غەززە ئۇرۇشى
2 مىنۇت ئوقۇش
دۇنيا سەھىيە تەشكىلاتى غەززەدىن 41 كىسەللىكى ئېغىر بىمارنى داۋالىنىش ئۈچۈن يۆتكىدى
ب د ت ئەمەلدارلىرى غەززەدىكى سەھىيە سىستېمىسىنىڭ ۋەيران بولغانلىقىنى، داۋاملىشىۋاتقان ئىسرائىلىيە ھۇجۇملىرى سەۋەبىدىن ئاياللار، يېڭى تۇغۇلغان بوۋاقلار ۋە كېسەللىكى ئېغىر كىشىلەرنىڭ ئاچلىق ۋە ئۆلۈمگە دۇچ كەلگەنلىكىنى بىلدۈرمەكتە.
دۇنيا سەھىيە تەشكىلاتى غەززەدىن 41 كىسەللىكى ئېغىر بىمارنى داۋالىنىش ئۈچۈن يۆتكىدى
دۇنيا سەھىيە تەشكىلاتى غەززەدىن 41 كىسەللىكى ئېغىر بىمارنى داۋالىنىش ئۈچۈن يۆتكىدى / Reuters
 

دۇنيا سەھىيە تەشكىلاتى غەززەدىن 41 كېسەللىكى ئېغىر بىمار ۋە 145 ھەمراھىنى داۋالىنىش ئۈچۈن يۆتكەشكە يېتەكچىلىك قىلغان بىر پەيتتە، ب د ت ئەمەلدارلىرى خارابىلىككە ئايلانغان بۇ رايوننى «قورقۇنچلۇق كىنو مەيدانى» غا ئوخشاتتى.

دۇنيا سەھىيە تەشكىلاتىنىڭ باش دىرېكتورى تېدروس ئادخانوم گېبرېيېسۇس X سۇپىسىدا بايانات بېرىپ، غەززەدە تەخمىنەن 15 مىڭ بىمارنىڭ يۆتكىلىشنى كۈتۈۋاتقانلىقىنى ئېيتتى ۋە «داۋالىنىش ئۈچۈن يۆتكەشنى تېزلىتىشقا دۆلەتلەرنى ئىتتىپاقلىقنى نامايان قىلىشقا ۋە بارلىق يوللارنى ئېچىشقا داۋاملىق چاقىرىق قىلىمىز» دېگەن سۆزلەرنى ئىشلەتتى.

يۆتكەلگەن بىمارلارنىڭ كۆپىنچىسى ئىسرائىلىيەنىڭ غەززەدىكى ئىككى يىللىق ئىرقىي قىرغىنچىلىقىدا يارىلانغان كىشىلەر بولۇپ، قالغانلىرى راك ۋە يۈرەك كېسىلى قاتارلىق رايوندىكى ۋەيران بولغان سەھىيە سىستېمىسى داۋالاشقا ئاجىزلىق قىلىۋاتقان سوزۇلما خاراكتېرلىك كېسەللىكلەرگە گىرىپتار بولغانلار ئىدى.

ئۇرۇش جەريانىدا غەززەدىن 7000 دىن ئارتۇق بىمار يۆتكەلگەن بولۇپ، ئۇلارنىڭ يېرىمىدىن كۆپرەكىنى مىسىر قوبۇل قىلغان. ئەمما، ئىسرائىلىيەنىڭ 2024-يىلى 5-ئايدا رەفاھ چېگرا ئېغىزىنى تاقىۋېلىشىدىن قىلىشىدىن كېيىن، يۆتكەش سۈرئىتى زور دەرىجىدە ئاستىلىغان.

يەنە بىر تەرەپتىن، ب د ت نوپۇس فوندىنىڭ مۇئاۋىن باش دىرېكتورى ئاندرېۋ سابېرتون غەززەدىكى ئاياللار ۋە يېڭى تۇغۇلغان بوۋاقلارنىڭ ئاچارچىلىق ۋە ئانىلار ساغلاملىق مۇلازىمىتىنىڭ پۈتۈنلەي ۋەيران بولۇشىغا دۇچ كەلگەنلىكىنى ئېيتتى.

