تۈركىيە دىپلوماتىيە مەنبەلىرىنىڭ خەۋەر قىلىشىچە، تۈركىيە جۇمھۇرىيىتى تاشقى ئىشلار مىنىستىرى خاقان فىدان رۇسىيەنىڭ پايتەختى موسكۋادا رۇسىيە پىرېزىدېنتى ۋلادىمىر پۇتىن بىلەن كۆرۈشكەن.
مەنبەلەر ئۇچرىشىشنىڭ دۈشەنبە كۈنى شۇ جاي ۋاقتى سائەت 19:30 دا [يەرشارى ئۆلچەملىك ۋاقتى GMT 16:30] باشلىنىپ تەخمىنەن بىر سائەت داۋاملاشقانلىقىنى بىلدۈردى.
ئۇچرىشىشتا، ئۇكرائىنا بىلەن رۇسىيە ئوتتۇرىسىدىكى ئۇرۇشنى ئاخىرلاشتۇرۇشقا دائىر يېقىنقى تىرىشچانلىقلارنىڭ، شۇنداقلا 16-ماي ئىستانبۇلدا ئۆتكۈزۈلگەن تىنچلىق سۆھبەتلىرىدىن كېيىنكى ئۆزگىرىشلەرنىڭمۇ مۇزاكىرە قىلىنغانلىقىنى بىلدۈرۈلدى.
پۇتىن بىلەن خاقان فىدان شۇنىڭ بىلەن بىر ۋاقىتتا ئىقتىساد ۋە ئېنېرگىيە ساھەلىرىدىكى ئىككى تەرەپلىك مەسىلىلەرنىمۇ مۇزاكىرە قىلدى.
خاقان فىدان بۇ ئۇچرىشىشتىن ئىلگىرى موسكۋانىڭ كىيېۋ بىلەن بولغان باش مۇزاكىرىچىسى ۋلادىمىر مېدىنسكىي بىلەن كۆرۈشكەنىدى.
