خەلقئارا
2 مىنۇت ئوقۇش
رۇسىيە راكېتالىرى ۋە ئۇچقۇچىسىز ئايروپىلانلىرى ئۇكرائىنادىكى «نافتوگاز» ئەسلىھەلىرىگە زەربە بەردى
كېچىدە ئېلىپ بېرىلغان ھۇجۇملار پولتاۋا ۋە خاركىۋدىكى ئېنېرگىيە ئەسلىھەلىرىنى ۋەيران قىلدى، كىيېۋمۇ رۇسىيەدىكى بىر قورال زاۋۇتىغا قارشى ھۇجۇم قىلغانلىقىنى ئېلان قىلدى.
رۇسىيە راكېتالىرى ۋە ئۇچقۇچىسىز ئايروپىلانلىرى ئۇكرائىنادىكى «نافتوگاز» ئەسلىھەلىرىگە زەربە بەردى
رۇسىيە راكېتالىرى ۋە ئۇچقۇچىسىز ئايروپىلانلىرى ئۇكرائىنادىكى «نافتوگاز» ئەسلىھەلىرىگە زەربە بەردى

ئۇكرائىنا ئېنېرگىيە شىركىتى «نافتوگاز» رۇسىيەنىڭ شەنبە كۈنى دۆلەتنىڭ شىمالىي-شەرقىدىكى پولتاۋا ۋە خاركىۋ رايونلىرىدا شىركەتكە تەۋە ئىشلەپچىقىرىش ئەسلىھەلىرىگە باللىستىك راكېتالار ۋە ئۇچقۇچىسىز ئايروپىلانلار بىلەن ھۇجۇم قىلغانلىقىنى، ئەسلىھەلەردە زىيانلار كۆرۈلگەنلىكىنى ئېلان قىلدى.

ئۇكرائىنا پىرېزىدېنتى ۋولودىمىر زېلېنسكىي ئۇكرائىنادا ئىشلەنگەن «فلامىنگو» راكېتالىرىنىڭ كېچە سائەتلىرىدە رۇسىيەنىڭ ۋولگوگراد رايونىدا زامبىرەك سىستېمىلىرى ۋە راكېتا قويۇپ بېرىش جابدۇقلىرىنى ئىشلەپچىقىرىدىغان بىر زاۋۇتقا زەربە بەرگەنلىكىنى ئېيتتى.

خۇس  تېلېگرام قانىلىدىكى باياناتىدا، ھۇجۇملارنىڭ «تىتان-باررىكادى» ئەسلىھەلىرىدە ئوت ئاپىتىگە سەۋەب بولغانلىقىنى بىلدۈردى.

بۇ ئاخىرقى ھۇجۇملار، رۇسىيەنىڭ ئۇچقۇچىسىز ئايروپىلانلىرىنىڭ جۈمە كۈنى ئۇكرائىنانىڭ ئىككى رايونىدا ئۈچ كىشىنىڭ ئۆلۈشىنى كەلتۈرۈپ چىقارغان ھۇجۇملىرىدىن كېيىن يۈز بەردى.

دنىپروپېتروۋىسكى رايونىنىڭ ۋالىيسى ئولېكساندر خانژا، رۇسىيەگە تەۋە بىر ئۇچقۇچىسىز ئايروپىلاننىڭ دۆلەتنىڭ جەنۇبىي-شەرقىدىكى نىكوپول شەھىرىدە بىر مىنىبۇسنى (كىچىك ئاپتوبۇسنى) نىشان قىلىشى نەتىجىسىدە ئىككى يولۇچىنىڭ ھاياتىدىن ئايرىلغانلىقىنى، ئىككى كىچىك بالا بولۇپ جەمئىي 12 كىشىنىڭ يارىلانغانلىقىنى بىلدۈردى.

دنىپېرب دەرياسى بويىدا، رۇسىيەنىڭ كونتروللۇقىدىكى زاپورىژيا يادرو ئېلېكتر ئىستانسىسىنىڭ ئۇدۇلىغا جايلاشقان نىكوپول شەھىرى رۇسىيە قىسىملىرىنىڭ قەرەللىك ھۇجۇملىرىنىڭ نىشانى بولۇپ كەلمەكتە.

