سىياسەت
2 مىنۇت ئوقۇش
ماسك X نىڭ كەڭ كۆلەملىك تور ھۇجۇمىغا ئۇچرىغانلىقىنى بىلدۈردى
ئېلون ماسك بۇنداق بىر ھۇجۇمنىڭ زور مەنبەلەرنى تەلەپ قىلىدىغانلىقىنى ۋە بۇنىڭ بىر دۆلەت ياكى ئۆزئارا ماسلىشىپ ھەرىكەت قىلغان چوڭ بىر گۇرۇپپىنىڭ قىلمىشى ئىكەنلىكىنى ئوتتۇرىغا قويدى.
00:00
ماسك X نىڭ كەڭ كۆلەملىك تور ھۇجۇمىغا ئۇچرىغانلىقىنى بىلدۈردى
ئېلون ماسك / Reuters

ئېلون ماسك X نىڭ دۈشەنبە كۈنى چوڭ كۆلەملىك تور ھۇجۇمىغا ئۇچرىغانلىقىنى بىلدۈردى. بۇ خەۋەر سىياسىي جەھەتتىن بۆلگۈنچى مىلياردېرنىڭ ھۇجۇم نىشانى قىلىنغان-قىلىنمىغانلىقى ياكى بىر چاغلاردا تۋىتتېر بولغان بۇ سۇپىدىكى خىزمەتچىلەرنى ئازايتىش قارارىنىڭ ئىجتىمائىي تورنى بىئارام قىلغان-قىلمىغانلىقى توغرىسىدا سوئا ئىشارەتلىرىنى پەيدا قىلدى.

Downdetector  ناملىق كۆزىتىش تور بېكىتىنىڭ ئىلگىرى سۈرۈشىچە، X  تە مەسىلە كۆرۈلگەنلىكىنى مەلۇم قىلىش ئۇچۇرى تاپشۇرۇۋېلىشلار ئاسىيا، ياۋروپا ۋە شىمالىي ئامېرىكادىكى ئىشلەتكۈچىلەرنىڭ بۇ سۇپىغا كىرەلمىگەنلىكىنى ئېيتىشى بىلەن دۈشەنبە سەھەردە باشلاندى.

ماسك ۋاقىتنىڭ ئۆتۈشىگە ئەگىشىپ ئاندا-ساندا ئىشلەۋاتقان ئىجتىمائىي تاراتقۇ سۇپىسى توغرىسىدا «X غا قارشى (ھازىرمۇ داۋاملىشىۋاتقان) چوڭ كۆلەملىك تور ھۇجۇمى بولدى» دەپ يازدى.

SpaceX  ۋە تېسلا شىركىتىنىڭ خوجايىنى ئۆتكەن يىلى دونالد ترامپ بىلەن ئېلىپ بارغان بىر سۆھبىتى ئېلان قىلىنىش ئالدىدا ئىجتىمائىي تاراتقۇ سۇپىسى «X» نىڭ تور ھۇجۇمىغا ئۇچرىغانلىقىنى ئوتتۇرىغا قويغان ۋە ھېچقانداق دەلىل-ئىسپاتسىزلا بۇ قىلمىشنى ئەيىبلىگەنىدى.

ماسك، DogeDesigner  ئىسىملىق بىر ئىشلەتكۈچى ئادرېسىدا، ئەڭ يېڭى تور ھۇجۇمىنىڭ ئۆزىگە قارىتىلغان يەنە بىر دۈشمەنلىك پارتلىشى ئىكەنلىكىنى ئىلگىرى سۈرۈپ ئۇچۇر ھەمبەھرىلىدى. بۇ، ئۆزى باشچىلىق قىلىۋاتقان ئاتالمىش ھۆكۈمەتنىڭ ئۈنۈمدارلىقىنى ئاشۇرۇش مىنىستىرلىقى (DOGE) نىڭ ئالدىدا يېقىندا يۈز بەرگەن نارازىلىق نامايىشلىرى ۋە تېسلا قۇرۇلۇشلىرىغا بۇزغۇنچىلىق سېلىش بىلەن ماس كېلىدۇ.

