خەلقئارا
2 مىنۇت ئوقۇش
ھۇسىيلار سەئۇدى ئەرەبىستاندىكى ئايرودۇرۇم ۋە ھەربىي بازىلارغا ھۇجۇم قىلغانلىقىنى ئىلگىرى سۈردى
يەمەندىكى ھۇسىيلار سەئۇدى ئەرەبىستاننىڭ ئايرودۇرۇملىرى ۋە ھەربىي ئەسلىھەلىرىگە ئۇچقۇچىسىز ھاۋا ئاپپاراتلىرى ۋە باللىستىك باشقۇرۇلىدىغان بومبىلار بىلەن ھۇجۇم قىلغانلىقىنى ئېلان قىلدى.
ھۇسىيلار سەئۇدى ئەرەبىستاندىكى ئايرودۇرۇم ۋە ھەربىي بازىلارغا ھۇجۇم قىلغانلىقىنى ئىلگىرى سۈردى
ئارخىپ: رىيادتىكى پادىشاھ خالىد خەلقئارا ئايرودۇرۇمىنىڭ يېقىلغۇ ساقلاش رايونىدىن قويۇق قارا ئىس-تۈتەك كۆتۈرۈلمەكتە. / Reuters
 

ھۇسىيلارنىڭ ھەربىي باياناتچىسى يەھيا سەرى چارشەنبە كۈنى سەھەردە X سۇپىسىدا بايانات ئېلان قىلىپ، قىسىملىرىنىڭ رىيادتىكى پادىشاھ خالىد خەلقئارا ئايرودۇرۇمىغا كۆپ ساندىكى ئۇچقۇچىسىز ھاۋا ئاپپاراتى بىلەن ھۇجۇم قىلغانلىقىنى بىلدۈردى. ئۇ ھۇجۇمنىڭ «نىشانغا دەل تەگكەنلىكى»نى ۋە ئايرودۇرۇمدىكى ئاۋىياتسىيە قاتنىشىغا كاشىلا پەيدا قىلغانلىقىنى ئىلگىرى سۈردى.

سەرى يەنە ھۇسىي قىسىملىرىنىڭ باللىستىك باشقۇرۇلىدىغان بومبىلار ۋە ئۇچقۇچىسىز ھاۋا ئاپپاراتلىرىنى ئىشلىتىپ، ئەبھا خەلقئارا ئايرودۇرۇمى بىلەن خەمىس مۇشەيت ھاۋا ئارمىيە بازىسىغا قارشى ئىككى ھەرىكەت ئېلىپ بارغانلىقىنى ئېيتتى. ئۇ بۇ ھۇجۇملارنىڭ ئايرودۇرۇمدىكى ئاۋىياتسىيە قاتنىشىغا كاشىلا پەيدا قىلغانلىقىنى ۋە ھەربىي بازىغا زىيان يەتكۈزگەنلىكىنى دەۋا قىلدى.

سەرى ئايرىم بىر باياناتىدا، ھۇسىيلارنىڭ جىزاندىكى داغارىر (Dagharir)، ئەسىردىكى ئاقىیفە (Aakifah)  ۋە جىزاندىكى ئەلمەۋسىم (Al-Mawsim) دىن ئىبارەت ئۈچ ھەربىي لاگېرغا كۆپ ساندىكى باللىستىك باشقۇرۇلىدىغان بومبا ۋە ئۇچقۇچىسىز ھاۋا ئاپپاراتى بىلەن ھۇجۇم قىلغانلىقىنى بىلدۈردى.

سەئۇدى ئەرەبىستان باشچىلىقىدىكى بىرلەشمە قىسىم چارشەنبە كۈنى بايانات ئېلان قىلىپ، ھۇسىيلارنىڭ رىياد رايونىغا قارىتىپ قويۇپ بەرگەن بىر باللىستىك باشقۇرۇلىدىغان بومبىسىنىڭ ھاۋادا توسۇپ يوق قىلىنغانلىقىنى ئۇقتۇردى.

بىرلەشمە قىسىم باياناتچىسى بىرىگادا گېنېرالى تۈركى ئەلمالىكى X سۇپىسىدا بايانات ئېلان قىلىپ، «تېررورچى ھۇسىي قوراللىقلىرى» قويۇپ بەرگەن باشقۇرۇلىدىغان بومبىنىڭ رىيادنىڭ شىمالىدا توسۇپ قېلىنغانلىقىنى ئېيتتى.

