سىياسەت
2 مىنۇت ئوقۇش
«ئىران بىلەن بولغان ئۇرۇشنىڭ چىقىمى 37 مىليارد 500 مىليون دوللارغا يەتتى»
ئامېرىكا دۆلەت مۇداپىئە مىنىستىرى خېگسېت ئىران بىلەن بولغان ئۇرۇشنىڭ چىقىمىنىڭ 37 مىليارد 500 مىليون دوللارغا يەتكەنلىكىنى بىلدۈردى.
«ئىران بىلەن بولغان ئۇرۇشنىڭ چىقىمى 37 مىليارد 500 مىليون دوللارغا يەتتى»
«ئىران بىلەن بولغان ئۇرۇشنىڭ چىقىمى 37 مىليارد 500 مىليون دوللارغا يەتتى»

خېگسېتنىڭ ئېچىلىش نۇتىقى 4 قېتىم نارازىلىق سەۋەبىدىن ئۈزۈلۈپ قالدى.

ئامېرىكا دۆلەت مۇداپىئە مىنىستىرى پېت خېگسېت، ئامېرىكا ئارمىيەسى ئۈچۈن قوشۇمچە مەنبەلەرگە ئېھتىياج بارلىقىنى ئەسكەرتىپ، ئىران بىلەن داۋاملىشىۋاتقان ئۇرۇشنىڭ چىقىمىنىڭ37 مىليارد 500 مىليون دوللارغا يەتكەنلىكىنى بىلدۈردى.

پېت خېگسېت، باش ئىشتاب باشلىقى دان كاين ۋە يېزا ئىگىلىك مىنىستىرى برۇك روللىنس بىلەن بىرلىكتە، دۆلەت مۇداپىئە مىنىستىرلىقى (پېنتاگون) ئۈچۈن تەلەپ قىلىنغان قوشۇمچە خامچوت مەسىلىسىدە ئامېرىكا كېڭەش پالاتاسى مەبلەغ ئاجرىتىش كومىتېتى ئەزالىرىنىڭ سوئاللىرىغا جاۋاب بېرىپ مۇنداق دېدى:

«سىلەرگە مەلۇم بولغىنىدەك، جەسۇر ۋە تېز قەدەملەر تاشلىنىشى كېرەك بولغان خەتەرلىك بىر دۇنيادا ياشاۋاتىمىز. 2026-مالىيە يىلىغا قارىتىلغان بۇ قوشۇمچە مەبلەغ ئاجرىتىش تەلىپىنىڭ سەۋەبىمۇ دەل مۇشۇ. دەرۋەقە، مەزكۇر خامچوت تەلىپى دۆلەت مۇداپىئە مىنىستىرلىقىنىڭ جىددىي ئېھتىياجلىرىنى قامداشقا قارىتىلغان زۆرۈر ۋە ئالدىنقى قاتاردىكى مەنبە تولۇقلىمىسىدۇر.»

خېگسېت بۇ قوشۇمچە مەبلەغ تەلىپىنىڭ ھازىرقى مەنبەلەرنىڭ ئورنىنى باسىدىغان بىر تاللاش ئەمەسلىكىنى تىلغا ئېلىپ: «شۇنىڭ بىلەن بىر ۋاقىتتا، بىز باشقا بىر دەۋردە تۇرۇۋاتىمىز. تېخنولوگىيە، بىر تەرەپ قىلىش كۈچى، سۈنئىي ئەقىل، ئاپتوماتىك سىستېمىلار ۋە ئالەم بوشلۇقى ساھەلىرىدە ھالقىلىق مەبلەغ سېلىشنى دەرھال ئېلىپ بارمىساق، ھەرىكەتسىز قېلىش ھەشەمىتىمىز بولمايدۇ. ھازىرنىڭ ئۆزىدە بۇ خىل مەبلەغلەرنى سېلىۋاتقان رەقىبلىرىمىز بىزدىن ئېشىپ كېتىشى مۇمكىن» دېدى.

دۆلەت مۇداپىئە مىنىستىرى، دېموكرات پالاتا ئەزاسى دىك دۇربىننىڭ 28-فېۋرالدا باشلانغان ئىران ئۇرۇشىنىڭ چىقىمىغا دائىر سوئالىغا: «ھازىرغىچە 37 مىليارد 500 مىليون دوللار چىقىم قىلىندى» دەپ جاۋاب بەردى.

