سىياسەت
2 مىنۇت ئوقۇش
خىتاي، ئامېرىكا مەركىزىي ئىستىخبارات ئىدارىسىنىڭ ئاشكارا جاسۇس قوبۇل قىلىش پائالىيىتىنى تەنقىدلىدى
خىتاي دۆلەت خەۋپسىزلىك مىنىستىرلىقى، ئامېرىكا مەركىزىي ئىستىخبارات ئىدارىسى (CIA) نىڭ ئاشكارا ھالدا جاسۇس قوبۇل قىلىش ھەرىكىتىنىڭ خەلقئارالىق قائىدىلەرگە خىلاپ ئىكەنلىكىنى بىلدۈردى.
خىتاي، ئامېرىكا مەركىزىي ئىستىخبارات ئىدارىسىنىڭ ئاشكارا جاسۇس قوبۇل قىلىش پائالىيىتىنى تەنقىدلىدى
/ AP
 

خىتاي دۆلەت خەۋپسىزلىك مىنىستىرلىقى، ئامېرىكا مەركىزىي ئىستىخبارات ئىدارىسى (CIA) نىڭ ئاشكارا ھالدا جاسۇس قوبۇل قىلىش ھەرىكىتىنىڭ خەلقئارالىق قائىدىلەرگە خىلاپ ئىكەنلىكىنى بىلدۈرۈپ، دۆلەت ئىچىدىكى قايمۇقتۇرۇلغان بارلىق جاسۇسلارنى پاش قىلىدىغانلىقىنى ئەسكەرتتى.

خىتاي دۆلەت تاراتقۇلىرىنىڭ خەۋىرىگە ئاساسلانغاندا، ئىلگىرى «نوپۇزلۇق» دەپ قارالغان ئامېرىكا مەركىزىي ئىستىخبارات ئىدارىسىنىڭ چەت ئەل پۇقرالىرىنى جاسۇسلۇق پائالىيەتلىرى ئۈچۈن قايمۇقتۇرۇشى ئىستىخباراتچىلىقنىڭ ئەڭ ئاساسىي پىرىنسىپلىرىغا قىلىنغان ئېغىر خىلاپلىق، دەپ ئەيىبلەنگەن.

خىتاي دۆلەت خەۋپسىزلىك مىنىستىرلىقى چارشەنبە كۈنى ئېلان قىلغان باياناتىدا، مەركىزىي ئىستىخبارات ئىدارىسىنى بېيجىڭغا قارشى قايتا-قايتا ئىستىخبارات ئوغرىلاش، سىڭىپ كىرىش ۋە بۇزغۇنچىلىق قىلىش قاتارلىق ھەرىكەتلەر ئارقىلىق خىتاينى تىزگىنلەشكە ئۇرۇنۇۋاتىدۇ، دەپ ئەيىبلىدى.

باياناتتا مۇنداق دېيىلدى: «يېقىندا، ئامېرىكا مەركىزىي ئاخبارات ئىدارىسى ئىجتىمائىي تاراتقۇلاردا خىتايچە جاسۇسلۇق قوبۇل قىلىش سىنلىرىنى تارقىتىپ، خىتاي پۇقرالىرىنى ئاشكارا ھالدا جاسۇسلۇققا مايىل قىلىشقا ئۇرۇندى. بۇ پۇختا ئىشلەنگەن ئېلانلار ئامېرىكا ئىستىخبارات ئورگانلىرىنىڭ ئەقىلگە سىغمايدىغان لوگىكىسىنى ۋە ۋەھىمىچىلىك خىياللىرىنى تولۇق نامايان قىلىپ بېرىدۇ.»

نامى سېسىق دۈشمەن

ئۆتكەن ئايدا  مەركىزىي ئىستىخبارات ئىدارىسى خىتاي ئەمەلدارلىرىنىڭ ئامېرىكاغا ئۇچۇر يەتكۈزگەنلىكىگە ئائىت كۆرۈنۈشلەرنى ئۆز ئىچىگە ئالغان بىر ئىجتىمائىي تاراتقۇ تەشۋىقاتىنى يولغا قويغان ئىدى.

بۇنىڭغا قارىتا خىتاي تاشقى ئىشلار مىنىستىرلىقى، مەركىزىي ئىستىخبارات ئىدارىسىنى خىتاي خادىملىرىنى ئاشكارا ھالدا ساداقىتىنى ئۆزگەرتىشكە قۇتراتقانلىقى ئۈچۈن قاتتىق ئەيىبلەپ، بېيجىڭنىڭ تاشقىرىدىكى خىتايغا قارشى كۈچلەرنىڭ «سىڭىپ كىرىش ۋە بۇزغۇنچىلىق» ھەرىكەتلىرىگە قارشى بارلىق زۆرۈر تەدبىرلەرنى قوللىنىدىغانلىقىنى بىلدۈرگەنىدى.