سابېرتون بىر مۇخبىرلارنى كۈتۈۋېلىش يىغىنىدا: «غەززەدە كۆرگەنلىرىمگە ھەرگىز تەييار ئەمەس ئىدىم - ھېچكىم تەييار بولالمايدۇ. ۋەيرانچىلىقنىڭ دەرىجىسى قورقۇنچلۇق كىنو مەيدانىغا ئوخشايتتى. باشقىچە تەسۋىرلەش مۇمكىن ئەمەس. غەززە ۋەيران بولدى» دېدى.

سابېرتون غەززەدىكى دوختۇرخانىلارنىڭ %94 ىنىڭ بۇزۇلغانلىقىنى ياكى ۋەيران قىلىنغانلىقىنى ۋە ئانىلارنىڭ ئۆلۈش نىسبىتىنىڭ زور دەرىجىدە ئاشقانلىقىنى بىلدۈرۈپ: «بالدۇر تۇغۇلغان ۋە تۇغۇلۇش ئېغىرلىقى تۆۋەن بوۋاقلار ھازىر يېڭى تۇغۇلغان بوۋاقلارنىڭ تەخمىنەن %70 ىنى تەشكىل قىلىدۇ، ھەر ئۈچ ھامىلىداردىن بىرى يۇقىرى خەتەرگە ئىگە» دېگەن سۆزلەرنى ئىشلەتتى.

ئۇرۇش توختىتىشنىڭ «بىر ئۈمىد نۇرى» ئېلىپ كەلگەنلىكىنى ئېيتقان سابېرتون، قايتا باشلانغان ھۇجۇملارنىڭ ئائىلىلەرنى «يەنە قورقۇنچقا ئىتتىرگەنلىكىنى» بىلدۈردى.

 

ئىزدىنىڭ
ئاۋسترالىيە ئىسرائىلىيەلىك قانۇنسىز كۆچمەنلەرگە ۋە تەشكىلاتلارغا ئېمبارگو يۈرگۈزدى
تىرامپ: «رۇسىيە-ئۇكرائىنا ئۇرۇشى ھەل بولۇشقا ناھايىتى يېقىن»
ئىران CNN نىڭ «مەينەت بومبا» خەۋىرىنى «ئىراق ئۇرۇشى ئۇسلۇبىدىكى تەشۋىقات» دەپ رەت قىلدى
FBI سۈنئىي ئەقىل ئارقىلىق تېزلەشتۈرۈلگەن «ARTEX» تور ھۇجۇمى قورالى ھەققىدە ئاگاھلاندۇرۇش بەردى
جېنسېن خۇاڭ تەكشۈرۈشكە ھەمكارلىشىدىغانلىقىنى ۋە ۋەزىپىسىگە قايتىشنى خالايدىغانلىقىنى ئېيتتى
شى جىنپىڭ سۈنئىي ئەقىل ۋە ئەركىن سودا ساھەسىدە تېخىمۇ كۈچلۈك خەلقئارالىق ھەمكارلىقنى تەلەپ قىلدى
مۇرات قۇرۇم غەززەگە ياردەم يەتكۈزۈش ئۈچۈن «ئانتاليا-غەززە كىلىمات كارىدورى» قۇرۇشنى تەكلىپ قىلدى
ئامېرىكا ئىراننىڭ قەشم ئارىلىنى بومباردىمان قىلدى
كۈندىلىك قىسقا خەۋەرلەر | 18.11.2026
جەنۇبىي كورېيە رۇسىيە ھەربىي ئايروپىلانلىرىغا قارشى ئۇرۇش ئايروپىلانلىرىنى ھەرىكەتكە ئۆتكۈزدى
رۇسىيەنىڭ دىنېپېر ئۆتۈشمىلىرىنى نىشان قىلىشى بىلەن كىيېۋدا ئىككى چوڭ كۆۋرۈك زەربىگە ئۇچرىدى
ئەندى بېرنخام برېكسىتنىڭ ئەنگلىيە ئۈچۈن مەغلۇپ بولغانلىقىنى جاكارلىدى
قانۇنسىز ئىسرائىلىيەلىك كۆچمەنلەر ئەرىھا ئەتراپىدا بىر پەلەستىنلىك ئايالنى ئۆلتۈردى
ئىران ئامېرىكا پايتەختىگە مەينەت بومبا ياكى خىمىيەلىك ھۇجۇم پىلانلىماقتا
خاقان فىدان قارا دېڭىزدىن ئاشلىقنى دۇنيا بازارلىرىغا يەتكۈزۈش مەسىلىسى ئۈستىدە مۇھىم سۆز قىلدى