تۈركىيە بۈيۈك مىللەت مەجلىسى (پارلامېنتى) رەئىسى نۇمان قۇرتۇلمۇش ئەزەربەيجاننىڭ پايتەختى باكۇدا ئۆتكۈزۈلگەن ئىسلام ھەمكارلىق تەشكىلاتى پارلامېنت ئەزالىرى ئىتتىپاقىنىڭ 20-نۆۋەتلىك يىغىنى دائىرىسىدە ئەزەربەيجان مىللىي مەجلىسى رەئىسى ساھىبە غافاروۋا بىلەن بىر يەرگە جەم بولدى.

ھەيدەر ئەلىيېۋ مەدەنىيەت مەركىزىدە ئاخبارات ۋاسىتىلىرىغا يېپىق ھالەتتە ئۆتكۈزۈلگەن سۆھبەتتە، ئىككى دۆلەت ئوتتۇرىسىدىكى ئىستراتېگىيەلىك ئىتتىپاقداشلىقنى «شۇشا خىتابنامىسى» روھى بويىچە بارلىق ساھەلەردە كۈچەيتىش ئىرادىسى تەكىتلەندى.

نۇمان قۇرتۇلمۇش ھىندونېزىيەدىن ئۆتكۈزۈۋالغان ئىسلام ھەمكارلىق تەشكىلاتى پارلامېنت ئەزالىرى ئىتتىپاقىنىڭ نۆۋەتچى رەئىسلىكى مۇناسىۋىتى بىلەن غافاروۋانى تەبرىكلەپ، ئىسلام ھەمكارلىق تەشكىلاتى پارلامېنت ئەزالىرى ئىتتىپاقىنىڭ 20-نۆۋەتلىك يىغىنىنىڭ خەيرلىك نەتىجىلەرنى بېرىشىنى تىلىدى.