سىياسەت
2 مىنۇت ئوقۇش
پۇتىن رۇسىيەدە سىيرەك توپا قېزىش ئۈچۈن مىنىستىرلار كېڭىشىدىن پىلان تۈزۈشىنى تەلەپ قىلدى
رۇسىيە ئامېرىكا بىلەن سىيرەك توپا تۈرلىرىدە ھەمكارلىشىشنى نىشان قىلماقتا.
پۇتىن رۇسىيەدە سىيرەك توپا قېزىش ئۈچۈن مىنىستىرلار كېڭىشىدىن پىلان تۈزۈشىنى تەلەپ قىلدى
پۇتىن رۇسىيەدە سىيرەك توپا قېزىش ئۈچۈن مىنىستىرلار كېڭىشىدىن پىلان تۈزۈشىنى تەلەپ قىلدى / Reuters
 

رۇسىيە پىرېزىدېنتى ۋىلادىمىر پۇتىن سەيشەنبە كۈنى رۇسىيە مىنىستىرلار كېڭىشىگە 12 – ئاينىڭ 1 – كۈنىگىچە سىيرەك توپا قېزىش ئۈچۈن بىر يول خەرىتىسى  سىزىپ چىقىش توغرىسىدا يوليورۇق چۈشۈردى.

پۇتىن كىرېمىل سارىيىنىڭ ئىنتېرنېت بېتىدە ئېلان قىلىنغان مىنىستىرلارغا بېرىلگەن ۋەزىپىلەر تىزىملىكىدە يەنە، رۇسىيەنىڭ خىتاي ۋە شىمالىي كورېيە چېگراسىدىكى قاتناش ئالاقىلىرىنى كۈچەيتىش ئۈچۈن تەدبىرلەرنى قوللىنىش توغرۇلۇق يوليورۇق چۈشۈردى.

ئەقلىيفونلار، توك ئاپتوموبىللار ۋە قورال سىستېمىلىرىدا ئىشلىتىلىدىغان سىيرەك توپا تۈرلىرى خەلقئارا سودىدا ناھايىتى زور ۋە ئىستراتېگىيەلىك ئەھمىيەتكە ئىگە.

ئامېرىكا قوشما ئىشتاتلىرى پىرېزىدېنتى دونالد ترامپ 4 – ئايدا ئۇكرائىنا بىلەن بۇ ساھەدە بىر كېلىشىم ئىمزالىغانىدى. بۇ كېلىشىم ئامېرىكا قوشما ئىشتاتلىرىنىڭ ئۇكرائىنادىكى كانلارغا ئالدىن ئېرىشىشىنى ۋە بۇ دۆلەتنىڭ قايتا قۇرۇلۇشى ئۈچۈن زۆرۈر مەبلەغلەرنىڭ سېلىنىشىنى نىشان قىلىدۇ.

رۇسىيە سىيرەك توپا تۈرلىرىدە ئامېرىكا بىلەن ھەمكارلىشىشقا قىزىقىدىغانلىقىنى بىلدۈرسىمۇ، ئۇكرائىنادىكى ئۇرۇشقا خاتىمە بېرىش يۆنىلىشىدە ئىلگىرىلەش بولمىغانلىقى سەۋەبىدىن بۇ مەسىلىدە ھېچقانداق ئىلگىرىلەش ھاسىل قىلالمىدى.

سىيرەك توپا تۈرلىرىنىڭ دۇنيا مىقياسىدىكى ئاساسلىق ئىشلەپچىقارغۇچىسى بولغان خىتاي، بۇ يىل ئامېرىكانىڭ باجلىرىغا جاۋابەن سىيرەك توپا ئېكسپورتىغا چەكلىمە قويدى.

 پۇتىننىڭ يوليورۇقى 9 – ئايدا ۋلادىۋوستوكتىكى يىراق شەرق ئىقتىساد مۇنبىرى يىغىنىدا ماقۇللانغان ھەرىكەت ماددىلىرىنىڭ خۇلاسىسى ھېسابلىنىدۇ. مەزكۇر يوليورۇقتا، رۇسىيەنىڭ سىيرەك توپاغا ئائىت پىلانى ھەققىدە تەپسىلات مەلۇمات بېرىلمىگەن.