رۇسىيە چېگراسىدىكى ۋە ئاساسەن ئۈزلۈكسىز ھۇجۇملارغا دۇچ كېلىۋاتقان شىمالىي-شەرقتىكى سۇمى رايونىنىڭ ۋالىيسى ئولېخ ھرىخوروۋمۇ رايون مەركىزىگە يېقىن بىر يېزىدا ئېلىپ بېرىلغان ئۇچقۇچىسىز ئايروپىلان ھۇجۇمىدا بىر ئەر كىشىنىڭ ئۆلگەنلىكىنى مەلۇم قىلدى.

جەنۇبتىكى زاپورىژيا رايونىنىڭ ۋالىيسى مىخائىل فېدوروۋ بولسا، كۈن بويى داۋاملاشقان رۇسىيە ھۇجۇملىرىدا ئىككى كىشىنىڭ يارىلانغانلىقىنى ۋە تۇرالغۇ ئۆيلەرنىڭ تاشقى تاملىرىنىڭ زىيانغا ئۇچرىغانلىقىنى ئېلان قىلدى.

بۇ ئاخىرقى ھۇجۇم دولقۇنى، ئىككى تەرەپنىڭ ئۇزۇن مۇساپىلىك ھۇجۇملىرىنىڭ شىددىتىنى ساقلاپ قالغانلىقىنى كۆرسىتىدۇ. رۇسىيە ئۇكرائىنانىڭ ئېنېرگىيە ئۇل ئەسلىھەلىرىنى ۋە پۇقراۋى رايونلىرىنى ھۇجۇم نىشانى قىلماقتا.  ئۇكرائىنامۇ «فلامىنگو» غا ئوخشاش راكېتا سىستېمىلىرى بىلەن رۇسىيە زېمىنىنىڭ ئىچكى قىسىملىرىنى سوقۇش ئىقتىدارىنى كۈنسېرى تېخىمۇ كۈچەيتكەن ھالدا نامايان قىلماقتا.

مۇناسىۋەتلىك ئۇچۇرلارTRT World - Europe seeks united front on Ukraine ahead of NATO summit in Ankara
ئىزدىنىڭ
TRT World مۇنبىرى باشلاندى: ئىستانبۇلدا يەرشارى سىستېمىسىنىڭ كەلگۈسى مۇزاكىرە قىلىنماقتا
ئامېرىكا كۇبا ئارمىيەسى ۋە ئېنېرگىيە تورىغا قاراتقان يېڭى ئېمبارگولارنى ئېلان قىلدى
ناتو - ئۇكرائىنا كېڭىشى بىريۇسسېلدا جىددىي يىغىن چاقىردى
ئىسرائىلىيە پىرېزىدېنتى ترامپنىڭ ياردەمنى كېسىشىدىن چۆچۈگەنلىكىنى بىلدۈردى
ئىران ئارمىيە باياناتچىسى ئامېرىكانى قايتۇرما ھۇجۇمغا ئۆتىدىغانلىقلىرىنى ئېيتىپ ئاگاھلاندۇردى
4 دۆلەت ھۇسىيلارنىڭ مەدىنىگە باشقۇرۇلىدىغان بومبا ئېتىش ئۇرۇنۇشىنى ئەيىبلىدى
رۇبىيو ئىستېپا بېرىدىغانلىقى ھەققىدىكى خەۋەرلەرنى رەت قىلدى
ھېرزوگ ھۆكۈمەت قۇرىدىغان كىشىنى يەكشەنبە كۈنى ئېلان قىلىدىكەن
كالىفورنىيە ئىشتاتى باشلىقى بارلىق ئۆلۈم جازاسى ھۆكۈملىرىنى مۇددەتسىز قاماق جازاسىغا ئۆزگەرتتى
رونالدو پورتۇگالىيە دۆلەت كوماندىسى بىلەن خوشلاشتى
شىمالىي كورېيە يېڭى باشقۇرۇلىدىغان بومبا ھاۋا مۇداپىئە سىستېمىسىنى سىناق قىلدى
جۇمھۇر رەئىس ئەردوغان: «8-نويابىر كۈنى ئەزەربەيجاننى زىيارەت قىلىشنى ئويلىشىۋاتىمەن»
ئەردوغان: تېررورلۇقتىن خالىي تۈركىيە مۇساپىمىز قانۇن دائىرىسىدە داۋاملاشماقتا
جەنۇبىي كورېيە ھورمۇز بوغۇزىغا يېقىن جايغا ئەسكەر ئورۇنلاشتۇرىدۇ
ئامېرىكا كېڭەش پالاتا ئەزاسى ساندېرس: ئىران بىلەن بولغان ئۇرۇش قىلىش ئاساسىي قانۇنغا خىلاپ