ياۋروپا كېسەللىكلەرنىڭ ئالدىنى ئېلىش ۋە كونترول قىلىش مەركىزى، سۈنئىي ھەمراھ ئۇچۇرلىرىنى ئىشلىتىپ دېڭىز سۈيى تېمپېراتۇرىسى ۋە تۇز نىسبىتىگە ئاساسەن بىر خەۋپ خەرىتىسى تەييارلىدى.
ئېلىپ بېرىلغان ئانالىزلار، نورمال شارائىتتا يازنىڭ ئوتتۇرىلىرىدا كۆپىيىشى كېرەك بولغان باكتېرىيە قويۇقلۇقىنىڭ، بۇ يىل پەسىل نورماللىرىنىڭ ئۈستىدىكى ئىسسىقلار سەۋەبىدىن تولىمۇ بالدۇر كۆپىيىشنى باشلىغانلىقىنى كۆرسەتمەكتە.
باكتېرىيە تاتلىق سۇ بىلەن تۇزلۇق سۇ ئارىلاش دەريا ئېغىزلىرىدا ۋە تۇز نىسبىتى تۆۋەن، تىنچ قىرغاقلاردا تېمپېراتۇرىنىڭ ئۆسىشى بىلەن تېز سۈرئەتتە كۆپىيىدۇ.
مۇتەخەسسىسلەر، ئوتتۇرا دېڭىز ۋە ئاتلانتىك ئوكياننىڭ يۇقىرى تۇز نىسبىتىنىڭ بۇ باكتېرىيە ئۈچۈن ئومۇمىي جەھەتتىن مۇۋاپىق بىر مۇھىت يارىتىپ بەرمەيدىغانلىقىنى بىلدۈرمەكتە. ئەمما قويۇق يامغۇرلاردىن كېيىن دەريالاردىن دېڭىزغا ئارىلىشىدىغان تاتلىق سۇلار بۇ ئەھۋالنى ئۆزگەرتىۋەتەلەيدىكەن.
خەۋپ خەرىتىسىدە بۇلغارىيە، فىرانسىيە، گېرمانىيە، رۇمىنىيە ۋە شۋېتسىيە قاتارلىق دۆلەتلەرنىڭ قىرغاق رايونلىرى تەرەپكە دىققەتكەر مەرۆەزلەشتۈرۈلدى، ئۆتكەن كۈنلەردە بىر قىسىم ئىسپانىيە ساھىللىرىنىڭ بۇ خەتەر تۈپەيلى ۋاقىتلىق تاقالغانلىقى مەلۇم.
سالامەتلىكى ياخشى كىشىلەر ئۈچۈن ئېغىر كېسەللىك خەۋپى تۆۋەن بولسىمۇ، مۇتەخەسسىسلەر مۇئەييەن توپلارنىڭ تېخىمۇ دىققەت قىلىشى كېرەكلىكىنىڭ تەكىتلىمەكتە.
تېنىدە ئوچۇق يارا، كېسىلگەن جاي، يېڭى قىلىنغان چەكىمە (تاتۇ) ياكى ئوپېراتسىيە ئىزى بولغان كىشىلەرنىڭ، قوغدىنىشسىز بىر شەكىلدە ئىسسىق دېڭىز سۇلىرىغا كىرمەسلىكىنى تەۋسىيە قىلماقتا. بۇنىڭدىن باشقا جىگەر كېسىلى، شىكەر كېسىلى (دىئابېت) ياكى ئاجىز ئىممۇنىتېت سىستېمىسىغا ئىگە بولغان كىشىلەرنىڭمۇ يۇقۇملىنىشقا قارشى ئوچۇق نىشانغا ئايلىنىپ قېلىشى مۇمكىنلىكى بىلدرۈلمەكتە.
