خەلقئارا
2 مىنۇت ئوقۇش
خامەنېي لارىجانىنىڭ «قاتىللىرى» نىڭ «پات يېقىندا بەدەل تۆلەيدىغانلىقىغا» ۋەدە بەردى
ئىران مىللىي بىخەتەرلىك ئالىي كېڭىشىنىڭ كاتىپى ئەلى لارىجانى تېھراندا ئىسرائىلىيەنىڭ ھاۋا ھۇجۇمىدا ھاياتىدىن ئايرىلدى.
خامەنېي لارىجانىنىڭ «قاتىللىرى» نىڭ «پات يېقىندا بەدەل تۆلەيدىغانلىقىغا» ۋەدە بەردى
خامەنېي لارىجانىنىڭ «قاتىللىرى» نىڭ «پات يېقىندا بەدەل تۆلەيدىغانلىقىغا» ۋەدە بەردى / Reuters
 

ئىراننىڭ ئالىي رەھبىرى مۇجتەبا خامەنېي يۇقىرى دەرىجىلىك بىخەتەرلىك ئەمەلدارى ئەلى لارىجانىنىڭ ئۆلتۈرۈلۈشىنىڭ ئارقىسىدىكى «قاتىللارنىڭ پات يېقىندا بۇنىڭ بەدىلىنى تۆلەيدىغانلىقىنى» بىلدۈردى. چارشەنبە كۈنى ئېلان قىلىنغان بىر باياناتتا، خامەنېي مىللىي بىخەتەرلىك ئالىي كېڭىشىنىڭ باش كاتىپى لارىجانىنىڭ ئوغلى ۋە بىر قانچە خىزمەتدىشى بىلەن بىرگە ئۆلتۈرۈلگەنلىك خەۋىرىنى «چوڭقۇر قايغۇ» ئىچىدە تاپشۇرۇپ ئالغانلىقىنى ئىپادىلىدى.

خامەنېي لارىجانىنى «ئىلىمدا پىشىپ يېتىلگەن پىكىر ۋە ھېكمەت ئىگىسى» دەپ سۈپەتلەپ، ئۇنىڭ سىياسىي، ھەربىي، بىخەتەرلىك، مەدەنىيەت ۋە مەمۇرىي ساھەلەردىكى يېرىم ئەسىرگە يېقىن خىزمىتىنىڭ ئۇنى «مۇنەۋۋەر بىر شەخس»كە ئايلاندۇرغانلىقىنى تىلغا ئالدى.

خامەنېي لارىجانىغا قىلىنغان سۇيىقەستنىڭ «ئۇنىڭ مۇھىملىقىنى ۋە ئىسلام دۈشمەنلىرىنىڭ ئۇنىڭغا بولغان ئۆچمەنلىكىنى ئىسپاتلىغانلىقىنى» تەكىتلەپ، «بۇنداق كىشىلەرنىڭ قېنىنىڭ تۆكۈلۈشى... ئىسلامنى پەقەت كۈچەيتىدۇ» دېدى. خامەنېي «ھەر بىر تامچە قاننىڭ بەدىلى بار» دېيىش بىلەن بىرگە، «بۇ شېھىتلەرنىڭ قاتىللىرى پات يېقىندا بۇنىڭ بەدىلىنى تۆلەيدۇ» دەپ ۋەدە بەردى.

مۇناسىۋەتلىك ئۇچۇرلارTRT World - How big a blow will Ali Larijani’s killing prove to be for Iran?

ئۆلتۈرۈلگەن ئەڭ يۇقىرى دەرىجىلىك ئەمەلدارلارنىڭ بىرى

ئىران دائىرىلىرى لارىجانىنىڭ سەيشەنبە كۈنى ئەتىگەن تەرەپتە ئامېرىكا-ئىسرائىلىيە ھۇجۇمىدا ئۆلتۈرۈلگەنلىكىنى، ھۇجۇمدا ئوغلى مۇرتەزا، ياردەمچىسى ئەلىرىزا بايات، كېڭەشنىڭ بىر قانچە خىزمەتچىسى ۋە قوغدىغۇچىلىرىنىڭمۇ ھاياتىدىن ئايرىلغانلىقىنى خەۋەر قىلدى. لارىجانى ئۆتكەن ئايدا ئىرانغا قارشى باشلانغان ئامېرىكا-ئىسرائىلىيە ئۇرۇشىدىن بۇيان ئۆلتۈرۈلگەن ئەڭ يۇقىرى دەرىجىلىك ئەمەلدارلار قاتارىدىن ئورۇن ئالدى.

