تۈركىيە
2 مىنۇت ئوقۇش
سۇدان تاشقى ئىشلار مىنىستىرى تۈركىيەنىڭ تىنچلىق تەكلىپىنى قارشى ئالىدىغانلىقلىرىنى بىلدۈردى
جۇمھۇر رەئىس رەجەپ تاييىپ ئەردوغان دېكابىر (2024) نىڭ بېشىدا تۈركىيە ھۆكۈمىتىنىڭ ئۇرۇشنىڭ زىيىنىغا ئۇچرىغان ئافرىقا دۆلىتى سۇداندا «تىنچلىق ۋە مۇقىملىق» نى بەرپا قىلىشقا ياردەم بېرەلەيدىغانلىقىنى ئېيتتى.
00:00
سۇدان تاشقى ئىشلار مىنىستىرى تۈركىيەنىڭ تىنچلىق تەكلىپىنى قارشى ئالىدىغانلىقلىرىنى بىلدۈردى
نىڭ رەھبەرلىرى سۇدان ھۆكۈمىتى بىلەن «تېز سۈرئەتلىك قوللاش قىسىملىرى» / Reuters
 

سۇدان ئارمىيەسىنىڭ رەھبىرى ئۆز قىسىملىرى بىلەن قوراللىق رەقىپلىرى ئوتتۇرىسىدا 20 ئايدىن بۇيان داۋاملىشىۋاتقان كەسكىن توقۇنۇشنى ھەل قىلىش ئۈچۈن تۈركىيە ئوتتۇرىغا قويغان تىنچلىق تەكلىپنى مەمنۇنلۇق بىلەن قارشى ئالدى.

شەنبە كۈنى سۇداندا ئۆتكۈزۈلگەن يىغىندا، ئابدۇل فەتتاھ ئەل بۇرھان تۈركىيە مۇئاۋىن تاشقى ئىشلار مىنىستىرى بۇرھانەددىن دۇراندىن «سۇدان رەھبەرلىكىنىڭ بۇ تەشەببۇسنى قارشى ئالىدىغانلىقى» نى جۇمھۇر رەئىس ئەردوغانغا يەتكۈزۈشىنى تەلەپ قىلدى. بۇ ئۇچۇر يىغىندىن كېيىن سۇدان تاشقى ئىشلار مىنىستىرى ئەلى يۈسۈف تەرىپىدىن بېرىلگەن مەلۇماتتا ئۇقتۇرۇلدى.

سۇدان تاشقى ئىشلار مىنىستىرى ئەلى يۈسۈف: «سۇداننىڭ تۈركىيەگە ئوخشاش قېرىنداش ۋە دوستلارغا ئېھتىياجى بار. بۇ تەشەببۇس سۇداندا تىنچلىقنىڭ ئورنىتىلىشىغا سەۋەب بولۇشى مۇمكىن» دېدى.

تۈركىيە مۇئاۋىن تاشقى ئىشلار مىنىستىرى بۇرھانەددىن دۇران تىنچلىق مۇساپىسىسنىڭ «ئورتاق تىرىشچانلىق تەلەپ قىلىدىغانلىقى» نى بىلدۈردى ۋە تۈركىيەنىڭ «بۇ توقۇنۇشنى ئاخىرلاشتۇرۇش ئۈچۈن باشقا رايون ئاكتىيورلىرىنى ھەرىكەتكە ئۆتكۈزۈش رولىنى ئۈستىگە ئېلىشقا تەييار ئىكەنلىكى» نى ئىپادىلىدى.

ئۆتكەن ھەپتە ئەرەب بىرلەشمە خەلىپىلىكى تۈركىيەنىڭ «سۇداندىكى ھازىرقى كىرىزىسنى ھەل قىلىش ئۈچۈن قىلىۋاتقان دىپلوماتىك تىرىشچانلىقى» نى مەمنۇنلۇق بىلەن قارشى ئالغانلىقىنى بىلدۈرگەن ئىدى.

ئەرەب بىرلەشمە خەلىپىلىكى تاشقى ئىشلار مىنىستىرلىقى «ئەرەب بىرلەشمە خەلىپىلىكى سۇداندىكى توقۇنۇشنى ئاخىرلاشتۇرۇش ۋە كىرىزىسقا ئەتراپلىق ھەل قىلىش چارىسى تېپىش ئۈچۈن تۈركىيەنىڭ تىرىشچانلىقى ۋە بارلىق دىپلوماتىك تەشەببۇسلىرىغا ھەمكارلىشىش شۇنداقلا ماسلىشىشقا تولۇق تەييار» دەپ بايانات ئېلان قىلدى.

دېكابىر ئېيىنىڭ بېشىدا، تۈركىيە جۇمھۇر رەئىسى رەجەپ تاييىپ ئەردوغان سۇدانلىق مەسئۇل بۇرھانەددىن بىلەن تېلېفوندا ئۆتكۈزگەن سۆھبىتىدە، تۈركىيەنىڭ «سۇدان ۋە ئەرەب بىرلەشمە خەلىپىلىكى ئوتتۇرىسىدىكى ئىختىلاپلارنى ھەل قىلىش» شۇنداقلا سۇداننىڭ «چەت ئەلنىڭ ئارىلىشىش مەيدانىغا ئايلىنىپ قېلىشىنىڭ ئالدىنى ئېلىش» ئۈچۈن ھەرىكەتكە ئۆتىدىغانلىقىنى ئىپادىلىدى.

