خەلقئارا
2 مىنۇت ئوقۇش
ئامېرىكا كۆچمەن بالىلارنى چېگرادىن قوغلاپ چىقىرىشنى تېزلىتىش ئۈچۈن ھەرىكەتكە ئۆتتى
مۇتەخەسسىسلەرنىڭ ئېيتىشىچە، تۆت ياشلىق بالىلارنى ئۆز ئىچىگە ئالغان كۆچمەن بالىلار يېتەرلىك قانۇنىي ياردەمگە ئېرىشەلمەي تۇرۇپ پات-پات سوتقا چاقىرىلماقتا، بۇ ئەھۋال ئۇلارنى ئىنتايىن قىيىن ئەھۋالغا چۈشۈرۈپ قويماقتا.
ئامېرىكا كۆچمەن بالىلارنى چېگرادىن قوغلاپ چىقىرىشنى تېزلىتىش ئۈچۈن ھەرىكەتكە ئۆتتى
ئامېرىكا كۆچمەن بالىلارنى چېگرادىن قوغلاپ چىقىرىشنى تېزلىتىش ئۈچۈن ھەرىكەتكە ئۆتتى / Reuters

CNN نىڭ سەيشەنبە كۈنىدىكى خەۋىرىگە قارىغاندا، ئامېرىكا ھۆكۈمىتى كۆچمەن بالىلارنى چېگرادىن قوغلاپ چىقىرىش مۇساپىسىنى تېزلىتىشنى پىلانلىغان. خەۋەردە قەيت قىلىنىشىچە، بۇ ئۇچۇرلار ھۆكۈمەت مەسئۇللىرى ۋە بالىلارغا ۋەكىللىك قىلىۋاتقان ئادۋوكاتلاردىن ئېلىنغان.

كۆچمەن بالىلارنىڭ ئامېرىكىدا قېلىش-قالالماسلىقىنى قارار قىلىدىغان سوت ۋاقىتلىرى تېخىمۇ بالدۇرغا ۋاقىتلارغا ئورۇنلاشتۇرۇلماقتا. بۇ ئىش ئادۋوكاتلارنىڭ بالىلارغا ياردەم بېرىشىنى قىيىنلاشتۇرماقتا.

خەۋەرگە ئاساسلانغاندا، ھەتتا تۆت ياشلىق بالىلارمۇ بەزىدە قانۇنىي ۋەكىلى بولمىغان ئەھۋالدا سوتقا كۆپ قېتىم چىقىشقا ۋە قىسقا ۋاقىت ئىچىدە دېلو ھەققىدە ئۇچۇر بېرىشكە مەجبۇرلانغان.

ئامېرىكا مەركەزلىك بىر ئاممىۋى تەشكىلات بولغان «قوغداشقا موھتاج بالىلار» (Kids in Need of Defense) دىن ئېمىلىي نورمان، بۇنداق قېتىم سانى كۆپ سوتلارنىڭ تېخى قانۇن سىستېمىسىغا كۆنمىگەن ئۆسمۈر بالىلار ئۈچۈن جىددىيچىلىك پەيدا قىلىدىغانلىقىنى ئېيتتى. نورمان نۇرغۇن بالىنىڭ «چوڭ بېسىم» ھېس قىلىۋاتقانلىقىنى، ھەتتا بەزىلىرىنىڭ سوتتىن ئىلگىرى ئاستىنى ھۆل قىلىپ قويىدىغانلىقىنى بىلدۈرگەن.

ئاتا ئانىلىرى نازارەتكە ئېلىنغاندىن كېيىن يالغۇز كەلگەن ياكى دۆلەت نازارىتىگە قايتۇرۇلغان قۇرامىغا يەتمىگەن ئۆسمۈر كۆچمەنلەرنى تېخىمۇ قاتتىق تەكشۈرۈش تىرىشچانلىقىنىڭ بىر قىسمى سۈپىتىدە تاشلانغان.

ئادۋوكاتلار ۋە مۇتەخەسسىسلەر تېزلىتىلگەن سوت جەدۋىلىنىڭ ئاجىز بالىلارنى خەتەرلىك شارائىتلارغا قايتۇرۇپ بېرىشكە سەۋەب بولىدىغانلىقىنى ئاگاھلاندۇردى. دوكلاتقا قارىغاندا، تېكساس ئىشتاتىدىكى پاناھگاھلاردا تۇرۇۋاتقان 300 گە يېقىن بالىنىڭ سوت ۋاقىتلىرى ئادەتتە ئالدىن ئۇقتۇرۇش قىلىنمايلا تۇيۇقسىز ئالدىغا سۈرۈلگەن.