بۇ مەبلەغلەر بولمىسا، ئەسكەرلەرنىڭ مائاشىنى بېرىشنىڭ مۇمكىن ئەمەسلىكىنى بايان قىلغان خېگسېت، يەنە ئامېرىكا ئارمىيەسىنىڭ «ئۈسكۈنە ۋە ئوق-دورىلارنى تېزلىكتە يېڭىلاش ھەمدە مۇھىم ھەرىكەتلەرنى ئۈزۈلۈپ قالماي داۋاملاشتۇرۇش ئىقتىدارىغا تەھدىت ئېلىپ كېلىدىغان» ھالقىلىق كەمتۈكلۈكلەرگە دۇچ كېلىشى مۇمكىنلىكىنى ئېيتتى.

خېگسېتنىڭ ئېچىلىش نۇتىقى 4 قېتىم نارازىلىق سەۋەبىدىن ئۈزۈلۈپ قالدى

ئامېرىكا پىرېزىدېنتى دونالد ترامپ ھۆكۈمىتىنىڭ قوشۇمچە مەبلەغ ئاجرىتىش تەلىپى مۇزاكىرە قىلىنغان يىغىندا، دۆلەت مۇداپىئە مىنىستىرى خېگسېتنىڭ كەڭەش پالاتاسىدىكى ئېچىلىش نۇتىقى ئۇرۇشقا قارشى تۇرغۇچىلار تەرىپىدىن نارازىلىققا ئۇچرىدى.

خېگسېت تېخى بىرىنچى جۈملىسىدىلا زالدىكى بىر قىسىم ئۇرۇشقا قارشى تۇرغۇچىلار تەرىپىدىن نارازىلىققا ئۇچرىدى، قىسقا ۋاقىت ئىچىدە 4 قېتىم نامايىشچىلار تەرىپىدىن سۆزدىن توختىتىپ قويۇلدى.

ئۇرۇشقا قارشى نامايىشچىلار زالدىن تېزلىكتە چىقىرىۋېتىلگەن بولسىمۇ، لېكىن ئۇلارنىڭ «بىگۇناھ بالىلارنى بومبىلاشنى توختىتىڭلار» دېگەن سۆزلىرى ئاڭلاندى.

ئىزدىنىڭ
كۈندىلىك قىسقا خەۋەرلەر 11 - نويابىر چارشەنبە
مالايشىيادىكى كەلكۈن ئاپىتىدە 5 كىشى ھاياتىدىن ئايرىلدى
دانىيە ئوكرائىناغا قوشۇمچە ياردەم بېرىدىغان بولدى
سۇداندا ئۇچقۇچىسىز ئايروپىلان ھۇجۇمى يۈ بەردى
كامبودژادا ئوقۇغۇچىلار ئاپتوبۇسى كۆلچەككە چۈشۈپ كەتتى
كونگو دېموكراتىك جۇمھۇرىيىتىدە ھەربىي سوتنىڭ ھۆكمىنى چىقاردى
رىزائى ترامپنى ئىراننىڭ 7 تۈرلۈك شەرتىنى قوبۇل قىلىشقا چاقىردى
فىرانسىيە تاللا بازارلىرىغا قىلىنغان تور ھۇجۇمىدا ئىراننى ئەيىبلىدى
ترامپ ھازىرچە ئىرانغا ھەربىي ھەرىكەت قىلىشنىڭ ھاجىتى يوقلۇقىنى ئېيتتى
ئاتاتۈرك خاتىرە سارايىدا بۈيۈك رەھبەر ئاتاتۈرك ئۈچۈن دۆلەت مۇراسىمى ئۆتكۈزۈلدى
تۈركىيە بىلەن ئۆزبېكىستان مۇھىت ئاسراش ساھەسىدە ھەمكارلىق كېلىشىمى ئىمزالىدى
ئەردوغان: ئارىمىزغا سوغۇقچىلىق سالماقچى بولغانلار خەلقلىرىمىزنىڭ قەتئىي ئىرادىسىنى نەزەرگە ئالمىدى
خىتاي ئامېرىكا مەھسۇلاتلىرىغا قوشۇمچە تاموژنا بېجى قويۇشنى كېچىكتۈرۈش مۇددىتىنى يەنە 2 ئاي ئۇزارتتى
31- نۆۋەتلىك ب د ت كىلىمات ئۆزگىرىشى يىغىنىغا ئالتە قىتئەدىن جەمئىي 102 نەپەر رەھبەر قاتنىشىدۇ
رۇبىيو: ئىران بىلەن دىپلوماتىك كېلىشىم ھاسىل قىلىش ئېھتىمالدىن يىراق