ياۋروپا ئىتتىپاقى ئامېرىكانىڭ رۇسىيە-ئۇكرائىنا ئۇرۇشى مەسىلىسىگە قارىتا ئادىل ۋە دائىمىي تىنچلىقنى ئورنىتىش يۆنىلىشىدىكى تىرىشچانلىقلىرىنى قارشى ئالىدىغانلىقىنى بىلدۈرۈپ: «ئەمما ھەقىقەتلەرنى ئېنىق ئوتتۇرىغا قويۇش كېرەك. رۇسىيە پىرېزىدېنتى ۋلادىمىر پۇتىن، سۆھبەتلەرگە تولۇق سادىق بولماي، پەقەت ۋاقىت ئۇتۇشقىلا ئۇرۇنماقتا» دېدى.
ياۋروپا ئىتتىپاقى كومىتېتى تاشقى مۇناسىۋەتلەر كومىسسىيەسى باياناتچىسى ئانۇئار ئەل ئەنۇنى كۈندىلىك ئاخبارات ئېلان قىلىش يىغىنىدا ژۇرنالىستلارنىڭ سوئاللىرىغا جاۋاب بەردى.
ئۇ ئامېرىكانىڭ تىنچلىق مۇساپىسىگە ئائىت ئېلىپ بېرىۋاتقان تەشەببۇسلىرى ھەققىدىكى قارىتا ئال ياۋروپا ئىتتىپاقىنىڭ، ئامېرىكانىڭ ئادىل ۋە دائىمىي بىر تىنچلىق يۆنىلىشىدىكى تىرىشچانلىقلىرىنى ئەڭ بېشىدىن بىرى قارشى ئېلىپ كېلىۋاتقانلىقىنى ۋە ئامېرىكالىق مەنسەپداشلىرى بىلەن ئىزچىل ئالاقىدە ئىكەنلىكىنى ئۇقتۇردى.
ئەل ئەنۇنى: «ئەمما ھەقىقەتلەرنى ئېنىق ئوتتۇرىغا قويۇش كېرەك. پۇتىن سۆھبەتلەرگە تولۇق سادىق بولماي، پەقەت ۋاقىت ئۇتۇشقىلا ئۇرۇنماقتا» دېدى.
رۇسىيە ئىقتىسادىنىڭ قىيىنچىلىق ئىچىدە ئىكەنلىكىنى ئېيتقان ئال ئەنۇنى، ياۋروپا ئىتتىپاقىنىڭ رۇسىيەگە قاراتقان بېسىمىنى داۋاملاشتۇرىدىغانلىقىنى تەكىتلىدى.
رۇسىيە-ئۇكرائىنا ئۇرۇشى 2022-يىلى فېۋرالدا باشلانغان ئىدى.