ئىران ئارمىيەسىنىڭ باش قوماندانى ئەمىر ھاتەمى چارشەنبە كۈنى، تېھراننىڭ لارىجانىنىڭ ئۆلتۈرۈلۈشىگە قايتۇرىدىغان جەۋابىنىڭ «قەتئىي ۋە پۇشايمان قىلدۇرىدىغان دەرىجىدە» بولىدىغانلىقىنى بىلدۈردى. ئىنقىلابىي مۇھاپىزەتچىلەر قىسمىمۇ چارشەنبە كۈنى، «شېھىت دوكتور ئەلى لارىجانى ۋە دوستلىرىنىڭ قېنىنىڭ يەردە قالماسلىقى ئۈچۈن» ھازىردىن باشلاپ ئىسرائىلىيە مەركىزىگە باشقۇرۇلىدىغان بومبا ھۇجۇمى باشلىغانلىقىنى جاكارلىدى.

ئامېرىكا ۋە ئىسرائىلىيە 28-فېۋرالدىن بۇيان ئىرانغا قارشى بىرلىكتە ھۇجۇم قباشلىغان بولۇپ، ھازىرغىچە سابىق ئالىي رەھبەر ئەلى خامەنېينىمۇ ئۆز ئىچىگە ئالغان تەخمىنەن 1300 كىشىنىڭ ئۆلگەنلىكى خەۋەر قىلىندى. ئىران بولسا ئۇچقۇچىسىز ئايروپىلان ۋە باشقۇرۇلىدىغان بومبا ھۇجۇملىرى بىلەن ئىسرائىلىيە، ئىيوردانىيە، ئىراق ۋە ئامېرىكا ھەربىي كۈچلىرى تۇرۇشلۇق پارىس قولتۇقى دۆلەتلىرىنى نىشانلاپ ئۆچ ئالدى. بۇ ھۇجۇملار ئادەم ئۆلۈشت ۋە ئۇل ئەسلىھە زىيانلىرىنى كەلتۈرۈپ چىقىرىش بىلەن بىرگە، يەر شارى بازارلىرى ۋە ئاۋىياتسىيە ساھەسىگىمۇ تەسىر كۆرسەتتى.

مۇناسىۋەتلىك ئۇچۇرلارTRT World - Ali Larijani: The 'Man of the Moment' who bridged Iran's old guard and new era
ئىزدىنىڭ
ئاۋسترالىيە ئىسرائىلىيەلىك قانۇنسىز كۆچمەنلەرگە ۋە تەشكىلاتلارغا ئېمبارگو يۈرگۈزدى
تىرامپ: «رۇسىيە-ئۇكرائىنا ئۇرۇشى ھەل بولۇشقا ناھايىتى يېقىن»
ئىران CNN نىڭ «مەينەت بومبا» خەۋىرىنى «ئىراق ئۇرۇشى ئۇسلۇبىدىكى تەشۋىقات» دەپ رەت قىلدى
FBI سۈنئىي ئەقىل ئارقىلىق تېزلەشتۈرۈلگەن «ARTEX» تور ھۇجۇمى قورالى ھەققىدە ئاگاھلاندۇرۇش بەردى
جېنسېن خۇاڭ تەكشۈرۈشكە ھەمكارلىشىدىغانلىقىنى ۋە ۋەزىپىسىگە قايتىشنى خالايدىغانلىقىنى ئېيتتى
شى جىنپىڭ سۈنئىي ئەقىل ۋە ئەركىن سودا ساھەسىدە تېخىمۇ كۈچلۈك خەلقئارالىق ھەمكارلىقنى تەلەپ قىلدى
مۇرات قۇرۇم غەززەگە ياردەم يەتكۈزۈش ئۈچۈن «ئانتاليا-غەززە كىلىمات كارىدورى» قۇرۇشنى تەكلىپ قىلدى
ئامېرىكا ئىراننىڭ قەشم ئارىلىنى بومباردىمان قىلدى
كۈندىلىك قىسقا خەۋەرلەر | 18.11.2026
جەنۇبىي كورېيە رۇسىيە ھەربىي ئايروپىلانلىرىغا قارشى ئۇرۇش ئايروپىلانلىرىنى ھەرىكەتكە ئۆتكۈزدى
رۇسىيەنىڭ دىنېپېر ئۆتۈشمىلىرىنى نىشان قىلىشى بىلەن كىيېۋدا ئىككى چوڭ كۆۋرۈك زەربىگە ئۇچرىدى
ئەندى بېرنخام برېكسىتنىڭ ئەنگلىيە ئۈچۈن مەغلۇپ بولغانلىقىنى جاكارلىدى
قانۇنسىز ئىسرائىلىيەلىك كۆچمەنلەر ئەرىھا ئەتراپىدا بىر پەلەستىنلىك ئايالنى ئۆلتۈردى
ئىران ئامېرىكا پايتەختىگە مەينەت بومبا ياكى خىمىيەلىك ھۇجۇم پىلانلىماقتا
خاقان فىدان قارا دېڭىزدىن ئاشلىقنى دۇنيا بازارلىرىغا يەتكۈزۈش مەسىلىسى ئۈستىدە مۇھىم سۆز قىلدى