رۇسىيەنىڭ پېرم رايونىنىڭ ۋالىيسى دمىترىي ماخونىن دۆلەت خەۋپسىزلىك كۈچلىرىنىڭ 39 ئۇچقۇچىسىز ھاۋا ئاپپاراتىنى ئېتىپ چۈشۈرگەنلىكىنى، بىر سانائەت زاۋۇتىغا قىلىنغان ھۇجۇمدا بىر كىشىنىڭ ھاياتىدىن ئايرىلغانلىقىنى بىلدۈردى. ئۇليانوۋسك ۋالىيسى ئالېكسېي رۇسسىك بىر بالىنى ئۆز ئىچىگە ئالغان سەككىز كىشىنىڭ يارالانغانلىقىنى، ۋورونېژ ۋالىيسى ئالېكساندىر گۇسېۋ بولسا تۆت كىشىنىڭ يارالانغانلىقىنى ۋە رايوندا 88 ئۇچقۇچىسىز ھاۋا ئاپپاراتىنىڭ ئېتىپ چۈشۈرۈلگەنلىكىنى ئىلگىرى سۈردى.

روستوۋ ۋالىيسى نوۋوشاختىنسك نېفىت پىششىقلاپ ئىشلەش زاۋۇتىنىڭ زىيانغا ئۇچرىغانلىقىنى ۋە پائالىيىتىنىڭ توختىتىلغانلىقىنى، ئەمما ھېچقانداق تالاپەت يۈز بەرمىگەنلىكىنى ئېلان قىلدى. رۇسىيە دۆلەت مۇداپىئە مىنىستىرلىقى كېچىچە 18 رايوندا، قارادېڭىز تەۋەلىكىدە ۋە ئىشغالىيەت ئاستىدىكى قىرىمدا جەمئىي 592 ئۇكرائىنا ئۇچقۇچىسىز ھاۋا ئاپپاراتىنى ئېتىپ چۈشۈرگەنلىكىنى ئىلگىرى سۈردى.

يەنە بىر تەرەپتىن، رۇسىيە كېچىدە ئېلىپ بارغان ھۇجۇملىرىدا كىيېۋ ئەتراپىدىكى ئۇكرائىنا شىركىتى «Fire Point» قا تەۋە بىر ئۇچقۇچىسىز ھاۋا ئاپپاراتى قۇراشتۇرۇش زاۋۇتىدىن باشقا، ئودېسسادا ئۇكرائىنا ئارمىيەسىنى ماددىي ئەشيا بىلەن تەمىنلەيدىغان ئەشيا ئوبوروت مەركەزلىرى ۋە پورت ئۇل ئەسلىھەلىرىنىڭ نىشان قىلىنغانلىقىنى بىلدۈردى.

ئۇكرائىنا ھاۋا ئارمىيەسى رۇسىيە تەرىپىدىن قويۇپ جاكارلىدى. ھەر ئىككى تەرەپ يېقىنقى ئايلاردا ئەشيا ئوبوروتى، پورت ۋە ئېنېرگىيە ئۇل ئەسلىھەلىرىگە قاراتقان ھۇجۇملىرىنى كۈچەيتكەن بولسىمۇ، ئەمما پۇقرالارنى قەستەن نىشان قىلغانلىقىغا دائىر ئەيىبلەشلەرنى رەت قىلماقتا.