يوليورۇقتىكى باشقا ماددىلار ئارىسىدا، ھۆكۈمەتنىڭ خىتاي ۋە شىمالىي كورېيە چېگراسىدا «كۆپ خىل قاتناش ۋە تەمىنلەش مەركەزلىرى» نى تەرەققىي قىلدۇرۇشىغا دائىر ماددىلارمۇ بار.

پۇتىن مەزكۇر لىنىيەنىڭ رۇسىيە بىلەن خىتاينى بىر - بىرىگە تۇتاشتۇرىدىغان ئىككى تۆمۈر يول كۆۋرۈكىنى ۋە 2026 – يىلى ئىشقا كىرىشتۈرۈلۈشى پىلانلانغان شىمالىي كورېيەگە يېڭى بىر كۆۋرۈك سېلىشنىمۇ ئۆز ئىچىگە ئېلىشى كېرەكلىكىنى بىلدۈردى.

رۇسىيەنىڭ يىراق شەرقتىكى ئىككى قوشنىسى بولغان خىتاي بىلەن شىمالىي كورېيە، غەرب دۆلەتلىرىنىڭ ئۇكرائىنادىكى ئۇرۇش سەۋەبىدىن موسكۋاغا ئېمبارگو يۈرگۈزگەندىن بۇيان، رۇسىيە بىلەن ئىقتىسادىي مۇناسىۋەتلىرنى كۈچەيتتى.

ئىزدىنىڭ
ئاۋسترالىيە ئىسرائىلىيەلىك قانۇنسىز كۆچمەنلەرگە ۋە تەشكىلاتلارغا ئېمبارگو يۈرگۈزدى
تىرامپ: «رۇسىيە-ئۇكرائىنا ئۇرۇشى ھەل بولۇشقا ناھايىتى يېقىن»
ئىران CNN نىڭ «مەينەت بومبا» خەۋىرىنى «ئىراق ئۇرۇشى ئۇسلۇبىدىكى تەشۋىقات» دەپ رەت قىلدى
FBI سۈنئىي ئەقىل ئارقىلىق تېزلەشتۈرۈلگەن «ARTEX» تور ھۇجۇمى قورالى ھەققىدە ئاگاھلاندۇرۇش بەردى
جېنسېن خۇاڭ تەكشۈرۈشكە ھەمكارلىشىدىغانلىقىنى ۋە ۋەزىپىسىگە قايتىشنى خالايدىغانلىقىنى ئېيتتى
شى جىنپىڭ سۈنئىي ئەقىل ۋە ئەركىن سودا ساھەسىدە تېخىمۇ كۈچلۈك خەلقئارالىق ھەمكارلىقنى تەلەپ قىلدى
مۇرات قۇرۇم غەززەگە ياردەم يەتكۈزۈش ئۈچۈن «ئانتاليا-غەززە كىلىمات كارىدورى» قۇرۇشنى تەكلىپ قىلدى
ئامېرىكا ئىراننىڭ قەشم ئارىلىنى بومباردىمان قىلدى
كۈندىلىك قىسقا خەۋەرلەر | 18.11.2026
جەنۇبىي كورېيە رۇسىيە ھەربىي ئايروپىلانلىرىغا قارشى ئۇرۇش ئايروپىلانلىرىنى ھەرىكەتكە ئۆتكۈزدى
رۇسىيەنىڭ دىنېپېر ئۆتۈشمىلىرىنى نىشان قىلىشى بىلەن كىيېۋدا ئىككى چوڭ كۆۋرۈك زەربىگە ئۇچرىدى
ئەندى بېرنخام برېكسىتنىڭ ئەنگلىيە ئۈچۈن مەغلۇپ بولغانلىقىنى جاكارلىدى
قانۇنسىز ئىسرائىلىيەلىك كۆچمەنلەر ئەرىھا ئەتراپىدا بىر پەلەستىنلىك ئايالنى ئۆلتۈردى
ئىران ئامېرىكا پايتەختىگە مەينەت بومبا ياكى خىمىيەلىك ھۇجۇم پىلانلىماقتا
خاقان فىدان قارا دېڭىزدىن ئاشلىقنى دۇنيا بازارلىرىغا يەتكۈزۈش مەسىلىسى ئۈستىدە مۇھىم سۆز قىلدى