CBS News تېلېۋىزىيە قانىلىنىڭ يەكشەنبە كۈنى تارقاتقان خەۋىرىگە قارىغاندا، ئامېرىكا قوشما ئىشتاتلىرىدا يېقىندا ئېلىپ بېرىلغان بىر راي سىناشتا، ئامېرىكالىقلارنىڭ % 76 ى داۋاملىشىۋاتقان ئامېرىكا-ئىران ئۇرۇشىنىڭ ترامپ ھۆكۈمىتىنىڭ كۈتكۈنىدىندىن قىيىن بولۇۋاتقانلىقىغا ئىشىنىدىغانلىقى ئاشكارىلانغان.

مەزكۇر راي سىناش 22-24-ئىيۇل كۈنلىرى CBS News تېلېۋىزىيە قانىلى ۋە YouGov تەرىپىدىن ئېلىپ بېرىلغان بولۇپ، قاتناشقۇچىلارنىڭ % 58 ى داۋاملىشىۋاتقان توقۇنۇش مەسىلىسىدە ئۆزلىرىنىڭ ئىشەنچىسىنى يوقاتقانلىقىنى، % 57 ى بولسا ئۈمىدسىزلىنىۋاتقانلىقىنى بىلدۈرگەن. شۇنداقلا قاتناشقۇچىلارنىڭ % 36 ى چۈشكۈنلۈك ھېس قىلىۋاتقانلىقىنى، پەقەت % 19 ىلا ئۈمىدۋار ئىكەنلىكىنى ئېيتقان.

راي سىناشتا يەنە قاتناشقۇچىلارنىڭ % 20 ى ئۇرۇشنىڭ كۈتۈلگەندەك تەرەققىي قىلىۋاتقانلىقىنى، % 4 ى بولسا كۈتۈلگەندىن تېخىمۇ ئاسان بولۇۋاتقانلىقىنى ئويلىغانلىقى مەلۇم بولغان.

توقۇنۇشتىكى تەڭپۇڭلۇق مەسىلىسىدە قاتناشقۇچىلارنىڭ % 40 ى ئامېرىكانىڭ تېخىمۇ ئۈستۈنلۈكنى ئىگىلىگەنلىكىنى، % 38 ى بولسا ھېچقايسى تەرەپنىڭ ئۈستۈنلۈككە ئىگە ئەمەسلىكىنى ئېيتقان. يەنە بىر تەرەپتىن، قاتناشقۇچىلارنىڭ % 22 ى ئىراننىڭ تېخىمۇ ئۈستۈن ئورۇندا ئىكەنلىكىگە ئىشىنىدىغانلىقىنى بىلدۈرگەن.