خىتاي دۆلەت خەۋپسىزلىك مىنىستىرلىقىمۇ بۇ ھەرىكەتنىڭ خەلقئارالىق مۇناسىۋەتلەرنىڭ ئاساسىي قائىدىلىرىگە ئېغىر دەرىجىدە خىلاپلىق ئىكەنلىكىنى، شۇنداقلا خەلقئارا تەرتىپ ۋە ئىشەنچكە زىيان سالىدىغانلىقىنى تەكىتلەپ، مەركىزىي ئىستىخبارات ئىدارىسىنىڭ ئۇزۇندىن بۇيان «خەلقئارا جەمئىيەتنىڭ نامى سېسىق دۈشمىنى» بولۇپ كەلگەنلىكىنى قەيت قىلدى.

مىنىستىرلىق يېقىنقى يىللاردا خىتاينىڭ دۆلەت خەۋپسىزلىك ئورگانلىرىنىڭ، خەلقنىڭ كۈچلۈك قوللىشى ئاستىدا، دۆلەت ئىچىدىكى  CIA نىڭ ئىستىخبارات تورلىرىغا ئەجەللىك زەربىلەرنى بەرگەنلىكىنى بىلدۈردى.

باياناتتا يەنە مۇنداق دەپ خۇلاسە قىلىندى: «بۇ خىل ئاشكارا يوللار بىلەن قايمۇقتۇرۇلغان ھەر قانداق خائىن ياكى ئىچكى جاسۇس، خىتاي دۆلەت خەۋپسىزلىك ئورگانلىرى تەرىپىدىن چوقۇم پاش قىلىنىدۇ ۋە قانۇنىي جازاغا تارتىلىدۇ. ئامېرىكا مەركىزىي ئىستىخبارات ئىدارىسى تەبىئىي ھالدا مەغلۇبىيەت پاتقىقىغا تېخىمۇ چوڭقۇر پېتىپ كېتىدۇ.»

ئىزدىنىڭ
ئاۋسترالىيە ئىسرائىلىيەلىك قانۇنسىز كۆچمەنلەرگە ۋە تەشكىلاتلارغا ئېمبارگو يۈرگۈزدى
تىرامپ: «رۇسىيە-ئۇكرائىنا ئۇرۇشى ھەل بولۇشقا ناھايىتى يېقىن»
ئىران CNN نىڭ «مەينەت بومبا» خەۋىرىنى «ئىراق ئۇرۇشى ئۇسلۇبىدىكى تەشۋىقات» دەپ رەت قىلدى
FBI سۈنئىي ئەقىل ئارقىلىق تېزلەشتۈرۈلگەن «ARTEX» تور ھۇجۇمى قورالى ھەققىدە ئاگاھلاندۇرۇش بەردى
جېنسېن خۇاڭ تەكشۈرۈشكە ھەمكارلىشىدىغانلىقىنى ۋە ۋەزىپىسىگە قايتىشنى خالايدىغانلىقىنى ئېيتتى
شى جىنپىڭ سۈنئىي ئەقىل ۋە ئەركىن سودا ساھەسىدە تېخىمۇ كۈچلۈك خەلقئارالىق ھەمكارلىقنى تەلەپ قىلدى
مۇرات قۇرۇم غەززەگە ياردەم يەتكۈزۈش ئۈچۈن «ئانتاليا-غەززە كىلىمات كارىدورى» قۇرۇشنى تەكلىپ قىلدى
ئامېرىكا ئىراننىڭ قەشم ئارىلىنى بومباردىمان قىلدى
كۈندىلىك قىسقا خەۋەرلەر | 18.11.2026
جەنۇبىي كورېيە رۇسىيە ھەربىي ئايروپىلانلىرىغا قارشى ئۇرۇش ئايروپىلانلىرىنى ھەرىكەتكە ئۆتكۈزدى
رۇسىيەنىڭ دىنېپېر ئۆتۈشمىلىرىنى نىشان قىلىشى بىلەن كىيېۋدا ئىككى چوڭ كۆۋرۈك زەربىگە ئۇچرىدى
ئەندى بېرنخام برېكسىتنىڭ ئەنگلىيە ئۈچۈن مەغلۇپ بولغانلىقىنى جاكارلىدى
قانۇنسىز ئىسرائىلىيەلىك كۆچمەنلەر ئەرىھا ئەتراپىدا بىر پەلەستىنلىك ئايالنى ئۆلتۈردى
ئىران ئامېرىكا پايتەختىگە مەينەت بومبا ياكى خىمىيەلىك ھۇجۇم پىلانلىماقتا
خاقان فىدان قارا دېڭىزدىن ئاشلىقنى دۇنيا بازارلىرىغا يەتكۈزۈش مەسىلىسى ئۈستىدە مۇھىم سۆز قىلدى