2026-يىلى2-ئاينىڭ21-كۈنى
جۈمە كۈنى (2026-يىلى 20-فېۋرال) ئامېرىكانىڭ «جېرالد فورد» (USS Gerald R. Ford) ناملىق ئاۋىياماتكىسىنىڭ ئاق دېڭىزغا كىرگەنلىكى كۆرۈلدى. بۇ ئاۋىياماتكا ئامېرىكا پىرېزىدېنتى دونالد ترامپنىڭ ئوتتۇرا شەرققە كەڭ كۆلەمدە ھەربىي كۈچ توپلاش بۇيرۇقىنىڭ بىر قىسمى سۈپىتىدە ئەۋەتىلگەن.
جەبىلتارىق بوغۇزى ئەتراپلىرىدىن تارتىلغان سۈرەتلەردە، ئاۋىياماتكىنىڭ ئاتلانتىك ئوكيان بىلەن ئاقدېڭىزنى تۇتاشتۇرىدىغان جەبىلتارىق بوغۇزىدىن ئۆتۈۋاتقانلىقى كۆرۈندى.
ترامپ ئىلگىرى ئوتتۇرا شەرققە بىر ئاۋىياماتكا ئەۋەتكەن ئىدى.
ئۇ جۈمە كۈنى ئەگەر سۆھبەت ئارقىلىق بىرىنچى نۆۋەتلىك ۋەزىپە ئۆتەش مۇددىتىدە بىكار قىلىنغان تېھران يادرو كېلىشىمىنىڭ ئورنىنى ئالىدىغان يېڭى بىر كېلىشىم ھاسىل قىلىنمىسا، ئىرانغا قارىتا «چەكلىك زەربە بېرىش» نى ئويلىشىۋاتقانلىقىنى ئېيتقان ئىدى.
ئامېرىكانىڭ ئوتتۇرا شەرقتىكى ھەربىي كۈچلىرى
پاراخوتلار
بىر ئامېرىكا ئەمەلدارىنىڭ ئېيتىشىچە، ۋاشىنگتوننىڭ نۆۋەتتە ئوتتۇرا شەرققە ئورۇنلاشتۇرۇلغان 13 ئۇرۇش پاراخوتى بار، بۇلار بىر دانە ئاۋىياماتكا (ئابراھام لىنكولن)، توققۇز دانە قوغلىغۇچى پاراخوت ۋە ئۈچ دانە قىرغاقتا جەڭ قىلىش پاراخوتىنى ئۆز ئىچىگە ئالىدۇ.
دۇنيادىكى ئەڭ چوڭ ئاۋىياماتكا بولغان «فورد» قا ئۈچ دانە قوغلىغۇچى پاراخوت ھەمراھ بولۇپ كېلىۋاتقان بولۇپ. بېكىتىلگەن ئورۇنغا يېتىپ بارغاندا، ئامېرىكانىڭ ئوتتۇرا شەرقتىكى ئۇرۇش پاراخوتلىرىنىڭ ئومۇمىي سانى 17 گە يەتكەن بولىدۇ.
تەۋسىيە
