خەلقئارا
2 مىنۇت ئوقۇش
پەزەشكىياننىڭ ئوغلى: يېڭى دىنىي رەھبەر ئۇرۇش جاراھەتلىرىگە قارىماي «ساق-سالامەت»
ئىران پىرېزىدېنتىنىڭ ئوغلى چارشەنبە كۈنى ئىراننىڭ يېڭى دىنىي رەھبىرى مۇجتەبا خامەنېينىڭ ئىسرائىلىيە بىلەن ئامېرىكانىڭ ھۇجۇملىر جەريانىدا يارىلانغانلىقىغا دائىر خەۋەرلەرگە قارىماي، ئۇنىڭ ساق-سالامەت ئىكەنلىكىنى بىلدۈردى.
پەزەشكىياننىڭ ئوغلى: يېڭى دىنىي رەھبەر ئۇرۇش جاراھەتلىرىگە قارىماي «ساق-سالامەت»
56 ياشلىق مۇجتەبا خامىنىي كۆزگە چېلىقمايدىغان بىر شەخس بولۇپ، ئۇ ئامما ئالدىدا ناھايىتى ئاز كۆرۈنگەن ياكى رەسمىي پائالىيەتلەردە سۆز قىلغان. / Reuters
 

شۇنىڭ بىلەن بىر ۋاقىتتا ھۆكۈمەت مەسلىھەتچىسى بولغان يۈسۈپ پەزەشكىيان تېلېگرامما قانىلىدىكى ئۇچۇرىدا: «مۇجتەبا خامەنېينىڭ يارىلانغانلىقىغا دائىر خەۋەرلەرنى ئاڭلىدىم. ئالاقىسى بار بەزى دوستلىرىمدىن سورىدىم، شۈكرىلەر بولسۇنكى، ماڭا ئۇنىڭ ساق-سالامەت ئىكەنلىكىنى ئېيتىشتى»  دېدى.

ئىران دۆلەت تېلېۋىزىيەسى خامەنېينى «رامىزان ئۇرۇشىنىڭ يارىلانغان غازىسى» دەپ سۈپەتلىگەن بولسىمۇ، لېكىن يارىلىنىشىنىڭ تەپسىلاتى ھەققىدە توختالمىغانىدى.

يەنە بىر تەرەپتىن ئامېرىكا پىرېزىدېنتى دونالد ترامپ ئىراننىڭ يېڭى تەيىنلەنگەن دىنىي رەھبىرى مۇجتەبا خامەنېينىڭ ئامېرىكا بىلەن تىنچ-ئامان بىرگە ياشىيالايدىغانلىقىدىن گۇمانلىنىدىغانلىقىنى ئېيتىپ، داۋاملىشىۋاتقان توقۇنۇش جەريانىدا تېھران رەھبەرلىك قاتلىمىغا قارىتىلغان تەنقىدلىرىنى كۈچەيتتى.

فۆكس خەۋەرلىرىگە (Fox News) بەرگەن زىيارىتىدە ئىراننىڭ قارارىدىن مەمنۇن ئەمەسلىكىنى تىلغا ئالغان ترامپ: «مېنىڭچە ئۇ تىنچلىق ئىچىدە ياشىيالمايدۇ» دېدى. ترامپ ئىلگىرى خامەنېينىڭ تەيىنلىنىشىگە «ئېغىر خاتالىق» دەپ باھا بەرگەن ۋە يېڭى رەھبەرنىڭ ئامېرىكانىڭ تەستىقىسىز ئۇزۇن چىداپ تۇرالمايدىغانلىقىنى ئېيتىپ ئاگاھلاندۇرغانىدى.

يېڭى دىنىي رەھبەر ئۇزۇن مۇددەت ھاكىمىيەت يۈرگۈزگەن ۋە 28-فېۋرالدا ئامېرىكا قوشما ئىشتاتلىرى بىلەن ئىسرائىلىيەنىڭ ئىرانغا قارىتىلغان ھۇجۇملىرىدا ئۆلتۈرۈلۈشى بىلەن پۈتكۈل ئوتتۇرا شەرق مىقياسىدا ئۇرۇشنىڭ پارتلىشىغا سەۋەب بولغان ئىران رەھبىرى ئەلى خامەنېينىڭ ئوغلى ھەم ۋارىسىدۇر.

