تۈركىيە جۇمھۇرىيىتى مەدەنىيەت ۋە ساياھەت مىنىستىرى مەھمەت نۇرى ئەرسوي غەربىي تراكىيا تۈرك جەمئىيىتىنىڭ رەھبىرى دوكتور سادىق ئەھمەتنى ۋاپاتىنىڭ 31-يىلىدا سېغىنىش ۋە ھۆرمەت بىلەن ياد ئەتتى.
ئەرسوي تۈركىيەنىڭ ئىجتىمائىي تاراتقۇ سۇپىسى NSosyal دىكى ئادرېسىدا، غەربىي تراكىيا تۈرك جەمئىيىتىنىڭ رەھبىرى دوكتور سادىق ئەھمەت ۋاپات بولغانلىقىنىڭ 31-يىللىقى مۇناسىۋىتى بىلەن ئۇچۇر ئېلان قىلدى.
غەربىي تراكىيا تۈركلىرىنىڭ ھوقۇق، قانۇن ۋە كىملىك كۈرىشىدىكى باشلامچىسى سادىق ئەھمەتنى ۋاپاتىنىڭ خاتىرە كۈنىدە سېغىنىش ۋە ھۆرمەت بىلەن ئەسلىگەن ئەرسوي مۇنداق دەپ يازدى: «ئۆمرىنى ئۆز غايىسىگە بېغىشلىغان دوكتور سادىق ئەھمەت جەسۇرلۇقى، قەتئىي ئىرادىسى ۋە پىرىنسىپچان مەيدانى بىلەن قەلبىمىزدە ئۆچمەس ئىز قالدۇردى. بىز تۈركىيە بولۇش سۈپىتىمىز بىلەن، غەربىي تراكىيا تۈركلىرىنىڭ يوللۇق ھەق - ھوقۇقى، كىملىكى ۋە مەدەنىيەت قىممەت قاراشلىرىنى قوغداشقا قارىتىلغان ھەر قانداق تىرىشچانلىقنى داۋاملىق قوللايمىز، شۇنداقلا دوكتور سادىق ئەھمەتنىڭ ئەزىز ئەسلىمىسىنى ھەر دائىم ياد ئېتىمىز.»
