خەلقئارا
2 مىنۇت ئوقۇش
سۈرىيەلىك قەبىلە باشلىقلىرى ئىشغال ئاستىدىكى زېمىنلارنىڭ ئازاد قىلىنىشىنى تەلەپ قىلدى
سۈرىيەلىك قەبىلە باشلىقلىرى ئىشغال ئاستىدىكى زېمىنلارنىڭ تېررورلۇق تەشكىلاتىدىن ئازاد قىلىنىشىنى تەلەپ قىلدى.
سۈرىيەلىك قەبىلە باشلىقلىرى ئىشغال ئاستىدىكى زېمىنلارنىڭ ئازاد قىلىنىشىنى تەلەپ قىلدى
سۈرىيە / AA
 

سۈرىيەلىك قەبىلە باشلىقلىرى تۈركىيە ئارمىيەسىنىڭ سۈرىيە مىللىي ئارمىيەسى بىلەن بىرلىكتە ئېلىپ بارغان «تىنچلىق بۇلىقى ھەربىي ھەرىكىتى» ئارقىلىق بۆلگۈنچى تېررورلۇق تەشكىلات پ ك ك / ي پ گ دىن ئازاد قىلىنغان تەل ئەبياد ناھىيەسىدە يىغىن چاقىرىپ، ئىشغال ئاستىدىكى زېمىنلارنىڭ تېررورلۇق تەشكىلاتىدىن ئازاد قىلىنىشىنى تەلەپ قىلدى.

قەبىلە رەئىسلىرى بايانات ئېلان قىلىپ، راققە، دەيرۇززور ۋە ھاسەكە رايونىدىكى خەلقنىڭ قىيىن شارائىتتا ياشاۋاتقانلىقى، پ ك ك / ي پ گ تېررورچىلىرىنىڭ رايوننىڭ بىخەتەرلىك ۋە ئىنسانىي شارائىتىنى تېخىمۇ ناچارلاشتۇرۇۋەتكەنلىكىنى تەكىتلىدى.

تېررورچىلارنىڭ رايون خەلقىنى تۇتقۇن قىلىش، ئۆي-ماكانلىرىدىن قوغلاپ چىقىرىش ۋە بالىلارنى ئۆز ئىچىگە ئالغان نۇرغۇن كىشىلەرنى مەجبۇرىي قوراللاندۇرۇش قاتارلىق ھەرىكەتلىرىنىڭ رايوننى نابۇت قىلىۋەتكەنلىكىگە ئىشارەت قىلىنغان باياناتتا: «مىڭلىغان پۇقرا ئۆي-ماكانلىرى ۋە زېمىنلىرىدىن ئايرىلىپ قالدى، ئائىلىلەر مۇساپىرلار لاگېرلىرى ۋە قوشنا دۆلەتلەرگە تارقىلىپ كەتتى. بۇ جەرياندا، بۇلاڭچى قاراقچىلار رايوندىكى بايلىقلارنى بۇلاپ-تالاپ، خەلقنى نامراتلىق ۋە موھتاجلىق ئىچىدە قالدۇرماقتا» دېگەن ئىبارىلەرگە ئورۇن بېرىلدى.

تېررورلۇق تەشكىلاتىنىڭ خەلقنىڭ ئازابلىرىنى چوڭقۇرلاشتۇرغانلىقى ۋە قايتىش تىرىشچانلىقلىرىغا توسقۇنلۇق قىلىۋاتقانلىقى ئوتتۇرىغا قويۇلغان باياناتتا يەنە: «خەلقئارالىق ئىتتىپاقداشلارنىڭ بۇ ۋەھشىي قوراللىقلارغا قارىتا جىددىي تەدبىرى قوللىنىشىنى، ئۇلارنىڭ ئىشغالىيىتىنى ئاخىرلاشتۇرۇپ، خەلقنىڭ خاتىرجەملىك ئىچىدە ئۆيلىرىگە قايتىشىنى قولغا كەلتۈرۈشىنى تەلەپ قىلىمىز. بۇ خىل ياردەملەر سۈرىيەدە دۆلەتنى قايتا قۇرۇش تىرىشچانلىقلىرىنى كۈچەيتىپ، رايوننىڭ مۇقىملىقىنى ئاشۇرىدۇ. سۈرىيە ھۆكۈمىتىدىن قوراللىقلارنىڭ جەزىرە خەلقى نامىدىن سۆھبەت ئېلىپ بېرىشقا ئورۇنۇشىنى رەت قىلىشىنى تەلەپ قىلىمىز. بۇنىڭدىن باشقا سۈرىيە ھۆكۈمىتىنى جەزىرەنىڭ ئىشغال ئاستىدىكى بارلىق رايونلىرىنى قۇتقۇزۇش مەسئۇلىيىتىنى ئۈستىگە ئېلىشقا چاقىرىمىز» دېيىلدى.

ئىزدىنىڭ
ئاۋسترالىيە ئىسرائىلىيەلىك قانۇنسىز كۆچمەنلەرگە ۋە تەشكىلاتلارغا ئېمبارگو يۈرگۈزدى
تىرامپ: «رۇسىيە-ئۇكرائىنا ئۇرۇشى ھەل بولۇشقا ناھايىتى يېقىن»
ئىران CNN نىڭ «مەينەت بومبا» خەۋىرىنى «ئىراق ئۇرۇشى ئۇسلۇبىدىكى تەشۋىقات» دەپ رەت قىلدى
FBI سۈنئىي ئەقىل ئارقىلىق تېزلەشتۈرۈلگەن «ARTEX» تور ھۇجۇمى قورالى ھەققىدە ئاگاھلاندۇرۇش بەردى
جېنسېن خۇاڭ تەكشۈرۈشكە ھەمكارلىشىدىغانلىقىنى ۋە ۋەزىپىسىگە قايتىشنى خالايدىغانلىقىنى ئېيتتى
شى جىنپىڭ سۈنئىي ئەقىل ۋە ئەركىن سودا ساھەسىدە تېخىمۇ كۈچلۈك خەلقئارالىق ھەمكارلىقنى تەلەپ قىلدى
مۇرات قۇرۇم غەززەگە ياردەم يەتكۈزۈش ئۈچۈن «ئانتاليا-غەززە كىلىمات كارىدورى» قۇرۇشنى تەكلىپ قىلدى
ئامېرىكا ئىراننىڭ قەشم ئارىلىنى بومباردىمان قىلدى
كۈندىلىك قىسقا خەۋەرلەر | 18.11.2026
جەنۇبىي كورېيە رۇسىيە ھەربىي ئايروپىلانلىرىغا قارشى ئۇرۇش ئايروپىلانلىرىنى ھەرىكەتكە ئۆتكۈزدى
رۇسىيەنىڭ دىنېپېر ئۆتۈشمىلىرىنى نىشان قىلىشى بىلەن كىيېۋدا ئىككى چوڭ كۆۋرۈك زەربىگە ئۇچرىدى
ئەندى بېرنخام برېكسىتنىڭ ئەنگلىيە ئۈچۈن مەغلۇپ بولغانلىقىنى جاكارلىدى
قانۇنسىز ئىسرائىلىيەلىك كۆچمەنلەر ئەرىھا ئەتراپىدا بىر پەلەستىنلىك ئايالنى ئۆلتۈردى
ئىران ئامېرىكا پايتەختىگە مەينەت بومبا ياكى خىمىيەلىك ھۇجۇم پىلانلىماقتا
خاقان فىدان قارا دېڭىزدىن ئاشلىقنى دۇنيا بازارلىرىغا يەتكۈزۈش مەسىلىسى ئۈستىدە مۇھىم سۆز قىلدى