خەلقئارا
2 مىنۇت ئوقۇش
خىتاينىڭ شىمالىدىكى كەلكۈن ئاپىتىدە 8 خىتاي ئۆلدى
باياننۇر ئەتراپىدا بىر دەريا تېشىپ كېتىپ، لاگېر قۇرغان خىتايلارنى ئېقىتىپ كەتتى.
خىتاينىڭ شىمالىدىكى كەلكۈن ئاپىتىدە 8 خىتاي ئۆلدى
خىتاينىڭ شىمالىدىكى كەلكۈن ئاپىتىدە 8 خىتاي ئۆلدى / Reuters
 

بۇ ۋەقە بېيجىڭدىكى جان ئالغان يامغۇرلۇق ھاۋارايىدىن بىر نەچچە ھەپتە كېيىن يۈز بەرگەن بولۇپ، مۇتەخەسسىسلەر بۇنى كىلىمات كىرىزىسى كەلتۈرۈپ چىقارغان پەسىللىك يامغۇرنىڭ ھەددىدىن زىيادە بولىشىدىن دەپ قارىماقتا.

دۆلەت تاراتقۇلىرىنىڭ خەۋىرىگە قارىغاندا، خىتاينىڭ شىمالىدا يۈز بەرگەن تۇيۇقسىز كەلكۈندە كەم دېگەندە سەككىز خىتاي ئۆلگەن، تۆت خىتاي يوقاپ كەتكەن. دۇنيادىكى ئىككىنچى چوڭ ئىقتىسادىي گەۋدە بولغان خىتاي شەرقىي ئاسىيا پەسىللىك يالغۇرىنىڭ ئاتموسفېرانى قالايمىقانلاشتۇرۇۋېتىشىنىڭ تەسىرىدىن داۋاملىق تەۋرەنمەكتە.

شەنبە كۈنى تەخمىنەن سائەت 14:00 دە، ئىچكى موڭغۇلدىكى يايلاقتىن ئۆتىدىغان بىر دەريانىڭ قىرغاقلىرى تېشىپ كەتكەن. خەۋەرگە قارىغاندا، باياننۇر شەھىرىگە يېقىن جايدا لاگېر قۇرغان 13 خىتاي كەلكۈنگە غەرق بولغان. بۇ دېھقانچىلىق مەركىزىگە يېقىن جايدا يۈز بەرگەن ۋەقەدە بىر كىشى قۇتقۇزۇۋېلىنغان.

خىتاي 7-ئايدىن بۇيان ئادەتتىن تاشقىرى ھاۋارايىنىڭ دەردىنى تارتماقتا؛ نورمالدىن ئېشىپ كەتكەن قاتتىق يامغۇرلارنىڭ تەسىرىگە ئۇچرىماقتا ۋە پەسىللىك يالغۇر شىمالدىمۇ، جەنۇبتىمۇ تەسىر كۆرسەتمەكتە.

ھاۋارايى مۇتەخەسسىسلىرى بۇ ئۆزگىرىشچان ئەندىزىنى كىلىمات كىرىزىسىغا باغلىماقتا؛ تۇيۇقسىز كەلگەن كەلكۈنلەر مىڭلىغان كىشىنى ئۆي -ماكانىدىن ئايرىغان بىر پەيتتە، مىلياردلارچە دوللارلىق ئىقتىسادىي زىيانغا دۇچ كېلىش خەۋپىنىمۇ پەيدا قىلماقتا.

باياننۇر دۆلەتنىڭ مۇھىم ئاشلىق ۋە ماي ئىشلەپچىقىرىش بازىسى بولۇپلا قالماي، يەنە قوي بېقىش ۋە پىششىقلاپ ئىشلەش مەركىزى سۈپىتىدىمۇ تونۇلىدۇ.

مۇناسىۋەتلىك ئۇچۇرلارTRT Global - Heavy rain, flooding leave 30 people dead in China's capital

ئۇزۇن بىر ئارىلىقتىن كېيىن، توشۇش قايتىدىن باشلاندى

دۆلەتنىڭ يەنە بىر چېتىدىكى خەينەن ئۆلكىسىدە ئۈچ يېرىم ئايدىن بۇيان داۋاملاشقان توشۇشنى توختىتىش قارارى شەنبە كۈنى ئاخىرلاشتى. دۆلەت تاراتقۇلىرىنىڭ خەۋىرىگە قارىغاندا، دېھقانچىلىق دائىرىلىرى قاتتىق يامغۇر سەۋەبىدىن پاراخوتلارنىڭ پورتتا كۈتۈپ تۇرۇشىنى بۇيرۇغان.

