خەلقئارا
2 مىنۇت ئوقۇش
ئىسرائىلىيەنىڭ ئۇچقۇچىسىز ئايروپىلانى لىۋاندا ئوقۇغۇچىلار ئاپتوبۇسىغا ھۇجۇم قىلدى
ئىسرائىلىيەنىڭ ئۇچقۇچىسىز ئايروپىلان ھۇجۇمى لىۋاندا ئوقۇغۇچىلار ئاپتوبۇسىغا يېقىن جايدىكى ماشىنىغا تېگىپ نۇرغۇن ئۆسمۈرلەر يارىلاندى.
ئىسرائىلىيەنىڭ ئۇچقۇچىسىز ئايروپىلانى لىۋاندا ئوقۇغۇچىلار ئاپتوبۇسىغا ھۇجۇم قىلدى
ئىسرائىلىيەنىڭ ئۇچقۇچىسىز ئايروپىلانى لىۋاندا ئوقۇغۇچىلار ئاپتوبۇسىغا ھۇجۇم قىلدى / AP

مەزكۇر ھۇجۇم لىۋاننىڭ جەنۇبىدىكى سەيدا شەھىرىدە تۇرۇشلۇق پەلەستىنلىك مۇساپىرلار لاگېرىغا ئىسرائىلىيە ھاۋا ھۇجۇمى قىلىپ، 13 كىشىنىڭ جېنىغا زامىن بولغاندىن بىر قانچە سائەت كېيىن يۈز بەردى.

دۆلەتكە قاراشلىق «مىللىي خەۋەر ئاگېنتلىقى» (NNA) نىڭ بىلدۈرۈشىچە، ئىسرائىلىيەنىڭ ئۇچقۇچىسىز ئايروپىلانى لىۋاننىڭ جەنۇبىدىكى نەباتىيە رايونىغا قاراشلىق ئەتتىرى بازىرىدا بىر ماشىنىغا ئىككى باشقۇرۇلىدىغان بومبا ئاتقان؛ شۇ ۋاقىتتا يولدىن ئۆتۈپ كېتىۋاتقان بىر ئوقۇغۇچىلار ئاپتوبۇسىدىكى بىر قانچىلىغان ئوقۇغۇچى يارىلانغان.

«مىللىي خەۋەر ئاگېنتلىقى» نىڭ خەۋىرىگە ئاساسلانغاندا، چارشەنبە كۈنى ئەتىگەن ھۇجۇم يۈز بەرگەندە ئوقۇغۇچىلار ئاپتوبۇسى نىشان قىلىنغان ماشىنىنىڭ ئارقىسىدا كېتىۋاتقان بولۇپ، ھۇجۇم نەتىجىسىدە بىر قانچە ئوقۇغۇچى ۋە ئاپتوبۇس شوپۇرى يارىلانغان.

ئاگېنتلىق يارىلانغان ئوقۇغۇچىلارنىڭ سانى ياكى يارىلىنىشنىڭ ئېغىرلىق دەرىجىسى ھەققىدە تەپسىلىي ئۇچۇر بەرمىگەن.

بۇ ھۇجۇم، ئوخشاش بىر كۈندە بىر قانچە سائەت بۇرۇن لىۋاننىڭ جەنۇبىدىكى سەيدا شەھىرىگە جايلاشقان ئەين ئەل ھىلۋە پەلەستىنلىك مۇساپىرلار لاگېرىغا قىلىنغان ئىسرائىلىيە ھاۋا ھۇجۇمىدا كەم دېگەندە 13 كىشى قازا قىلغاندىن كېيىن يۈز بەردى.

ئىسرائىلىيە ئارمىيەسى ھۇجۇمنىڭ لاگېر ئىچىدىكى بىر مەركەزنى ۋە بۇ يەردىكى ھاماس ئەزالىرىنى نىشان قىلغانلىقىنى ئېلان قىلدى.

ئارمىيە نىشان قىلىنغان بۇ ئەسلىھەنىڭ ئىسرائىلىيەگە ھۇجۇم قىلىشنى پىلانلاش ئۈچۈن ئىشلىتىلگەنلىكىنى ئىلگىرى سۈرگەن بولسىمۇ، پەلەستىن قارشىلىق كۆرسىتىش تەشكىلاتى ئىسرائىلىيەنىڭ بۇ يالغانلىرىنى رەت قىلدى.

