لىتۋانىيە تاشقى ئىشلار مىنىستىرلىقى شەنبە كۈنى روسىيە ئېلىپ بارغان ھۇجۇم جەريانىدا ئەتراپقا چۈشكەن ئىككى باشقۇرۇلىدىغان بومبىنىڭ لىتۋانىيەنىڭ كىيېۋدا تۇرۇشلۇق ئەلچىخانىسىغا زىيان يەتكۈزگەنلىكىنى ئېلان قىلدى.
مىنىستىرلىق باياناتچىسى، بومبىلار سەۋەبىدىن ھېچقانداق ئادەم يارىلانمىغان بولسىمۇ، ئەلچىخانىنىڭ ئەينەكلىرى چېقىلىپ، قوياش كوللېكتورلىرى بوزۇلغانلىقىنى، ھويلىغا بومبا پارچىلىرى چۈشكەنلىكىنى بىلدۈردى.
تاشقى ئىشلار مىنىستىرى كېستۇتىس بۇردرىس بومبىلارنىڭ بىرى ئەلچىخانىنىڭ 10 مېتىر، يەنە بىرى بولسا 150 مېتىر يېقىنىغا چۈشكەنلىكىنى ئەسكەرتتى.
بۇردرىس سىنلىق باياناتىدا: «بۈگۈن روسىيە ئەلچىخانىسى ۋەكىلىنى نارازىلىقىمىزنى يەتكۈزۈش ئۈچۈن تاشقى ئىشلار مىنىستىرلىقىمىزغا چاقىرتىمىز» دېدى.
بۇردرىس يەنە: «بۇنىڭ ئۇكرائىناغا قاراتىلغان ئاشقۇنلۇق ۋە تاجاۋۇزچىلىقنى توختىتالمايدىغانلىقىنى بىلىمىز. بۇنى توختىتالايدىغان يەككە چارە ئۇكرائىناغا بېرىلىۋاتقان ياردەمنى داۋاملاشتۇرۇش، ئۇلارنىڭ قارشىلىق كۈچىنى ئاشۇرۇش ۋە روسىيەنىڭ ئاخىرىدا سۆھبەت ئۈستىلىگە ئولتۇرۇشى ئۈچۈن ئېمبارگولار ئارقىلىق بېسىمنى تېخىمۇ كۈچەيتىشتۇر» دەپ تەكىتلىدى.
