ئىسرائىلىيەنىڭ تاجاۋۇزچى سىياسەتلىرى ئەيىبلەنگەن مەزكۇر باياناتتا: «ئىسرائىلىيەنىڭ لىۋاندىكى ئىشغالىيىتىنى كېڭەيتىشىنى ئەڭ كۈچلۈك شەكىلدە ئەيىبلەيمىز. نېتانياھۇ ھۆكۈمىتىنىڭ، غەززەدە قىلغىنىدەك، لىۋاندىمۇ ئىشغال قىلغان جايلارنى ياشىغىلى بولمايدىغان ھالغا چۈشۈرۈپ قويۇش ئارقىلىق لىۋانلىقلارنى مەڭگۈلۈك كۆچۈشكە مەجبۇرلاشنى مەقسەت قىلغانلىقى كۆرۈلمەكتە» دېگەن ئىبارىلەرگە ئورۇن بېرىلدى.
ئىسرائىلىيەنىڭ رايون مىقياسىدىكى پوزىتسىيەسىنىڭ ئىنسانپەرۋەرلىك كىرىزىسىنى تېخىمۇ چوڭقۇرلاشتۇرۇۋاتقانلىقى تەكىتلەنگەن باياناتتا مۇنداق دېيىلدى: «ئىسرائىلىيەنىڭ لىۋاندىكى ئىشغالىيىتىنى كېڭەيتىشىنى ئەڭ كۈچلۈك شەكىلدە ئەيىبلەيمىز. نېتانياھۇ ھۆكۈمىتىنىڭ، غەززەدە قىلغىنىدەك، لىۋاندىمۇ ئىشغال قىلغان جايلارنى ياشىغىلى بولمايدىغان ھالغا چۈشۈرۈپ قويۇش ئارقىلىق لىۋانلىقلارنى مەڭگۈلۈك كۆچۈشكە مەجبۇرلاشنى مەقسەت قىلغانلىقى كۆرۈلمەكتە. ئىسرائىلىيە ئۆزى يۈرگۈزۈۋاتقان كېڭەيمىچىلىك ۋە تاجاۋۇزچىلىق سىياسەتلىرى بىلەن رايوندىكى تىنچلىق ۋە مۇقىملىق تىرىشچانلىقلىرىغا زەربە بەرمەكتە؛ ئىنسانىي ۋەزىيەتنى تېخىمۇ ئېغىرلاشتۇرۇۋەتمەكتە. ئىسرائىلىيەنىڭ لىۋاندىكى ھۇجۇملىرىنى ۋە ئىشغالىيىتىنى ئاخىرلاشتۇرۇشى ئۈچۈن، ئالدى بىلەن بىرلەشكەن دۆلەتلەر تەشكىلاتى (ب د ت) خەۋپسىزلىك كېڭىشىنى ئۆز ئىچىگە ئالغان خەلقئارا جەمئىيەتنىڭ كېچىكتۈرمەستىن كونكرېت قەدەملەرنى تاشلىشى زۆرۈردۇر.»
