ئىران پارلامېنت رەئىسى مۇھەممەد باقىر كالىباف، «ئىراننىڭ نېفىت سېتىشى چەكلەنگەن تەقدىردە، رايوندا نېفىت سېتىلىشىغا يول قويمايدىغانلىقلىرىنى» ۋە ھورمۇز بوغۇزىنىڭ ۋەزىيىتىنىڭ «ئىلگىرىكى ھالىتىگە» قايتمايدىغانلىقىنى ئېيتتى.
كالىباف ئاممىۋى ئورتاقلىشىش تور بېتى X سەھىپىسىدىكى ھېسابىدا، 22-ئىيۇل كۈنى ئېلان قىلغان باياناتىنى قايتا ھەمبەھىرلەپ، ئامېرىكانىڭ ئىران نېفىت ئېكسپورتىغا توسقۇنلۇق قىلىش ئۇرۇنۇشلىرىنى تەنقىد قىلىپ مۇنداق دېدى:
«ئۇرۇشنىڭ فورمۇلاسى ئېنىقتۇر؛ يا ھەممەيلەن ساتىدۇ، ياكى ھېچكىم ساتالمايدۇ. بىز نېفىت ساتالمىغان بىر رايوندا، ھېچكىم نېفىت ساتالمايدۇ.
ئىراننىڭ ئۇل ئەسلىھەلىرى بىخەتەر بولمىغان تەقدىردە، ھېچقانداق ئۇل ئەسلىھە بىخەتەر بولالمايدۇ. ھورمۇز بوغۇزىنىڭ بىخەتەرلىكى ئامېرىكا كۈچلىرىنىڭ رايوندا بولماسلىقىغا باغلىق. بىز بوغۇزنىڭ ئىلگىرىكى ھالىتىگە قايتمايدىغانلىقىنى كۆپ قېتىم ئېيتقان ئىدۇق.»
