غەززە ئۇرۇشى
2 مىنۇت ئوقۇش
غەززەدە بىنا خارابىلىكى ئاستىدىن 40 كىچىك بالىنى قوشقاندا جەمئىي 112 كىشىنىڭ جەسىتى چىقىرىلدى
قۇتقۇزۇش ئەترەتلىرى سابرا مەھەللىسىدە تەخمىنەن ئىككى ھەپتە داۋاملاشقان ئىزدەش خىزمەلىرىنى تاماملىدى، يەنە يۈزلىگەن كىشىنىڭ بىنا خارابىلىكى ئاستىدا كۆمۈلۈپ قالغانلىقى تەخمىن قىلىنماقتا.
غەززەدە بىنا خارابىلىكى ئاستىدىن 40 كىچىك بالىنى قوشقاندا جەمئىي 112 كىشىنىڭ جەسىتى چىقىرىلدى
غەززىدە بىنا خارابىلىكى ئاستىدىن 40 كىچىك بالىنى قوشقاندا جەمئىي 112 كىشىنىڭ جەسىتى چىقىرىلدى

غەززە ئاممىۋى مۇداپىئە ئىدارىسى شەنبە كۈنى بايانات ئېلان قىلىپ، ئەترەتلەرنىڭ غەززە شەھىرىنىڭ سابرا مەھەللىسىدە ئىسرائىلىيەنىڭ ھۇجۇملىرىدا ۋەيران بولغان ئۆيلەرنىڭ خارابىلىكى ئاستىدىن 112 كىشىنىڭ جەسىتىنى ۋە كېسىلگەن ئورگان پارچىلىرىنى چىقارغانلىقىنى ئېلان قىلدى.

ئىدارەنىڭ باياناتىدا، ئىسرائىلىيە ئارمىيەسىنىڭ «ئاھالىلىرى بىلەن بىرلىكتە ۋەيران قىلغان» بىر ئولتۇراق رايونىدا تەخمىنەن ئىككى ھەپتە ئىلگىرى باشلانغان ئىزدەش خىزمىتىنىڭ ئاياغلاشقانلىقىنى بىلدۈردى.

ئىدارىنىڭ ئاشكارىلىشىچە، ئەلھاساينا ۋە ئەبۇ شەرىيا ئائىلىلىرىگە تەۋە ئۆيلەرمۇ ئورۇن ئالغان بۇ ئولتۇراق رايون، ئىسرائىلىيەنىڭ غەززەگە قاراتقان قىرغىنچىلىق ئۇرۇشىدىكى تۇنجى ئۇرۇش توختىتىش يولغا قويۇلۇشتىن بىر كۈن ئىلگىرى، يەنى 2023-يىلى 23-ئۆكتەبىردە بومباردىمان قىلىنغان.

ئىدارە ئەترەتلەرنىڭ تەخمىنەن ئىككى ھەپتە بويىچە ئېلىپ بارغان 136 سائەتلىك «جاپالىق» خىزمەتلىرى جەريانىدا جەسەتلەرنى چىقارغانلىقىنى ئەسكەرتتى.

ھاياتىدىن ئايرىلغانلار ئاراسىدا 40 كىچىك بالا، 38 ئايال ۋە 7 مېيىپ بارلىقى بىلدۈرۈلدى.

يەنە نۇرغۇن جەسەت خارابىلىك ئاستىداتۇرماقتا.

خىزمەتكە رىياستچىلىق قىلغان مۇھەممەد ئەبۇ دان ئەترەتلەرنىڭ خارابىلىك ئاستىدا دەپ قارالغان يەنە 157 كىشىنىڭ جەسىتىنى تېخى تاپالمىغانلىقىنى ئېيتتى.

ئەبۇ دان ئەترەتلەرنىڭ دۆۋىلىنىپ كەتكەن بېتون پارچىلىرىنى قوللىرى بىلەن كولىغانلىقىنى تەكىتلەپ، ئەسلىھە ۋە جابدۇق يېتىشمەسلىكنىڭ خىزمەتتىكى ئەڭ چوڭ توسالغۇ ئىكەنلىكىنى بىلدۈردى.

ئىزدەش خىزمىتى ئاممىۋى مۇداپىئە ئىدارىسىنىڭ ۋەيرانچىلىق ئاستىدا قالغان جەسەتلەرنى چىقىرىش مەقسىتىدە 19-ئىيۇلدا باشلىغان ئىككىنچى باسقۇچىنى تەشكىل قىلدى.

