رۇسىيەنىڭ ھۇجۇملىرىدا كىيېۋدا تۆت كىشى ئۆلدى، 10 كىشى يارىلاندى
ئۇكرائىنا ھاۋا ئارمىيەسى رۇسىيەنىڭ كىيېۋغا قىلغان ھۇجۇمىدىن كېيىن، «پۈتۈن ئۇكرائىنا» نىڭ باشقۇرۇلىدىغان بومبا تەھدىتى ئاستىدا ئىكەنلىكى ھەققىدە ئاگاھلاندۇرۇش چىقاردى.
دائىرىلەرنىڭ بىلدۈرۈشىچە، ھۇجۇمدا نۇرغۇن پۇقرا يارىلانغان. كىيېۋ شەھەر باشلىقى ۋىتالى كلىچكونىڭ بەرگەن باياناتىغا ئاساسلانغاندا، رۇسىيەنىڭ ئۇكرائىنانىڭ پايتەختىگە قىلغان ھۇجۇملىرىدا كەم دېگەندە تۆت كىشى ھاياتىدىن ئايرىلغان، 10 كىشى يارىلانغان.
شەھەر باشلىقى كلىچكو ئاممىۋى ئورتاقلىشىش تور بېتى تېلېگرام سەھىپىسىدە ئېلان قىلغان باياناتىدا مۇنداق دېدى:
«پايتەختتە تۆت كىشى ھاياتىدىن ئايرىلدى، 10 كىشى يارىلاندى. بۇلاردىن بەش كىشى دوختۇرخانىغا ئورۇنلاشتۇرۇلدى، قالغانلىرىغا نەق مەيداندا داۋالاش خىزمىتى سۇنۇلدى.»
رۇسىيە كېچە بويى ئۇكرائىنانىڭ باشقا شەھەرلىرىگىمۇ ھۇجۇم قىلدى. بۇ شەھەرلەردىن شەرققە جايلاشقان خاركىۋدىكى ھۇجۇمغا مۇناسىۋەتلىك خەۋەرلەر تېخىچە دەلىللەنمىدى.
ئۇكرائىنا ھاۋا ئارمىيەسى تەرىپىدىن ئېلان قىلىنغان باياناتتا مۇنداق دېيىلدى:
«دۈشمەننىڭ ئۇچقۇچىسىز ھاۋا ئاپپاراتلىرى بىلەن كىيېۋغا قىلغان كەڭ كۆلەملىك ھۇجۇمى داۋاملاشماقتا! پۈتۈن ئۇكرائىنا باشقۇرۇلىدىغان بومبا تەھدىتى ئاستىدا تۇرماقتا.»