خىتاي ئامېرىكانىڭ قارا تىزىملىكىگە قايتۇرما زەربە سۈپىتىدە ئامېرىكانىڭ 10 ئورگىنىغا ئېكسپورت چەكلىمىسى قويدى.
پېنتاگون بۇ ئاينىڭ بېشىدا، خىتاي ئارمىيەسىنى قوللاۋاقانلىقىنى ئىلگىرى سۈرگەن ئورگانلار تىزىملىكىگە خىتاينىڭ ئىنتايىن كۆپ ساندىكى تېخنىكا شىركەتلىرىنى قوشقان ئىدى.
خىتاي دۈشەنبە كۈنى پېنتاگوننىڭ مۇشۇ ئاينىڭ بېشىدىكى تاشلىغان قەدىمىگە نىسبەتەن ئوخشاش تەرىقىدە قايتۇرما تەدبىر يۈرگۈزۈپ، ئامېرىكانىڭ 10 ئورگىنىغا جىددىي چەكلىمە قويدى.
خىتاينىڭ شىنخۇا خەۋەر ئاگېنتلىقىنىڭ خەۋەر قىلىشىچە، سودا مىنىستىرلىقى خىتاينىڭ دۆلەت بىخەتەرلىكىنى قوغداش غايىسى بىلەن ھەمدە دۆلەتنىڭ ئېكسپورتنى كونترول قىلىش قانۇنى ۋە جۈپ مەقسەتلىك (ھەم پۇقراۋى ھەم ھەربىي ساھەدە ئىشلىتىلىدىغان) مەھسۇلاتلارنى تەرتىپكە سالىدىغان بەلگىلىمىلەرەە بىنائەن ئارىلىرىدا «Aveox, Inc.» مۇ بولغان ئامېرىكانىڭ 10 ئورگىنىنى ئېكسپورتنى كونترول قىلىش تىزىملىكىگە قوشتى.
خىتاي سودا مىنىستىرلىقنىڭ باياناتىدا، بۇ چەكلىمە تەدبىرىنىڭ خەلقئارالىق مەسئۇلىيەتلەرنى ئادا قىلىش مەقسىتىدە چىقىرىلغانلىقىنى بىلدۈرۈلدى.
بېيجىڭ ھۆكۈمىتىنىڭ بۇ قەدىمى، پېنتاگوننىڭ مۇشۇ ئاينىڭ بېشىدا خىتاي ئارمىيەسىنى قوللاۋاتىدۇ دەپ ئىشەنگەن ئورگانلارنى ئۆز ئىچىگە ئالغان ۋە «1260H» دەپ ئاتالغان تىزىملىككە، ئارىلىرىدا ئەلىبابا گۇرۇھى (Alibaba Group)، بايدۇ (Baidu) ۋە ئاپتوموبىل ئىشلەپچىقارغۇچى BYD شىركەتلىرىمۇ بولغان ئىنتايىن كۆپ ساندىكى خىتاي تېخنىكا شىركەتلىرىنى قوشقاندىن كېيىن مەيدانغا كەلدى.
خىتاي ئېكسپورت كارخانىچىلىرىدىنمۇ Red Cat Holdings, Inc.، Teal Drones, Inc.، IMSAR، Jaia Robotics, Inc.، Ball Aerospace & Technologies Corp.، Oshkosh Defense، L3Harris Maritime Services, Inc.، MP Materials Corp. ۋە USA Rare Earth, Inc. لارنىمۇ ئۆز ئىچىگە ئالغان 10 ئورگانلارنىغىمۇ جۈپ مەقسەتلىك مەھسۇلاتلارنى ئېكسپورت قىلىشقا پۈتۈنلەي چەكلىمە قويدى.
قايسى دۆلەت ياكى رايوندىن بولۇشىدىن قەتئىينەزەر، بارلىق ئورگانلار ۋە شەخسلەرنىڭ ئەسلى مەنبەسى خىتاي بولغان جۈپ مەقسەتلىك مەھسۇلاتلارنى يۇقىرىدا نامى تىلغا ئېلىنغان ئورگانلارغا يۆتكىشى (يەتكۈزۈشى) ياكى تەمىنلەپ بېرىشى تولۇق چەكلەندى.
بۇنىڭغا چېتىشلىق باشقا ئۆزگىرىشلەر سۈپىتىدە، خىتاي مالىيە مىنىستىرلىقى دۈشەنبە كۈنى دۆلەت ئورگانلىرىنىڭ ئاممىۋى سېتىۋېلىش پروگراممىلىرى ۋاسىتىسى بىلەن بېكىتىلگەن ئامېرىكانىڭ 46 شىركىتى تەرىپىدىن ئىشلەپچىقىرىلغان مەھسۇلاتلارنى سېتىۋېلىشىنىمۇ مەنئىي قىلىدىغان بىر ئۇقتۇرۇش ئېلان قىلدى.
بۇ يېڭى تەدبىر رامكىسى ئاستىدا دۆلەت ئورگانلىرىنىڭ، Lockheed Martin Corporation ۋە Raytheon Missiles & Defense شىركەتلىرىنى ئۆز ئىچىگە ئالغان تىزىملىكتىكى ئامېرىكا شىركەتلىرى تەرىپىدىن ئىشلەپچىقىرىلغان مەھسۇلاتلارنى سېتىۋېلىشى پۈتۈنلەي چەكلەندى.