ئەلمالىكى يەنە بىرلەشمە قىسىمنىڭ ئىستىخبارات سىستېمىلىرى ئارقىلىق باشقۇرۇلىدىغان بومبىنىڭ قويۇپ بېرىش سۇپىسىنىڭ يەمەن پايتەختى سانا ئەتراپىدا ئىكەنلىكىنى بايقىغانلىقىنى ۋە ئىز قوغلاۋاتقانلىقىنى بىلدۈردى.

ئۇ: «قويۇپ بېرىش سۇپىسىنى بىرلەشمە قىسىمنىڭ ئىستىخبارات سىستېمىسى ئارقىلىق سانا ئاسمىنىدا ئىز قوغلاۋاتىمىز ۋە ئۇنى يوقىتىمىز» دېدى.

ھۇسىيلار ئىيۇلدا سەئۇدى ئەرەبىستانغا دېڭىز قامالى يۈرگۈزىدىغانلىقىنى ئېلان قىلغان ۋە شۇ ئايدا يەمەندىكى ئىچكى ئۇرۇش قايتا ئەۋج ئالغانىدى. شۇنىڭدىن بۇيان ھۇسىيلار بىلەن يەمەن ھۆكۈمەت قىسىملىرى ئوتتۇرىسىدىكى توقۇنۇشلار قايتا باشلاندى.

يەمەن ھۇسىيلار 2014-يىلى پايتەخت سانا ۋە بىر قانچە رايوننى ئىگىلىۋالغاندىن بۇيان توقۇنۇش ئىچىدە تۇرماقتا. بۇ ئەھۋال سەئۇدى ئەرەبىستان باشچىلىقىدىكى ئەرەب بىرلەشمە قىسىملىرىنىڭ 2015-يىلى خەلقئارا جەمئىيەت ئېتىراپ قىلغان يەمەن ھۆكۈمىتىنى قوللاش ئۈچۈن ئارىلىشىشىغا سەۋەب بولغان.

ئىزدىنىڭ
ئاۋسترالىيە ئىسرائىلىيەلىك قانۇنسىز كۆچمەنلەرگە ۋە تەشكىلاتلارغا ئېمبارگو يۈرگۈزدى
تىرامپ: «رۇسىيە-ئۇكرائىنا ئۇرۇشى ھەل بولۇشقا ناھايىتى يېقىن»
ئىران CNN نىڭ «مەينەت بومبا» خەۋىرىنى «ئىراق ئۇرۇشى ئۇسلۇبىدىكى تەشۋىقات» دەپ رەت قىلدى
FBI سۈنئىي ئەقىل ئارقىلىق تېزلەشتۈرۈلگەن «ARTEX» تور ھۇجۇمى قورالى ھەققىدە ئاگاھلاندۇرۇش بەردى
جېنسېن خۇاڭ تەكشۈرۈشكە ھەمكارلىشىدىغانلىقىنى ۋە ۋەزىپىسىگە قايتىشنى خالايدىغانلىقىنى ئېيتتى
شى جىنپىڭ سۈنئىي ئەقىل ۋە ئەركىن سودا ساھەسىدە تېخىمۇ كۈچلۈك خەلقئارالىق ھەمكارلىقنى تەلەپ قىلدى
مۇرات قۇرۇم غەززەگە ياردەم يەتكۈزۈش ئۈچۈن «ئانتاليا-غەززە كىلىمات كارىدورى» قۇرۇشنى تەكلىپ قىلدى
ئامېرىكا ئىراننىڭ قەشم ئارىلىنى بومباردىمان قىلدى
كۈندىلىك قىسقا خەۋەرلەر | 18.11.2026
جەنۇبىي كورېيە رۇسىيە ھەربىي ئايروپىلانلىرىغا قارشى ئۇرۇش ئايروپىلانلىرىنى ھەرىكەتكە ئۆتكۈزدى
رۇسىيەنىڭ دىنېپېر ئۆتۈشمىلىرىنى نىشان قىلىشى بىلەن كىيېۋدا ئىككى چوڭ كۆۋرۈك زەربىگە ئۇچرىدى
ئەندى بېرنخام برېكسىتنىڭ ئەنگلىيە ئۈچۈن مەغلۇپ بولغانلىقىنى جاكارلىدى
قانۇنسىز ئىسرائىلىيەلىك كۆچمەنلەر ئەرىھا ئەتراپىدا بىر پەلەستىنلىك ئايالنى ئۆلتۈردى
ئىران ئامېرىكا پايتەختىگە مەينەت بومبا ياكى خىمىيەلىك ھۇجۇم پىلانلىماقتا
خاقان فىدان قارا دېڭىزدىن ئاشلىقنى دۇنيا بازارلىرىغا يەتكۈزۈش مەسىلىسى ئۈستىدە مۇھىم سۆز قىلدى