ئىراننىڭ چابەھەر شەھىرىدىكى شېھىت كەلانترى پورتىغا جايلاشقان دېڭىز كۆزىتىش مۇنارىنىڭ، ئامېرىكانىڭ ئەتىگەن تەرەپلەردە ئېلىپ بارغان ھۇجۇمىدا نىشانغا ئېلىنغانلىقى بىلدۈرۈلدى.
ئىراننىڭ رەسمىي خەۋەر ئاگېنتلىقى ئىرنا (IRNA) نىڭ خەۋىرىگە قارىغاندا، ئامېرىكا چابەھەر شەھىرىدىكى شېھىت كەلانترى پورتىغا جايلاشقان دېڭىز كۆزىتىش مۇنارىنى بومباردىمان قىلغان.
ھۇجۇمدا مۇنار پۈتۈنلەي ۋەيران بولغان. دەسلەپكى ئېنىقلاشلارغا ئاساسلانغاندا، ھۇجۇمدا ئادەم ئۆلۈش ۋە يارىلىنىش ئەھۋالى كۆرۈلمىگەن.
ھۇجۇمدىن كېيىن تېخنىك ۋە ئىزدەش – قۇتقۇزۇش ئەترەتلىرى رايونغا ئەۋەتىلگەن بولۇپ، زىياننى ئېنىقلاش، بىخەتەرلىك تەدبىرلىرىنى قوللىنىش ۋە پورت پائالىيەتلىرىنى قايتىدىن باشلاش خىزمەتلىرىنىڭ داۋاملىشىۋاتقانلىقى بىلدۈرۈلدى.
ئىرنا ئاگېنتلىقىنىڭ خەۋەر قىلىشىچە، تېخنىكىلىق تەكشۈرۈشلەر تاماملانغاندىن كېيىن ۋە بىخەتەرلىك شارائىتى مۇۋاپىق دەپ قارالغاندا، شېھىت كەلانترى پورتىدىكى يۈك قاچىلاش ۋە چۈشۈرۈش پائالىيەتلىرىنىڭ قىسقا ۋاقىت ئىچىدە قايتىدىن باشلىنىشى كۈتۈلمەكتە ئىكەن.
يەنە بىر تەرەپتىن، ئىران سەھىيە مىنىستىرلىقى ئامېرىكانىڭ 8-ئىيۇلدىن بۇيان ئىرانغا قاراتقان ئەڭ يېڭى ھۇجۇملىرىدا ھاياتىدىن ئايرىلغانلار سانىنىڭ 38 گە يەتكەنلىكىنى، يارىلانغانلار سانىنىڭ بولسا 400 دىن ئاشقانلىقىنى جاكارلىدى.