كۈچىيىۋاتقان جىددىيچىلىك

سۇداننىڭ ئارمىيە قوللاۋاتقان ھۆكۈمىتى ئەرەب بىرلەشمە خەلىپىلىكىنى قوراللىق تەشكىلات «تېز سۈرئەتلىك قوللاش قىسىملىرى»  (RSF)نى قوللاش بىلەن قايتا-قايتا ئەيىبلىدى. ئەمما، ئەرەب بىرلەشمە خەلىپىلىكى بۇ ئەيىبلەشلەرنى داۋاملىق رەت قىلدى.

ئۆتكەن ئايدا سۇدان ھۆكۈمىتى «تېز سۈرئەتلىك قوللاش قىسىملىرى» نىڭ ئەرەب بىرلەشمە خەلىپىلىكى تەرىپىدىن قوراشتۇرۇلغان ئۇچقۇلار بىلەن ھۇجۇم ئېلىپ بارغانلىقىنى ئىلگىرى سۈرگەن ئىدى.

سۇداندىكى بۇ ئۇرۇش بۇرھانەددىن بىلەن سابىق ياردەمچىسى ۋە«تېز سۈرئەتلىك قوللاش قىسىملىرى» نىڭ رەھبىرى مۇھەممەد ھەمدان داگالو ئوتتۇرىسىدا قارشىلىق ياراتتى. بۇ ئۇرۇش ئون مىڭلىغان ئادەمنىڭ ئۆلۈشىنى كەلتۈرۈپ چىقىرىپ،  12 مىليون ئادەمنىڭ يۇرتىدىن ئايرىلىشىغا سەۋەب بولدى. ئۇنىڭدىن باشقا يەنە دۆلەتنى قەھەتچىلىك گىرۋىكىگە ئېلىپ كەلدى.

ئانالىزچىلار باشقا دۆلەتلەرنىڭ ئارىلىشىشى، بۇ ئازابنى پەقەت ئۇزارتىۋېتىشكىلا يارايدىغانلىقى ھەققىدە ئاگاھلاندۇرۇشلاردا بولماقتا.  

ئىزدىنىڭ
ئاۋسترالىيە ئىسرائىلىيەلىك قانۇنسىز كۆچمەنلەرگە ۋە تەشكىلاتلارغا ئېمبارگو يۈرگۈزدى
تىرامپ: «رۇسىيە-ئۇكرائىنا ئۇرۇشى ھەل بولۇشقا ناھايىتى يېقىن»
ئىران CNN نىڭ «مەينەت بومبا» خەۋىرىنى «ئىراق ئۇرۇشى ئۇسلۇبىدىكى تەشۋىقات» دەپ رەت قىلدى
FBI سۈنئىي ئەقىل ئارقىلىق تېزلەشتۈرۈلگەن «ARTEX» تور ھۇجۇمى قورالى ھەققىدە ئاگاھلاندۇرۇش بەردى
جېنسېن خۇاڭ تەكشۈرۈشكە ھەمكارلىشىدىغانلىقىنى ۋە ۋەزىپىسىگە قايتىشنى خالايدىغانلىقىنى ئېيتتى
شى جىنپىڭ سۈنئىي ئەقىل ۋە ئەركىن سودا ساھەسىدە تېخىمۇ كۈچلۈك خەلقئارالىق ھەمكارلىقنى تەلەپ قىلدى
مۇرات قۇرۇم غەززەگە ياردەم يەتكۈزۈش ئۈچۈن «ئانتاليا-غەززە كىلىمات كارىدورى» قۇرۇشنى تەكلىپ قىلدى
ئامېرىكا ئىراننىڭ قەشم ئارىلىنى بومباردىمان قىلدى
كۈندىلىك قىسقا خەۋەرلەر | 18.11.2026
جەنۇبىي كورېيە رۇسىيە ھەربىي ئايروپىلانلىرىغا قارشى ئۇرۇش ئايروپىلانلىرىنى ھەرىكەتكە ئۆتكۈزدى
رۇسىيەنىڭ دىنېپېر ئۆتۈشمىلىرىنى نىشان قىلىشى بىلەن كىيېۋدا ئىككى چوڭ كۆۋرۈك زەربىگە ئۇچرىدى
ئەندى بېرنخام برېكسىتنىڭ ئەنگلىيە ئۈچۈن مەغلۇپ بولغانلىقىنى جاكارلىدى
قانۇنسىز ئىسرائىلىيەلىك كۆچمەنلەر ئەرىھا ئەتراپىدا بىر پەلەستىنلىك ئايالنى ئۆلتۈردى
ئىران ئامېرىكا پايتەختىگە مەينەت بومبا ياكى خىمىيەلىك ھۇجۇم پىلانلىماقتا
خاقان فىدان قارا دېڭىزدىن ئاشلىقنى دۇنيا بازارلىرىغا يەتكۈزۈش مەسىلىسى ئۈستىدە مۇھىم سۆز قىلدى