ئېلون ماسكFox Business  قانىلىدىكى بىر سۆھبەت جەريانىدا، ھۇجۇمدا ئىشلىتىلگەن كومپيۇتېرلارنىڭ رەقەملىك ئادرېسلىرىنىڭ ئۇكرائىنا رايونىدىكىدەك كۆرۈنگەنلىكىنى ۋە X نىڭ دەل نېمە بولغانلىقىنى چۈشىنىشكە تىرىشىۋاتقانلىقىنى ئىلگىرى سۈردى.

تور بىخەتەرلىك مۇتەخەسسىسلىرى، X نىڭ مەشغۇلات ئەھۋالىغا قارىماي تۇرۇپ ۋەزىيەتنى باھالاشنىڭ قىيىن ئىكەنلىكىنى، ئەمما مەسىلىنىڭ داۋاملىشىش ۋاقتىنىڭ ئۇ يەرگە قىلىنغان بىر ھۇجۇمنىڭ بەلگىسى ئىكەنلىكىنى ئوتتۇرىغا قويماقتا.

Deepwatch  تور مۇداپىئە سۇپىسىدىن چاد كراگلې بۇ ھەقتە توختىلىپ، «تور ئۇرۇشى پۈتۈن كۈچ بىلەن داۋاملاشماقتا. ماسكنىڭ دىققەت تارتىدىغان بىرى بولۇشى ۋە سىياسىي سۈركىلىشلەرنىڭ چوققىغا چىقىشى بىلەن بىرلەشتۈرگەندە، بۇ ھۇجۇملار دۆلەت تەرىپىدىن ئېلىپ بېرىلغان ھۇجۇملارنىڭ بارلىق ئالامەتلىرىنى ئۆز ئىچىگە ئالىدۇ» دېدى.

ئىزدىنىڭ
TRT World مۇنبىرى باشلاندى: ئىستانبۇلدا يەرشارى سىستېمىسىنىڭ كەلگۈسى مۇزاكىرە قىلىنماقتا
ئامېرىكا كۇبا ئارمىيەسى ۋە ئېنېرگىيە تورىغا قاراتقان يېڭى ئېمبارگولارنى ئېلان قىلدى
ناتو - ئۇكرائىنا كېڭىشى بىريۇسسېلدا جىددىي يىغىن چاقىردى
ئىسرائىلىيە پىرېزىدېنتى ترامپنىڭ ياردەمنى كېسىشىدىن چۆچۈگەنلىكىنى بىلدۈردى
ئىران ئارمىيە باياناتچىسى ئامېرىكانى قايتۇرما ھۇجۇمغا ئۆتىدىغانلىقلىرىنى ئېيتىپ ئاگاھلاندۇردى
4 دۆلەت ھۇسىيلارنىڭ مەدىنىگە باشقۇرۇلىدىغان بومبا ئېتىش ئۇرۇنۇشىنى ئەيىبلىدى
رۇبىيو ئىستېپا بېرىدىغانلىقى ھەققىدىكى خەۋەرلەرنى رەت قىلدى
ھېرزوگ ھۆكۈمەت قۇرىدىغان كىشىنى يەكشەنبە كۈنى ئېلان قىلىدىكەن
كالىفورنىيە ئىشتاتى باشلىقى بارلىق ئۆلۈم جازاسى ھۆكۈملىرىنى مۇددەتسىز قاماق جازاسىغا ئۆزگەرتتى
رونالدو پورتۇگالىيە دۆلەت كوماندىسى بىلەن خوشلاشتى
شىمالىي كورېيە يېڭى باشقۇرۇلىدىغان بومبا ھاۋا مۇداپىئە سىستېمىسىنى سىناق قىلدى
جۇمھۇر رەئىس ئەردوغان: «8-نويابىر كۈنى ئەزەربەيجاننى زىيارەت قىلىشنى ئويلىشىۋاتىمەن»
ئەردوغان: تېررورلۇقتىن خالىي تۈركىيە مۇساپىمىز قانۇن دائىرىسىدە داۋاملاشماقتا
جەنۇبىي كورېيە ھورمۇز بوغۇزىغا يېقىن جايغا ئەسكەر ئورۇنلاشتۇرىدۇ
ئامېرىكا كېڭەش پالاتا ئەزاسى ساندېرس: ئىران بىلەن بولغان ئۇرۇش قىلىش ئاساسىي قانۇنغا خىلاپ