ئىسرائىلىيە ئارمىيەسىى ھېزبۇللاھ ئەزالىرىنى ۋە ئۇنىڭ ئۇل ئەسلىھەلىرىنى نىشان قىلغانلىقىنى ئېلان قىلىپ، لىۋان زېمىنىغا ھاۋا ھۇجۇۇملىرىنى ھەر كۈنى دېگۈدەك كۈچەيتىشى بىلەن، لىۋاننىڭ جەنۇبىدىكى جىددىي ۋەزىيەت بىر قانچە ھەپتىدىن بۇيان ئىزچىل داۋام قىلماقتا.

ئىسرائىلىيە ئارمىيەسى، 2023-يىلى ئۆكتەبىردە باشلانغان ۋە 2024-يىلى سېنتەبىردە تولۇق كۆلەمدىكى ھۇجۇمغا ئايلانغان ھەربىي ھەرىكەتلىرىدە لىۋاندا 4 مىڭدىن ئارتۇق كىشىنى ئۆلتۈرگەن ۋە تەخمىنەن 17 مىڭ كىشىنى يارىلاندۇرغان ئىدى.

2024-يىلى نويابىردا ئېلان قىلىنغان ئۇرۇش توختىتىش كېلىشىمى بويىچە ئىسرائىلىيە ئارمىيەسى بۇ يىل يانۋاردا لىۋاننىڭ جەنۇبىدىن چېكىنىشى كېرەك ئىدى، ئەمما ئىسرائىلىيە ئۇنىڭ ئورنىغا پەقەت قىسمەن چېكىنىشنى ئەمەلگە ئاشۇردى ھەمدە بەش چېگرا پونكىتىدا تېخىچە ھەربىي مەۋجۇتلۇقىنى ساقلاپ كەلمەكتە.

مۇناسىۋەتلىك ئۇچۇرلارTRT World - Israeli drone strike in southern Lebanon kills four US citizens, including three children
ئىزدىنىڭ
TRT World مۇنبىرى باشلاندى: ئىستانبۇلدا يەرشارى سىستېمىسىنىڭ كەلگۈسى مۇزاكىرە قىلىنماقتا
ئامېرىكا كۇبا ئارمىيەسى ۋە ئېنېرگىيە تورىغا قاراتقان يېڭى ئېمبارگولارنى ئېلان قىلدى
ناتو - ئۇكرائىنا كېڭىشى بىريۇسسېلدا جىددىي يىغىن چاقىردى
ئىسرائىلىيە پىرېزىدېنتى ترامپنىڭ ياردەمنى كېسىشىدىن چۆچۈگەنلىكىنى بىلدۈردى
ئىران ئارمىيە باياناتچىسى ئامېرىكانى قايتۇرما ھۇجۇمغا ئۆتىدىغانلىقلىرىنى ئېيتىپ ئاگاھلاندۇردى
4 دۆلەت ھۇسىيلارنىڭ مەدىنىگە باشقۇرۇلىدىغان بومبا ئېتىش ئۇرۇنۇشىنى ئەيىبلىدى
رۇبىيو ئىستېپا بېرىدىغانلىقى ھەققىدىكى خەۋەرلەرنى رەت قىلدى
ھېرزوگ ھۆكۈمەت قۇرىدىغان كىشىنى يەكشەنبە كۈنى ئېلان قىلىدىكەن
كالىفورنىيە ئىشتاتى باشلىقى بارلىق ئۆلۈم جازاسى ھۆكۈملىرىنى مۇددەتسىز قاماق جازاسىغا ئۆزگەرتتى
رونالدو پورتۇگالىيە دۆلەت كوماندىسى بىلەن خوشلاشتى
شىمالىي كورېيە يېڭى باشقۇرۇلىدىغان بومبا ھاۋا مۇداپىئە سىستېمىسىنى سىناق قىلدى
جۇمھۇر رەئىس ئەردوغان: «8-نويابىر كۈنى ئەزەربەيجاننى زىيارەت قىلىشنى ئويلىشىۋاتىمەن»
ئەردوغان: تېررورلۇقتىن خالىي تۈركىيە مۇساپىمىز قانۇن دائىرىسىدە داۋاملاشماقتا
جەنۇبىي كورېيە ھورمۇز بوغۇزىغا يېقىن جايغا ئەسكەر ئورۇنلاشتۇرىدۇ
ئامېرىكا كېڭەش پالاتا ئەزاسى ساندېرس: ئىران بىلەن بولغان ئۇرۇش قىلىش ئاساسىي قانۇنغا خىلاپ