ئۇكرائىنا دۆلەتلىك بىخەتەرلىك ۋە دۆلەت مۇداپىئە كېڭىشىنىڭ سېكىرىتارى رۇستەم ئۇمەروف ئۇكرائىنا ۋەكىللەر ئۆمىكىنى باشلاپ، رۇسىيە بىلەن بىۋاسىتە سۆھبەت ئۆتكۈزۈش ئۈچۈن ئىستانبۇلغا يېتىپ كەلدى.

رۇسىيە بىلەن ئۇكرائىنا 23-ئىيۇل ئىستانبۇلدا ئۆتكۈزۈلگەن سۆھبەتتە، ئۇرۇش ئەسىرلىرى ۋە ئەسىرگە چۈشكەن پۇقرالارنى ئالماشتۇرۇش توغرىسىدا كېلىشىم ھاسىل قىلغان ئىدى.

سۆھبەت سەيشەنبە (11-نويابىر) كۈنى باشلاندى.

ئۇمەروف تېلېگراممىدىكى باياناتىدا، ئىستانبۇلغا كېلىش مەقسىتىنىڭ رۇسىيە بىلەن ئۇرۇش ئەسىرلىرىنى ئالماشتۇرۇشنى قايتا باشلاش ئىكەنلىكىنى بىلدۈردى.

ئۇ: «بۇ كۈنلەردە تۈركىيە ۋە ئوتتۇرا شەرق قاتارلىق جايلاردا ئەسىر ئالماشتۇرۇش جەريانىنى راۋانلاشتۇرۇش ئۈچۈن تىرىشىۋاتىمىز. كېلىشىم تۈزۈلگەن ئىدى، بىز ئۇنى ئەمەلگە ئاشۇرۇشىمىز كېرەك» دېدى.

ئۇمەروفنىڭ سۆزىگە قارىغاندا، تۈركىيەدىكى يىغىنلار ئالماشتۇرۇشنى قايتا باشلاش توغرىسىدا سۆھبەتلىشىش ئۈچۈن پىلانلانغان.

يىغىنغا كىملەرنىڭ قاتنىشىدىغانلىقىغا مۇناسىۋەتلىك تەپسىلاتلار ئاشكارىلانمىدى.

رۇسىيە بىلەن ئۇكرائىنا 23-ئىيۇل ئىستانبۇلدا ئۆتكۈزگەن ئەڭ ئاخىرقى بىۋاسىتە سۆھبەتتە، ئۇرۇش ئەسىرلىرى ۋە ئەسىرگە چۈشكەن پۇقرالارنى ئالماشتۇرۇش توغرىسىدا كېلىشىم ھاسىل قىلغانىدى.

موسكۋا كىيېۋغا سىياسىي، ئىنسانپەرۋەرلىك ۋە ھەربىي ئىشلاردا توردىن پايدىلىنىپ خىزمەت قىلىدىغان ئۈچ گۇرۇپپا قۇرۇش تەكلىپىنى بەرگەن ئىدى. كرېمىل كېيىنچە، موسكۋانىڭ بۇ تەكلىپىگە كىيېۋدىن جاۋاب كەلمىگەنلىكىنى بىلدۈرگەن ئىدى.

تۈركىيەدىن باشقا، ئەرەب بىرلەشمە خەلىپىلىكى، سەئۇدى ئەرەبىستان ۋە قاتار قىسمەن ھالدا رۇسىيە بىلەن ئۇكرائىنا ئوتتۇرىسىدىكى ئەسىر ئالماشتۇرۇش ئىشلىرىغا ۋاسىتىچىلىق قىلدى.