سەھىيە ۋە ئىنسانىي مۇلازىمەت مىنىستىرلىقى نامىدىن CNN غا بايانات بەرگەن باياناتچى ئاندىرىيۇ نىكسون، مىنىستىرلىقنىڭ «ھەمراھسىز بالىلارغا ئائىت دېلولارنى قانۇن بويىچە مۇمكىن قەدەر تېز ۋە ئۈنۈملۈك بىر تەرەپ قىلىشقا ئەھمىيەت بېرىۋاتقانلىقىنى» بايان قىلدى.

ئاقسارايدىكى بىر ئەمەلدار CNN غا، ترامپ ھۆكۈمىتىنىڭ كارتېللارنىڭ سۇيىقەستىنى بىتچىت قىلىش ۋە ئادەم ئەتكەسچىلىكى قۇربانى بولغان بالىلارنى مۇمكىن قەدەر تېز ۋە ئىنسانىي ئۇسۇلدا ئۆيلىرىگە ۋە ئائىلىلىرىگە قايتۇرۇش ئۈچۈن تىرىشىۋاتقانلىقىنى بىلدۈردى.

خەۋەردە يەنە كۆچمەن بالىلارنىڭ ئوتتۇرا ھېساب بىلەن يەتتە ئاي نازارەتتە قالىدىغانلىقى، بۇنىڭ بولسا ئىلگىرىكى بالىلارنى نازارەتتە تۇتۇش ۋاقىتلىرىدىن خېلىلا ئۇزۇن ئىكەنلىكى قەيت قىلىندى.

مارت ئېيىدىكى سىتاتىستىكىغا ئاساسلانغاندا، 24 ئىشتاتتىكى ئەسلىھە ۋە پىروگراممىلارنى مەبلەغ بىلەن تەمىنلەيدىغان سەھىيە ۋە ئىنسانىي مۇلازىمەت مىنىستىرلىقىنىڭ نازارىتى ئاستىدا 2000 دىن ئارتۇق كۆچمەن بالا بار ئىكەن.

مۇناسىۋەتلىك ئۇچۇرلارTRT World - Trump attends US Supreme Court in unprecedented show of power over birthright citizenship clash
ئىزدىنىڭ
سۇداندا ئۇچقۇچىسىز ئايروپىلان ھۇجۇمى يۈ بەردى
كامبودژادا ئوقۇغۇچىلار ئاپتوبۇسى كۆلچەككە چۈشۈپ كەتتى
كونگو دېموكراتىك جۇمھۇرىيىتىدە ھەربىي سوتنىڭ ھۆكمىنى چىقاردى
رىزائى ترامپنى ئىراننىڭ 7 تۈرلۈك شەرتىنى قوبۇل قىلىشقا چاقىردى
فىرانسىيە تاللا بازارلىرىغا قىلىنغان تور ھۇجۇمىدا ئىراننى ئەيىبلىدى
ترامپ ھازىرچە ئىرانغا ھەربىي ھەرىكەت قىلىشنىڭ ھاجىتى يوقلۇقىنى ئېيتتى
ئاتاتۈرك خاتىرە سارايىدا بۈيۈك رەھبەر ئاتاتۈرك ئۈچۈن دۆلەت مۇراسىمى ئۆتكۈزۈلدى
تۈركىيە بىلەن ئۆزبېكىستان مۇھىت ئاسراش ساھەسىدە ھەمكارلىق كېلىشىمى ئىمزالىدى
ئەردوغان: ئارىمىزغا سوغۇقچىلىق سالماقچى بولغانلار خەلقلىرىمىزنىڭ قەتئىي ئىرادىسىنى نەزەرگە ئالمىدى
خىتاي ئامېرىكا مەھسۇلاتلىرىغا قوشۇمچە تاموژنا بېجى قويۇشنى كېچىكتۈرۈش مۇددىتىنى يەنە 2 ئاي ئۇزارتتى
31- نۆۋەتلىك ب د ت كىلىمات ئۆزگىرىشى يىغىنىغا ئالتە قىتئەدىن جەمئىي 102 نەپەر رەھبەر قاتنىشىدۇ
رۇبىيو: ئىران بىلەن دىپلوماتىك كېلىشىم ھاسىل قىلىش ئېھتىمالدىن يىراق
ترامپ خىتايدا پۇتىن ۋە شى جىنپىڭ بىلەن كۆرۈشۈشى مۇمكىن
ئارگېنتىنادا پاپا 14-لېئونى ئۆلۈم بىلەن تەھدىت سالغانلىقى ئىلگىرى سۈرۈلگەن بىر كىشى تۇتقۇن قىلىندى
فىرانسىيە: ياۋروپامۇ ئەبۇ زەبىدە ئۆتكۈزۈلىدىغان رۇسىيە-ئۇكرائىنا سۆھبىتىگە قاتنىشىدۇ