گازپروم يازما بايانات ئېلان قىلىپ، ياۋروپادىكى تەبىئىي گاز ئامبارلىرىنىڭ ئىيۇن ۋە ئىيۇل ئايلىرىدىكى گاز تولۇش ئەھۋالىغا ئائىت سانلىق مەلۇماتلارغا باھا بەردى.
ئامبارلاردىكى تەبىئىي گاز قىسچىلىقىنىڭ 12 مىليارد كۇب مېتىرغا يەتكەنلىكىگە ئىشارەت قىلىنغان باياناتتا، 31-ئىيۇلغىچە بولغان ئۇچۇرلارغا ئاساسلانغاندا، ئامبارلاردىكى تەبىئىي گاز مىقدارىنىڭ ئۆتكەن يىلنىڭ ئوخشاش مەزگىلىگە سېلىشتۇرغاندا %17.3 ئاز ئىكەنلىكى تەكىتلەندى.
شۇنداقلا، گېرمانىيە، گوللاندىيە ۋە فىرانسىيە قاتارلىق دۆلەتلەردىكى تەبىئىي گاز ئامبارلىرىنىڭ تولۇش نىسبىتىنىڭمۇ ياۋروپا ئوتتۇرىچە سەۋىيەسىدىن خېلىلا تۆۋەن ئىكەنلىكى قەيت قىلىنغان مەزكۇر باياناتتا: «نۆۋەتتىكى بۇ ۋەزىيەت، سوغۇق ھاۋا مەزگىلىدە ياۋروپالىق ئىستېمالچىلارنى تەبىئىي گاز بىلەن ئىشەنچلىك تەمىنلەش نۇقتىسىدىن زور خەۋپ ياراتماقتا» دېگەن ئىبارىلەرگە ئورۇن بېرىلدى.
مەلۇم بولۇشىچە، گازپرومنىڭ ياۋروپاغا قىلىدىغان تەبىئىي گاز ئېكسپورتى يۈرگۈزۈلگەن جازالار سەۋەبىدىن كۆرۈنەرلىك دەرىجىدە ئازايغانىدى.
