گۇتېررېس: تۈركىيە سۈرىيەدە مۇھىم رول ئوينىيالايدۇ
بىرلەشكەن دۆلەتلەر تەشكىلاتى باش كاتىپى ئانتونىيو گۇتېررېس تۈركىيەنىڭ سۈرىيەدە كەڭ دائىرىلىك دىيالوگ ئورنىتىش ئۈچۈن بۇ دۆلەتتىكى تەرەپلەرنى قايىل قىلىشتا مۇھىم رول ئوينىيالايدىغانلىقىنى ئېيتتى.
00:00
گۇتېررېس: تۈركىيە سۈرىيەدە مۇھىم رول ئوينىيالايدۇ
گۇتېررېس: تۈركىيە سۈرىيەدە مۇھىم رول ئوينىيالايدۇ / TRT Uyghur

ئانتونىيو گۇتېررېس تۈركىيەنىڭ سۈرىيە خەلقى ۋە ئىدلىبتىكى قارشىلىق كۆرسىتىش ھەرىكەتلىرىنى قوللاۋاتقان تۈركىيەنىڭ سۈرىيەدە كەڭ دائىرىلىك دىيالوگ ئورنىتىش ئۈچۈن بۇ دۆلەتتىكى تەرەپلەرنى قايىل قىلىشتا مۇھىم رول ئوينىيالايدىغانلىقىنى ئېيتتى.

گۇتېرېس سۈرىيەدىكى ئۆزگىرىشلەر ھەققىدە مۇخبىرلارنىڭ سوئاللىرىغا جاۋاب بەردى.

ئۇ، سۈرىيەنىڭ شەرقىي شىمالىدا ئۇزۇن مۇددەتلىك ئۇرۇش توختىتىش ئۈچۈن شارائىت يارىتىش بىلەن بىر ۋاقىتتا، دائېشنىڭ تېررورلۇق پائالىيەتلىرى ۋە مەۋجۇتلۇقىنى كۈچەيتىشىگە تاقابىل تۇرۇش كېرەكلىكىنى تەكىتلەپ مۇنداق دېدى:

«سۈرىيە خەلقى ۋە ئىدلىبتىكى قارشىلىق كۆرسىتىش ھەرىكەتلىرىنى قوللاۋاتقان تۈركىيە، سۈرىيەدە كەڭ دائىرىلىك دىيالوگ ئورنىتىش ئۈچۈن بۇ دۆلەتتىكى تەرەپلەرنى قايىل قىلىشتا مۇھىم رول ئوينىيالايدۇ.»

گۇتېررېس سۈرىيەگە قارىتىلغان جازا تەدبىرلىرىنىڭ ئەمەلدىن قالدۇرۇلۇش-قالدۇرۇلماسلىقىغا دائىر سوئالغا مۇنداق جاۋاب بەردى: «بۇ جازا تەدبىرلىرىنىڭ نىشانى بەششار ئەسەد ھاكىمىيىتى ئىدى، بەششار ئەسەد ھاكىمىيىتى ئاغدۇرۇلغانلىقى ئۈچۈن ئەمدى ئەھۋال ئۆزگەردى.»

باش كاتىپ گۇتېررېس ھازىر سۈرىيەدە ئۆتكۈنچى باسقۇچنىڭ باشلانغانلىقىنى، ئەمما بۇ دۆلەتتىكى پاجىئەلىك ئەھۋالنى نەزەردە تۇتۇپ، ھېچبولمىغاندا سۈرىيە خەلقى بىلەن ھەمكارلىق ئورنىتىش يولىدا تېز قەدەم تاشلاشنىڭ زۆرۈرلۈكىنى بىلدۈردى.

ئۇ يەنە، پۈتۈن جازا تەدبىرلىرىنىڭ شەرت – شارائىت پىشىپ يېتىلگەندە ئەمەلدىن قالدۇرۇلىدىغانلىقىنىمۇ سۆزلىرىگە ئىلاۋە قىلدى.

8-دېكابىر كۈنى سۈرىيەدە 61 يىللىق بەئىس ھاكىمىيىتى ئاغدۇرۇلغان، ئاغدۇرۇۋېتىلگەن رەھبەر بەششار ئەسەد دۆلىتىدىن قېچىپ كەتكەنىدى.

ئىزدىنىڭ
تۈركىيە بىلەن خىتاي ئوتتۇرىسىدا ئېنېرگىيە ساھەسىدە مەبلەغ سېلىش كېلىشىمى ئىمزالاندى
ئەلىيېۋ بىلەن زېلېنىسكىي دۇبلىندا كۆرۈشتى
خىتاي: ئامېرىكا جاسۇسلۇق ھەققىدىكى دەۋالارنى تېخنىكا چەكلىمىلىرىگە باھانە قىلىۋاتىدۇ
ئامېرىكا ۋە خىتاي رۇسىيە سۆھبىتىدە يادرو قورالسىزلىنىشنى ئوتتۇرىغا قويىدۇ
تۈركىيەلىك سەنئەتكارلار ۋە تەنھەرىكەتچىلەر كىلىمات كىرىزىسىغا قارشى دەرھال ھەرىكەتكە ئۆتۈشكە چاقىردى
غەززەدە ناسىر دوختۇرخانىسى ۋەھشىيانە ھۇجۇمغا ئۇچرىدى
زېلېنسكىي: ئۇكرائىنا تىنچلىق سۆھبىتىدىكى ئىلگىرىلەش ئامېرىكانىڭ رۇسىيەگە تۇتقان پوزىتسىيەسىگە باغلىق
كونگودا ئېبولا يۇقۇمى سەۋەبىدىن 6 ئاي ئىچىدە 5 مىڭ كىشى قازا قىلدى
پاكىستاندا ساقچى ئەترىتىگە قوراللىق پىستىرما ھۇجۇمى ئېلىپ بېرىلدى
ئامېرىكا دۆلەت مۇداپىئە مىنىستىرى خېگسېتكە ئاگاھلاندۇرۇش بېرىلدى
قايتا قۇرۇش ۋە تەرەققىيات بانكىسى تۈركىيەنىڭ ئېنېرگىيە تۈرلىرىگە 6 مىليارد دوللار مەبلەغ سالىدۇ
ئەنگلىيەلىكلەر: ئىسىرائىلىيە دۇنيا تىنچلىقىغا نىسبەتەن ئېغىر تەھدىت
ئەبۇزەبى سۆھبىتىنىڭ ئىككىنچى كۈنى باشلاندى
تۈركىيە قىبرىس سۆھبەتلىرىدىكى ئىلگىرىلەشنى قارشى ئالدى
زېلېنسكىي ئامېرىكانىڭ پوزىتسىيەسىدىكى ئۆزگىرىشنى قارشى ئالدى