ئىچكى موڭغۇلدىكى بۇ كەلكۈن ئاپىتى، تەخمىنەن 1000 كىلومېتىر يىراقلىقتىكى بېيجىڭدا ئۆتكەن ئايدا يۈز بەرگەن ئەجەللىك يامغۇردىن كېيىن يۈز بەردى. بۇ يامغۇردا كەم دېگەندە 44 ئادەم قازا قىلغان ۋە 70 مىڭدىن ئارتۇق كىشى تارقاقلاشتۇرۇلغان.

مەركىزىي ھۆكۈمەت ئۆتكەن ھەپتە 430 مىليون يۈەن (59.9 مىليون دوللار) قىممىتىدىكى يېڭى بىر ئاپەتتىن قۇتقۇزۇش فوندى ئاچقانلىقىنى ئېلان قىلدى. 4-ئايدىن بۇيان ئاجرىتىلغان ئومۇمىي سومما كەم دېگەندە 5.8 مىليارد يۈەنگە يەتتى.

مەنبە:trt global, TRT Global
ئىزدىنىڭ
ئاۋسترالىيە ئىسرائىلىيەلىك قانۇنسىز كۆچمەنلەرگە ۋە تەشكىلاتلارغا ئېمبارگو يۈرگۈزدى
تىرامپ: «رۇسىيە-ئۇكرائىنا ئۇرۇشى ھەل بولۇشقا ناھايىتى يېقىن»
ئىران CNN نىڭ «مەينەت بومبا» خەۋىرىنى «ئىراق ئۇرۇشى ئۇسلۇبىدىكى تەشۋىقات» دەپ رەت قىلدى
FBI سۈنئىي ئەقىل ئارقىلىق تېزلەشتۈرۈلگەن «ARTEX» تور ھۇجۇمى قورالى ھەققىدە ئاگاھلاندۇرۇش بەردى
جېنسېن خۇاڭ تەكشۈرۈشكە ھەمكارلىشىدىغانلىقىنى ۋە ۋەزىپىسىگە قايتىشنى خالايدىغانلىقىنى ئېيتتى
شى جىنپىڭ سۈنئىي ئەقىل ۋە ئەركىن سودا ساھەسىدە تېخىمۇ كۈچلۈك خەلقئارالىق ھەمكارلىقنى تەلەپ قىلدى
مۇرات قۇرۇم غەززەگە ياردەم يەتكۈزۈش ئۈچۈن «ئانتاليا-غەززە كىلىمات كارىدورى» قۇرۇشنى تەكلىپ قىلدى
ئامېرىكا ئىراننىڭ قەشم ئارىلىنى بومباردىمان قىلدى
كۈندىلىك قىسقا خەۋەرلەر | 18.11.2026
جەنۇبىي كورېيە رۇسىيە ھەربىي ئايروپىلانلىرىغا قارشى ئۇرۇش ئايروپىلانلىرىنى ھەرىكەتكە ئۆتكۈزدى
رۇسىيەنىڭ دىنېپېر ئۆتۈشمىلىرىنى نىشان قىلىشى بىلەن كىيېۋدا ئىككى چوڭ كۆۋرۈك زەربىگە ئۇچرىدى
ئەندى بېرنخام برېكسىتنىڭ ئەنگلىيە ئۈچۈن مەغلۇپ بولغانلىقىنى جاكارلىدى
قانۇنسىز ئىسرائىلىيەلىك كۆچمەنلەر ئەرىھا ئەتراپىدا بىر پەلەستىنلىك ئايالنى ئۆلتۈردى
ئىران ئامېرىكا پايتەختىگە مەينەت بومبا ياكى خىمىيەلىك ھۇجۇم پىلانلىماقتا
خاقان فىدان قارا دېڭىزدىن ئاشلىقنى دۇنيا بازارلىرىغا يەتكۈزۈش مەسىلىسى ئۈستىدە مۇھىم سۆز قىلدى