جەنۇبىي كورېيە چىرىكلىكنى تەكشۈرۈش ئىدارىسى 3-دېكابىردا ھەربىي ھالەت ئېلان قىلغانلىقى سەۋەبلىك ۋەزىپىسىدىن ئېلىپ تاشلانغان سابىق پىرېزىدېنت يون سۇك يېئولنى تۇتۇش بۇيرۇقىنىڭ ۋاقتىنچە توختىتىلغانلىقىنى جاكارلىدى.
بۇنىڭدىن بۇرۇن سابىق پىرېزىدېنت يون سۇك يېئول «توپىلاڭ چىقىرىش ۋە ھوقۇقتىن قالايمىقان پايدىلىنىش» جىنايىتى بىلەن ئەيىبلىنىپ، ئۈستىدىن 6-يانۋارغىچە تۇتۇش بۇيرۇقى چىقىرىلغان تۇتۇش بۇيرۇقى چىقىرىلغان، بۇيرۇقنى ئىجرا قىلىش ئۈچۈن كەلگەن ساقچىلار بىلەن يېئولنىڭ قاراۋۇللىرى ئوتتۇرىسىدا سۈركىلىش يۈز بەرگەنىدى.
ئۇ 3-دېكابىر كۈنى ئۆكتىچىلەرنى دۆلەتكە قارشى پائالىيەت قىلدى دەپ، ھەربىي ھالەت ئېلان قىلغان بولسىمۇ، بۇ قارار پارلامېنت تەرىپىدىن بىكار قىلىنغان. شۇنىڭ بىلەن يون ئاساسىي قانۇن سوت مەھكىمىسىنىڭ قارارىغىچە خىزمىتىدىن يىراقلاشتۇرۇلۇپ، ئورنىغا باش مىنىستىر خەن داك سو ۋاقىتلىق پىرېزىدېنت قىلىپ تەيىنلەنگەنىدى.
