ئۇكرائىنا ھەربىي ئۇل ئەسلىھەلەرنى ھۇقۇم نىشانى قىلغانلىقىنى ئېلان قىلدى.
رۇسىيە تاشقى ئىشلار مىنىستىرلىقى چارشەنبە كۈنى رۇسىيەنىڭ غەربىدىكى بريانسك شەھىرىدە يۈز بەرگەن ۋە ئادەم ئۆلۈش ھادىسىسىنى كەلتۈرۈپ چىقارغان ئۇكرائىنا ھۇجۇمىنى «تېررورلۇق ھۇجۇمى» دەپ ئەيىبلىدى. شۇنىڭ بىلەن بىرگە، ھۇجۇمدا ئىشلىتىلگەنلىكى ئىلگىرى سۈرۈلگەن باشقۇرۇلىدىغان بومبىلار سەۋەبىدىن ئەنگلىيەنى خەلقئارا قانۇن ئۆلچەملىرىگە خىلاپلىق قىلىش بىلەن ئەيىبلىدى.
مىنىستىرلىقنىڭ باياناتىدا، بۇ ھۇجۇمنىڭ تىنچلىق مۇساپىسى ئۈچۈن كۆرسىتىلىۋاتقان تىرىشچانلىقلارغا بۇزغۇنچىلىق قىلىشنى ۋە توقۇنۇشنىڭ ئەۋج ئېلىشىنى مەقسەت قىلغانلىقى بىلدۈرۈلدى.
بريانسك رايونلۇق ھۆكۈمەت باشلىقى ئالېكساندىر بوگوماز چارشەنبە كۈنى ھۇجۇمدا يەنە بىر كىشىنىڭ ھاياتىدىن ئايرىلغانلىقىنى ۋە ئۆلگەنلەر سانىنىڭ يەتتىگە يەتكەنلىكىنى خەۋەر قىلدى. بوگوماز بۇنىڭدىن ئىلگىرى سەيشەنبە كۈنىدىكى ھۇجۇمدا 42 كىشىنىڭ يارىلانغانلىقىنى ئېيتقان، ئەمما ھۇجۇمدا قەيەرنىڭ زەربىگە ئۇچرىغانلىقىنى ئاشكارىلىمىغان ئىدى.
ئۇكرائىنا باشقۇرۇلىدىغان بومبا زاپچاسلىرى ئىشلەپچىقىرىدىغان مۇھىم بىر ئەسلىھەگە زەربە بەرگەنلىكىنى ئېلان قىلدى. موسكۋا ئۇكرائىنانى قەستەن پۇقرالارنى نىشانلىدى، دەپ ئەيىبلىدى.