56 ياشلىق مۇجتەبا خامەنېي ئاممىنىڭ ئالدىغا ئاز چىقىدىغان، رەسمىي پائالىيەتلەردە سۆز قىلمايدىغان ۋە كۆزگە كۆپ چېلىقمايدىغان بىر شەخس سۈپىتىدە تونۇلغان بولۇپ، يەكشەنبە كۈنى رەھبەر دەپ ئېلان قىلىنغاندىن بۇيان تېخى خەلقكە خىتاب قىلمىدى ياكى يازما بايانات بەرمىدى.

نىيۇيورك تايمىس گېزىتىنىڭ (New York Times) چارشەنبە كۈنىدىكى بىر خەۋىرىدە ئىسمى ئاشكارىلانمىغان ئۈچ نەپەر ئىرانلىق ئەمەلدارنىڭ سۆزى نەقىل كەلتۈرۈلۈپ، خامەنېينىڭ بىر قانچە يېرىدىن يارىلانغانلىقى، ئەمما ھوشىنىڭ جايىدا ئىكەنلىكى ۋە چەكلىك ئالاقە شارائىتىدا ئىنتايىن بىخەتەر بىر جايدا قوغدىلىۋاتقانلىقى تىلغا ئېلىندى.

ئىزدىنىڭ
ئاۋسترالىيە ئىسرائىلىيەلىك قانۇنسىز كۆچمەنلەرگە ۋە تەشكىلاتلارغا ئېمبارگو يۈرگۈزدى
تىرامپ: «رۇسىيە-ئۇكرائىنا ئۇرۇشى ھەل بولۇشقا ناھايىتى يېقىن»
ئىران CNN نىڭ «مەينەت بومبا» خەۋىرىنى «ئىراق ئۇرۇشى ئۇسلۇبىدىكى تەشۋىقات» دەپ رەت قىلدى
FBI سۈنئىي ئەقىل ئارقىلىق تېزلەشتۈرۈلگەن «ARTEX» تور ھۇجۇمى قورالى ھەققىدە ئاگاھلاندۇرۇش بەردى
جېنسېن خۇاڭ تەكشۈرۈشكە ھەمكارلىشىدىغانلىقىنى ۋە ۋەزىپىسىگە قايتىشنى خالايدىغانلىقىنى ئېيتتى
شى جىنپىڭ سۈنئىي ئەقىل ۋە ئەركىن سودا ساھەسىدە تېخىمۇ كۈچلۈك خەلقئارالىق ھەمكارلىقنى تەلەپ قىلدى
مۇرات قۇرۇم غەززەگە ياردەم يەتكۈزۈش ئۈچۈن «ئانتاليا-غەززە كىلىمات كارىدورى» قۇرۇشنى تەكلىپ قىلدى
ئامېرىكا ئىراننىڭ قەشم ئارىلىنى بومباردىمان قىلدى
كۈندىلىك قىسقا خەۋەرلەر | 18.11.2026
جەنۇبىي كورېيە رۇسىيە ھەربىي ئايروپىلانلىرىغا قارشى ئۇرۇش ئايروپىلانلىرىنى ھەرىكەتكە ئۆتكۈزدى
رۇسىيەنىڭ دىنېپېر ئۆتۈشمىلىرىنى نىشان قىلىشى بىلەن كىيېۋدا ئىككى چوڭ كۆۋرۈك زەربىگە ئۇچرىدى
ئەندى بېرنخام برېكسىتنىڭ ئەنگلىيە ئۈچۈن مەغلۇپ بولغانلىقىنى جاكارلىدى
قانۇنسىز ئىسرائىلىيەلىك كۆچمەنلەر ئەرىھا ئەتراپىدا بىر پەلەستىنلىك ئايالنى ئۆلتۈردى
ئىران ئامېرىكا پايتەختىگە مەينەت بومبا ياكى خىمىيەلىك ھۇجۇم پىلانلىماقتا
خاقان فىدان قارا دېڭىزدىن ئاشلىقنى دۇنيا بازارلىرىغا يەتكۈزۈش مەسىلىسى ئۈستىدە مۇھىم سۆز قىلدى