قىزىلئەلما»نىڭ ھاۋادىن ھاۋاغا جەڭ قىلىش ۋە ئۇچقۇچى باشقۇرىدىغان ئۇرۇش ئايروپىلانلىرى بىلەن بىرلىكتە ھەرىكەت قىلىش ئىقتىدارىنى مۇھاكىمە قىلدى.
رۇسىيەدىكى EADaily خەۋەر ئاگېنتلىقى بۇ خەۋەرنى «ئەنئەنىۋى ئاۋىياتسىيەگە رىقابەت» دېگەن ماۋزۇ بىلەن ئوقۇرمەنلىرىگە يەتكۈزۈپ، دەسلەپكى ئۈچ «قىزىلئەلما»نىڭ تاپشۇرۇلۇشى ۋە ئايروپىلاننىڭ كەلگۈسى ئىقتىدارلىرى ھەققىدە توختالدى.














