رەھبەرلەر ھەمكارلىققا ئالاقىدار كېلىشىملەر ۋە كەلگۈسى تەسەۋۋۇرلىرىنى خۇلاسىلىگەن سېئۇل خىتابنامىسىنى ماقۇللىدى.
جەنۇبىي كورېيە بىلەن تۈركىستان (ئوتتۇرا ئاسىيا) رەھبەرلىرى ياساش ۋە ئۇل ئەسلىھە، نۇقتىلىق مىنېراللار، ئېنېرگىيە ۋە رەقەملىك تىپ ئۆزگەرتىش ساھەلىرىدە ھەمكارلىشىدۇ.
يونخاپ ئاگېنتلىقىنىڭ خەۋىرىگە ئاساسلانغاندا، جەنۇبىي كورېيە، قازاقىستان، ئۆزبېكىستان، تۈركمەنىستان، قىرغىزىستان ۋە تاجىكىستان رەھبەرلىرى، سېئۇلدا ئۆتكۈزۈلگەن كورېيە-ئوتتۇرا ئاسىيا باشلىقلار يىغىنىدا بىر يەرگە جەم بولغان.
پرېزىدېنتلىق ئىدارىسى ئاممىۋى مۇناسىۋەت كاتىپى سوڭ گىخوڭ يىغىندا رەھبەرلەرنىڭ سانائەت سىياسەتلىرى، ياساش ۋە ئۇل ئەسلىھە، نۇقتىلىق مىنېراللار، ئېنېرگىيە ۋە رەقەملىك تىپ ئۆزگەرتىش ساھەلىرىدىكى ھەمكارلىقنى چوڭقۇرلاشتۇرۇش توغرىسىدا چۈشىنىش ئەسلەتمىسى ئىمزالىغانلىقىنى بىلدۈردى.
سوڭ رەھبەرلەرنىڭ ھەمكارلىققا ئالاقىدار كېلىشىملەرنى ۋە كەلگۈسى تەسەۋۋۇرلىرىنى خۇلاسىلىگەن سېئۇل خىتابنامىسىنى ماقۇللىغانلىقىنى، بۇنىڭ جەنۇبىي كورېيە بىلەن ئوتتۇرا ئاسىيا ئوتتۇرىسىدا 30 يىللىق ھەمكارلىق دەۋرىنى باشلايدىغان بىر «بۇرۇلۇش نۇقتىسى» ئىكەنلىكىنى ئېيتتى.
رەھبەرلەر سۈنئىي ئىدراك ۋە ئىلىم-پەن ساھەلىرىدىمۇ ھەمكارلىقنى كۈچەيتىش مەقسىتىدە بىر قوشما قۇرۇلۇشنى باشلىدى.
