خەلقئارا
1 مىنۇت ئوقۇش
ئىران ئارمىيەسىنىڭ تىك ئۇچار ئايروپىلانى چۈشۈپ كەتتى
ئىران ئارمىيەسىنىڭ تىك ئۇچار ئايروپىلانى ئىسفاھان ئۆلكىسىدە چۈشۈپ كېتىپ تۆت كىشى ھاياتىدىن ئايرىلدى.
ئىران ئارمىيەسىنىڭ تىك ئۇچار ئايروپىلانى چۈشۈپ كەتتى
ئىران ئارمىيەسىنىڭ تىك ئۇچار ئايروپىلانى چۈشۈپ كەتتى / AA

بۇ، بىر «F-4» تىپلىق ئۇرۇش ئايروپىلانىنىڭ ھەمەدان ئەتراپىدا چۈشۈپ كېتىپ، ئۇچقۇچىلاردىن بىرىمۇ ھاياتىدىن ئايرىلغاندىن كېيىن، بىر ھەپتىگە يەتمىگەن ۋاقىت ئىچىدە يۈز بەرگەن ئىككىنچى قېتىملىق ئايروپىلان قازاسى ھېسابلىنىدۇ.

يەرلىك تاراتقۇلارنىڭ خەۋەر قىلىشىچە، سەيشەنبە كۈنى ئىران ئارمىيەسىگە تەۋە بىر تىك ئۇچار ئۇرۇش ئايروپىلانى ئىسفاھان ئۆلكىسىنىڭ دورچەھ رايونى ئەتراپىدا چۈشۈپ كەتكەن، قازادا تۆت كىشى ھاياتىدىن ئايرىلغان.

مەھر ئاگېنتلىقىنىڭ خەۋەر قىلىشىچە، دەسلەپكى ئېنىقلاشلارغا ئاساسلانغاندا، تىك ئۇچار ئايروپىلان بىر مېۋە-چېۋە ۋە كۆكتات توپ تارقىتىش بازىرىنىڭ قورۇسى ئىچىگە چۈشۈپ كەتكەن.

ئاگېنتلىقنىڭ بىلدۈرۈشىچە، قازا يۈز بەرگەن ۋاقىتتا تىك ئۇچار ئايروپىلان مەشىق ئۇچۇشى قىلىۋاتقان بولۇپ، ئۇچقۇچى ۋە ياردەمچى ئۇچقۇچىدىن باشقا، بازاردا ئىشلەيدىغان ئىككى پۇقرامۇ ھاياتىدىن ئايرىلغان.

قازانىڭ سەۋەبى ھەققىدە تېخىچە رەسمىي بايانات ئېلان قىلىنمىدى.

بۇ، ئىراندا بىر ھەپتىگە يەتمىگەن ۋاقىت ئىچىدە يۈز بەرگەن ئىككىنچى قېتىملىق ئايروپىلان قازاسى ھېسابلىنىدۇ. پەيشەنبە كۈنى ئىراننىڭ غەربىدىكى ھەمەدان شەھىرى ئەتراپىدا بىر «F-4» تىپلىق ئۇرۇش ئايروپىلانى چۈشۈپ كېتىپ، ئۇچقۇچىلارنىڭ بىرى ھاياتىدىن ئايرىلغان ئىدى.

ئىراندا ئۆتمۈشتە يۈز بەرگەن ئۆلۈملۈك ئايروپىلان قازالىرىمۇ خېلىلا كۆپ. غەربنىڭ ئېمبارگولىرى ئىراندا ئايروپىلان زاپچاسلىرىنى تەمىنلەش زەنجىرىنىڭ ئۈزۈلۈپ قېلىشىغا سەۋەب بولۇۋاتقان بولۇپ، دۆلەت مەيلى ھۆكۈمەت ياكى سودا ئاۋىياتسىيە ساھەسىدە بولسۇن، كونىراپ كەتكەن تىك ئۇچار ۋە ئايروپىلان فىلوتىغا تايىنىپ قالماقتا.

ئىزدىنىڭ
كۈندىلىك قىسقا خەۋەرلەر 11 - نويابىر چارشەنبە
مالايشىيادىكى كەلكۈن ئاپىتىدە 5 كىشى ھاياتىدىن ئايرىلدى
دانىيە ئوكرائىناغا قوشۇمچە ياردەم بېرىدىغان بولدى
سۇداندا ئۇچقۇچىسىز ئايروپىلان ھۇجۇمى يۈ بەردى
كامبودژادا ئوقۇغۇچىلار ئاپتوبۇسى كۆلچەككە چۈشۈپ كەتتى
كونگو دېموكراتىك جۇمھۇرىيىتىدە ھەربىي سوتنىڭ ھۆكمىنى چىقاردى
رىزائى ترامپنى ئىراننىڭ 7 تۈرلۈك شەرتىنى قوبۇل قىلىشقا چاقىردى
فىرانسىيە تاللا بازارلىرىغا قىلىنغان تور ھۇجۇمىدا ئىراننى ئەيىبلىدى
ترامپ ھازىرچە ئىرانغا ھەربىي ھەرىكەت قىلىشنىڭ ھاجىتى يوقلۇقىنى ئېيتتى
ئاتاتۈرك خاتىرە سارايىدا بۈيۈك رەھبەر ئاتاتۈرك ئۈچۈن دۆلەت مۇراسىمى ئۆتكۈزۈلدى
تۈركىيە بىلەن ئۆزبېكىستان مۇھىت ئاسراش ساھەسىدە ھەمكارلىق كېلىشىمى ئىمزالىدى
ئەردوغان: ئارىمىزغا سوغۇقچىلىق سالماقچى بولغانلار خەلقلىرىمىزنىڭ قەتئىي ئىرادىسىنى نەزەرگە ئالمىدى
خىتاي ئامېرىكا مەھسۇلاتلىرىغا قوشۇمچە تاموژنا بېجى قويۇشنى كېچىكتۈرۈش مۇددىتىنى يەنە 2 ئاي ئۇزارتتى
31- نۆۋەتلىك ب د ت كىلىمات ئۆزگىرىشى يىغىنىغا ئالتە قىتئەدىن جەمئىي 102 نەپەر رەھبەر قاتنىشىدۇ
رۇبىيو: ئىران بىلەن دىپلوماتىك كېلىشىم ھاسىل قىلىش ئېھتىمالدىن يىراق