ئاممىۋىي مۇداپىئە ئىدارىسى باياناتچىسى مەھمۇد باسال بۇ باسقۇچ باشلانغاندا، ئەترەتلەرنىڭ غەززە شەھىرى ھەم رايوننىڭ شىمالىي ۋە ئوتتۇرا قىسمىدىكى ۋەيران قىلىنغان 147 ئۆيدە 800 سائەت بويىچە ئىزدەش خىزمىتى ئېلىپ بارىدىغانلىقىنى، بۇ نۇقتىلاردا تەخمىنەن 1072 كىشىنىڭ جەسىتىنىڭ خارابىلىك ئاستىدا قالغانلىقى مۆلچەرلەنگەنلىكىنى ئېيتقان ئىدى.

غەززەدە ئىككى يىل داۋاملاشقان ھەمدە غەززەدىكى دائىرىلەرنىڭ ئاشكارىلىشىچە 73 مىڭدىن ئارتۇق پەلەستىنلىكنىڭ ھاياتىدىن ئايرىلىشى، 174 مىڭدىن ئارتۇق كىشىنىڭ يارىلىنىشى بىلەن نەتىجىلەنگەن قىرغىنچىلىق ئاخىرىدا ئۇرۇش توختىتىش كېلىشىمى بىلەن ئاخىرلاشتۇرۇلغان. بىرلەشكەن دۆلەتلەر تەشكىلاتى قايتا قۇرۇش چىقىمىنىڭ تەخمىنەن 70 مىليارد دوللارغا يېتىدىغانلىقىنى مۆلچەرلىمەكتە.

ئىزدىنىڭ
ناتو - ئۇكرائىنا كېڭىشى بىريۇسسېلدا جىددىي يىغىن چاقىردى
ئىسرائىلىيە پىرېزىدېنتى ترامپنىڭ ياردەمنى كېسىشىدىن چۆچۈگەنلىكىنى بىلدۈردى
ئىران ئارمىيە باياناتچىسى ئامېرىكانى قايتۇرما ھۇجۇمغا ئۆتىدىغانلىقلىرىنى ئېيتىپ ئاگاھلاندۇردى
4 دۆلەت ھۇسىيلارنىڭ مەدىنىگە باشقۇرۇلىدىغان بومبا ئېتىش ئۇرۇنۇشىنى ئەيىبلىدى
رۇبىيو ئىستېپا بېرىدىغانلىقى ھەققىدىكى خەۋەرلەرنى رەت قىلدى
ھېرزوگ ھۆكۈمەت قۇرىدىغان كىشىنى يەكشەنبە كۈنى ئېلان قىلىدىكەن
كالىفورنىيە ئىشتاتى باشلىقى بارلىق ئۆلۈم جازاسى ھۆكۈملىرىنى مۇددەتسىز قاماق جازاسىغا ئۆزگەرتتى
رونالدو پورتۇگالىيە دۆلەت كوماندىسى بىلەن خوشلاشتى
شىمالىي كورېيە يېڭى باشقۇرۇلىدىغان بومبا ھاۋا مۇداپىئە سىستېمىسىنى سىناق قىلدى
جۇمھۇر رەئىس ئەردوغان: «8-نويابىر كۈنى ئەزەربەيجاننى زىيارەت قىلىشنى ئويلىشىۋاتىمەن»
ئەردوغان: تېررورلۇقتىن خالىي تۈركىيە مۇساپىمىز قانۇن دائىرىسىدە داۋاملاشماقتا
جەنۇبىي كورېيە ھورمۇز بوغۇزىغا يېقىن جايغا ئەسكەر ئورۇنلاشتۇرىدۇ
ئامېرىكا كېڭەش پالاتا ئەزاسى ساندېرس: ئىران بىلەن بولغان ئۇرۇش قىلىش ئاساسىي قانۇنغا خىلاپ
چىفتچى: ئىتالىيە بىلەن بولغان بىخەتەرلىك ھەمكارلىقىمىزنى تېخىمۇ ئىلگىرى سۈرۈشنى نىشان قىلىۋاتىمىز
زېلېنىسكىي ترامپنىڭ ۋەكىللىرى كۇشنېر ۋە ۋىتكوف بىلەن تېلېفونلاشتى